JOHAN 7:28 - Ngawm Bible

²⁸ Jesuh in mahtibang thu a zilh lih laih takin, “Keimah hi thei ngangai uh cim? Keima thu in, a hung hi kha mang hi. Keimah a tiiktu cu up tak ngangai mi hi. Noh ten keimah a tiiktu pa cu thei ma uh ci.

JOHAN 7:28 Iomraidhean Croise

SAAM LABU 9:10

Topa aw, nangmah a theitu ten nang cu muang haw tuk hi. Itahim titale na lak a hung mite cu, Nunghek awng ma ci,

JEREMIAH 31:34

Kua ma mah Topa thei tukin zilhdun kulleh haw tukma toh. Itakaw titale a ngeng le neu tih um ngawl, a venghawng haw in thei khawng haw tuk hi. A sualnak haw ngaidam tung, a mawhnak haw cing leng tuk mang. Keimah, Topa in hilh zo ing,” tin ti.

JEREMIAH 9:6

Siatnak pa khat nung pa khat bawl haw hi. Mi a zolnak haw cu tawp haw ma. Topa in, “Ka miten nunghek zo haw,” tin ti.

HOSEA 4:1

Topa in, hi ngamsung a ummi tei humah lungkim ngawlnak nei hi. Israel a hilhmi hi ngai in “Hi ngam sungah itnak um ngawlin le muantak hihnak hei umma hi. Mihing ten a Pathian in koih haw ma.

HOSEA 5:4

Mipi ten thilpha ngawl a bawl haw hangin Pathian nelah a kihlehnak haw tuk khak hi. Milim biak nuamnak lungmu tuah dim haw in, Topa hei theileh haw ma toh.

MATTHAI 11:27

“Ka Pa in, ka khut sungah ihempoh pia khawng zo hi. Pa sialngawl kuamah in, Capa cu thei haw ma hi; mahten Capa in thei bok haw hen tin, a ten mite sial ngawl, kuamah in Pa thei haw ma hi.

MATTHAI 2:23

Nazareth tihmi khua ah um haw hi. Mahti bangin profet tei hilh hamsa bangin, “Amah cu Nazareth mi hi tuk hi,” tihmi cu kim hi.

MATTHAI 26:55

Jesuh in mihonpi tei lakah, “Kei hi nguca hi ing maw, ngalnam le tembeek tuah man tukin na hun lih uh? Nisial Biakinn ah khungin, thu ka zilh lih laih khin kuamah in man ma si uh si.

LUKA 10:22

“Ka pa in, ihempoh ka lakah pia zo toh hi. Capa hi akua him tih cu Pa sialngawl kuamah in thei haw ma hi. Mahti bang bokin, Pa hi akua him tihvang Pa le Capa i phuan mitei lakah sial ngawl kuamah in thei zo haw ma,” ti hi.

LUKA 2:11

Tuzan loli in, David khua sungah nangmuh nunpantu tuk Khrih Topa hing zo toh hi.

LUKA 2:39

Josef le Mary cu Topa i daan bangin a kul le sapmi hempoh a bawl celh haw ten Galilee ngam, amu khua Nazareth ah kikleh haw hi.

LUKA 2:4

Josef cu Galilee ngam a, Nazareth khua pen David kumpipa i suahnak Judea ngam Bethlehem ah hawh hi. Josef cu David casuan a hih hangin mahlai khua cu zuan hi.

LUKA 2:51

Jesuh cu a nu le pate tuah Nazareth ah kiklehin, a thu ngai in um haw hi. A nu in, hi thu le la hempoh phawkngil ngawlin tiamteh leng hi.

JOHAN 1:46

Nathanel in, “Nazareth khua pen thilpha tul thei a ni maw?” tin ti hi. Filip in, “Zo inna!” tin ti hi.

JOHAN 10:36

Kei cu ka Pa i tenmi le leihumah a tiiksukmi ing. Mahti bang a hih hangin Pathian Capa ing hi, ka tih ten Pathian zawnsak ci, tin na tih theih uh?

JOHAN 12:49

Hi thu hi thuman hi. Itahim titale keima thu in hilh mang hi. Keimah tiiktu pa i thupiaknak bangin hilh ing.

JOHAN 14:10

Kei cu ka Pa i sungah um ing a, ka Pa vang cu keima sungah umbok hi tih khi umma cim maw, Filip? Nohte ka hilhmi thu cu keima sung pen a tulmi kha ma hi, ka sung a ummi ka Pa i nadehnak hi.

JOHAN 14:31

Mahnaven leihumpi in ka Pa ka ihlam a theih theihnak haw tukin ka Pa i tiiknak bangin ihempoh bawl khawng ing. “Hung unna, hilai mun pen hawh nung,” ti hi.

JOHAN 16:3

Ka Pa hei hihen, keimah hei hihen a theih haw ngawl hangin hitih bangin nohtei humah bawl haw tuk hi.

JOHAN 17:25

A dikcangmi Pa aw! Leihum ten nangmah thei haw ma naven kei in nangmah thei ing a, nangma tiikmi ka hihlam cu thei bok haw hi.

JOHAN 17:3

Mah kumkhua nunnak tihmi cu Pathian nangmah theih le na tiikmi Jesuh Khrih theih na hi.

JOHAN 3:2

Zan khat cu Jesuh lakah hawhin, “Rabbi, nang cu Pathian i tiikmi zilhtu hi ci, tih thei ung. Nalamdang na bawl mite hi Pathian tel ngawlin kuamah in bawl thei haw tukma,” ti hi.

