JOHAN 7:33 - Ngawm Bible

³³ Jesuh in, “Dawmlaih sung cu nangmu lakah um hih tung a, mah nungten keimah tiiktu pa i lakah hawh tung hi.

JOHAN 7:33 Iomraidhean Croise

MARKA 16:19

Topa Jesuh cu amu lakah thu a hilh ceng ten vancungah lak tohin um a, Pathian taklamah khung hi.

JOHAN 13:1

Atu-in Kaltan Puainak tuk ni khat bek sam toh hi. Leihum zamsanin, Pa i lakah a hawh lehnak tuk hun heng zo tih thei hi. Hi leihum a ummi a mihingte khi it lelengin, amuhte a dawltawpnak tian it hi.

JOHAN 13:3

Pa in huham cangkim zetin pia zo hi tih cu Jesuh in theicop leng hi. Pathian lak pen hungin, Pathian nelah hawhleh tung hi tihvang cu thei hi.

JOHAN 13:33

Ka cate aw nohtei lakah ngeipi umleh tukma toh ing. Noh ten kei cu zei li tuk naven uhcin Judah tei lakah ka hilhsa bangin nohte hilh ing hi, ‘Keima hawhnak munah nohte hawh kha thei tukma uh ci,’ ti hi.

JOHAN 14:12

Thutakin hilh ing. Keima a umtu ten ka bawl bangin bawlbok haw tuk hi. Hi sangin a ngeng saw deuh hei bawl thei haw tuk hi. Itahim titale ka Pa i lakah ka hawh tuk hangin hi.

JOHAN 14:19

Imah can um ngawlin leihumpi in, kei cu muleh tukma toh hi. Mahnaven noh ten kei cu mu tuk uh ci. Mahbek sial ngawlin keimah ka nun bang bokin nohte vang nungbok tuk uh ci.

JOHAN 14:28

“Hawh hih tung a, nohtei lakah hungleh tung hi,” tin ka hilhmi thu za zo uh ci. Keimah na it ngangai uh tale ka Pa i lakah ka hawh tuk hi lungdamzet tuk uh ci. Itahim titale amah cu keimah sangin ngeng saw hi.

JOHAN 16:10

Dikcangnak humah a ngaihsut khialdan haw hilhciang tung hi. Itahim titale kei cu ka Pa i lakah hawh tung a, na muhleh tuk uh ngawl toh hangin hi.

JOHAN 16:28

Ka Pa i lak pen a hungmi tatak ing a, leihumah hung ing. Atu-in hi leihum pen tulin ka Pa i lakah hawh tung,” ti hi.

JOHAN 16:5

Mahnaven atu-in keimah a tiiktu Pa i lakah hawh tuk toh ing. Ilai ah hawh tuk nge cim? tin a dongtu umma laih uh ci.

JOHAN 17:11

Atu-in, na lakah hung tung a, kei cu leihumah umleh tukma toh naven amuhte cu leihumah um haw tuk laih hi. A thiangthomi ka Pa, nangmah le keimah pa khat a hih uh bangin leihumah a umlaih mite cu pa khat a hih theihnak tukin na piakmi na min i huham tuah humhimin hi.

JOHAN 17:13

Atu-in nangma lakah hung tuk toh ing a; leihumah hi thu ka hilhnak cu ka lungdamnak amu lungmu sungah cangkim zetin, a neih theihnak haw tukin hi.

JOHAN 20:17

Jesuh in Mary lakah, “Keimah zen hih pahsun! Itahim titale pa i lakah heng ma laih ing. Mahnaven ka unau tei lakah hilhta inna, a Pa haw ahi bokmi ka Pa, a Pathian haw ahi bokmi ka Pathian nelah hawh tung hi, tin hilhin,” ti hi.

JOHAN 9:4

Sun khuavak sungzong cu keimah a tiiktu pa i na khi a dehlih tuk uhmi hi. Kuamah i deh theih ngawl can zaan hun heng li toh hi.