JOHAN 7:35 - Ngawm Bible

³⁵ Mah hangin Judah thuneitute cu pa khat le pa khat, “Tawh theih ngawl tukin ilai mun poh hawh tum nantim? Judah tei umnak khuapi pa kha khatah hawhin, Grik mite zilhnuam hi nantih maw?” tin ti haw hi.

JOHAN 7:35 Iomraidhean Croise

SAAM LABU 147:2

Topa in Jerusalem cu tungdingleh hi. Saltangte kihpihleh hi;

ISAIAH 11:10

Mah ni ten, David casuan sung pen kumpi thak suak a, miphun tampi tei ca in, tiamtehnak hi tuk hi. A khuapi sungah tawkdun khawm haw tuk a, upatnak pia haw tuk hi.

ISAIAH 11:12

Topa in, a alan dangto tuk a, Israel le Judah mi khen khekte cu leimawk ningli pen khawmleh tung, tih langtiknakin miphun tampi tei lakah limlak tuk hi.

ISAIAH 49:6

Topa in, “Ka nadektu, na dehvo thu pi sesem um hi; A tang calam Israel tei nelah, ni dang laih bang lengin minthannak na hen lehtik tuk bek hi ngawlin, Lei buppi in luatnak a ngah theihnak tukin, nangmah cu miphun tampi tei lakah vaaknak tukin bawl tung,” ti hi.

ISAIAH 56:8

Saltannak pen a mihingte suahtu Topa Pathian in ama mite tuah khawmdun tukin le miphun dang pui tukin thutiam hi.

ZEFANIAH 3:10

Ngam khawlapi Ethiopia ngam pen a khenkeh sa ka mihingte nangawnin piak tuk nate tuah hunpih haw tuk hi.

MATTHAI 12:21

Mi hempoh ten a humah muansannak nei haw tuk hi,” tin, a tihmi a kimnak tukin hi.

LUKA 2:32

Gentail mitei lakah na lampi langtiktu khuavaknak hi a, na miphun Israel tei lakah sunloihnak hengtiktu hi,” tin Pathian pahcawi hi.

JOHAN 12:20

Puai sungah Pathian bia tukin Jerusalem a hawhtu mi honpi tei lakah Grik mi khenkhat tel kha bok haw hi.

JOHAN 7:1

Mahceng ten Jesuh cu Galilee ngam lamah zin kawkawi naven Judah ngam lam cu zin nuam ma hi. Itahim titale mahlai mun a um Judah thuneitu ten amah a thah nuam haw hangin hi.

JOHAN 8:22

Mah hangin Judah thuneitu ten, “Ka hawhnakah hawh thei tukma uh ci, a tihmi khi amah le mah poh that duncop nuam hi nantih maw?” tin ti haw hi.

NUNGZUITU 11:18

Mahmi a zak haw ten a sonsiatnak haw cu cawl haw a, Pathian thangphatin, “Pathian in Gentail mitei lakah vangin sualsikin le nung tukin hun pia bok hi,” tin ti haw hi.

NUNGZUITU 11:20

Mahnaven thu umtu khenkhat cu Saipras le Sairin khua pen Antiok khua ah hawhin, Topa Jesuh Khrih i Thuthangpha cu Gentail mitei lak hei hilh haw hi.

NUNGZUITU 14:1

Mahti bang bok lelengin Ikonium khua hei ah Paul le Barnabas cu pumkhawm innah hawhin, nase zetin thuhilh haw hi. Judah mi le Gentail mi tampi cu thu umtu ah cang haw hi.

NUNGZUITU 17:4

Mi khenkhatte cu a lungmu haw ciang ngangai in Paul le Silas khi kop haw hi. Mahti bang bokin numei hotu le Pathian a biatu Grik mi tampi ten Paul le Silas lakah khawm bok haw hi.

NUNGZUITU 18:4

Sabbath nisialin Pumkhawm innah Judah mi le Grik mite a lungmu haw ciangtik tukin thu sonkhawm mek haw hi.

NUNGZUITU 21:21

Gentail tei ngam sungah a ummi Judah mi hempoh tei lakah Moses Daan nung hek tukin le a cate haw vunceptalhnak bawlleh tuk ngawltohin le Judah Daan zuileh tuk ngawltohin Paul in zilh hi, tin himi ten son haw hi.

NUNGZUITU 22:21

Topa in, ‘Hawhta poh inna, Gentail mitei umnak ngam khua ah tiik tung hi,’ tin ti hi.”

ROM Khua Khristian Tei Lakah Paul i Laikuat (Paul’s Letter to the Romans) 1:16

Thuthangpha cu zahcak pih hihim mang hi. Itahim titale Pathian i huham hangin umtu hempoh ten nunpatnak ngah haw hi. A masa in Judah mitei ca hi, mahten Gentail mitei ca hei hi bok hi.

EFESA 3:8

Kei cu Pathian i mihing tei lakah mi nautabel sangin nauta saw laih ing. Mahnaven son theih ngawl tianin, a ngengmi Khrih Thuthangpha cu Gentail mitei lakah henpih tukin le,

KOLOSE 1:27

Pathian i tuptahmi cu mi hempoh tei ca in ngaihsutsa mi a sunglawi le nalamdang thu-ip cu atu-in, a mihing tei lakah langtik tukmi khi hi. Mah a thu-ip cu nangmu sungah a ummi Khrih a tihnuammi a hih hangin Pathian i sunloihnak khi kawm bok tuk uh ci tihnak hi.

1 TIMOTE 2:7

Mah hangin hi upnak thu le thutak phuangtu tukin Gentail mitei lakah zilhtu le kamtai tukin a hahmi hi. Zolthu son mang, thutak son ing.

2 TIMOTE 1:11

Pathian in Thuthangpha phuang tukin kamtai le zilhtu ah teng zo hi.

JAMES 1:1

Pathian le Topa Jesuh Khrih i sila keimah James in leihum khua hempoh ah a lengkekmi Pathian mihing nangmuh tei lakah laikuatin nuksat ing.

1 PETER 1:1

Jesuh Khrih i tiikmi keimah Peter in Pontius, Galatia, Kappadosia, Asia le Bithinia peng a ngaltai bangin a vakkekmi, Pathian i tenmite nangmu lakah laikuat ing.