JOHAN 3:33

Mahnaven kua hei in, a thuhilhmi a pomtu cu mahti bangin a pom hangin Pathian cu dik hi tih khohtik hi.

JOHAN 5:32

Mahnaven keima ai-in keima thu a hilhtu tuk midang pa khat umin, ka thu a hilhmi cu man tih thei ing.

JOHAN 5:43

Ka Pa i thuneihnak tuah hung naveng sang nuamma uh ci. Mahnaven mi pa khat cu ama thuneihnak tuah hungin amah saw cu pom uh ci.

JOHAN 6:42

Judah ten, “Hi pa hi Josef capa hi ma maw? A pa thei ung, a nu vang thei si ung. Ita vanhum pen a hungsukmi cangho ing hi! tin ti thei heng?” tin tili haw hi.

JOHAN 7:14

Hi puai a celh kuan haw ten Jesuh cu Biakinn ah hawhin thuzilhnak nei pan hi.

JOHAN 8:14

Jesuh in donlehin, “Mah kha ma hi. Keima thu lala ka son cop li vangin ka sonmi thu cu thuman hi. Itahim titale ilai pen hungin, ilai ah hawh tung kaw tihvang thei zo ing. Nohten ilai pen hung ing a, ilai lamah hawh tung kaw tih hei thei ma uh ci.

JOHAN 8:16

Mahnaven thu ka khen tuk bang ahin, ka thukhennak cu thuman hi tuk hi. Itahim titale hi thu ah keimah nguakcang kha mang hi. Kei a tiiksuktu ka Pa cu keimah tuah um kawm ung hi.

JOHAN 8:19

Amuh ten, “Na Pa cu ilai ah kaw a um?” tin dong haw hi. Jesuh in, “Keimah hei thei ma uh ci, ka Pa hei thei ma uh ci. Keimah na thei uh bang ahin ka Pa vang thei bok tuk nave uhcin,” tin don hi.

JOHAN 8:26

Nangmu lakah thuson tuk le thuhilh tuk tampi nei ing. Keimah a tiiktu cu thutak muantakzet hi a, leihumah ama lak pen ka zakmi thute bek hilh ing,” tin don hi.

JOHAN 8:42

Jesuh in, “Pathian cu na pa ngangai uh ahi tale keimah it tuk uh ci. Itahim titale kei cu Pathian lak pen hungin, atu-in hilai ah um ing. Keima thu in hung cawm mang hi. Keimah tiiktu pa i thu tuah hung ing.

JOHAN 9:29

Pathian in Moses lakah thuhilh tih thei ung. Mahnaven hi pa khi cu ilai lam pen hung him tih thei ma ung hi,” tin don haw hi.

NUNGZUITU 17:23

Itahim titale na khuapi sung uhte ka hawh ten Pathian na biaknak uhte ka zo ten biaklandawh pa khat humah, ‘Theih ngawlmi Pathian nelah,’ tin na ngat uh mu ing. Mahtin thei ngawl napi in, na biak uhmi Pathian cu atu nangmu lakah ka phuan lihmi hi.

ROM Khua Khristian Tei Lakah Paul i Laikuat (Paul’s Letter to the Romans) 1:28

Hitih bang mihing ten Pathian thudik cu a lungmu sung hawah thei nuam ngai ngawlin lungmu nawngkainak sungah Pathian in hengtik hi. Mah hangin bawl tuk ngawl nate khi bawl haw hi.

ROM Khua Khristian Tei Lakah Paul i Laikuat (Paul’s Letter to the Romans) 3:4

Pathian vangin amu humah muantak ngawl hi bok ni maw? Mahtin hi ma hi! Mi hempoh zolthu sontu ngeh ahi haw hei in, Pathian cu a manmi le muantakmi hi tuk hi, Lai Thiangtho in: “Na ot ten na otmi man hi tih langtiknak tukin le thukhen ten na neh theihnak tukin,” ti hi.

2 KORIN 1:18

Pathian cu thutak phuangtu a hih bangin nangmu lakah ka thutepmi cu “Mah hi,” tih le “Mahma mi,” tih cemcih ma hi.

2 KORIN 4:6

“Khuathimnak sung pen khuavaknak suak hen,” tin, a titu Pathian cu Khrih i mitmai hum a, Pathian i sunloihnak khi ka theih zawhnak tukin keimu lungmu sungah a vaknak piatu cu Pathian amah leleng hi.

TITUS 1:2

Mah a biaknak uh cu kumkhua nunnak muansannakah bulphuh pha mi hi. Zolthu son awng ngawl Pathian in hi nunnak cu leipi a bawl laih ngawlin a tepsami hi in,

HEBRU 6:18

Hi thu pa nih hi thek thong theih ngawlmi a hih hangin Pathian hei in hi thu humah zolthu sonnuam ma hi. Mahti bang a hih hangin ama lak pen humhimnak a ngahtu cu ngalphatnak le thathonak ngengpi nei in, a mai uhah a koihsami muansannak cu khimzet pom hung hi.

1 JOHAN 5:10

Mah hangin kua hei hihen Pathian Capa a umtu in ama lungmu sungah theihnak nei hi; mahnaven Pathian a umngawltu in, Pa in, a Capa thu a hilhmi a up ngawl hangin, Pathian khi zolthu sontik hi.

1 SAMUEL 2:12

Eli i capate cu mi suaksualzet haw hi. Topa Pathian vang imah simsial haw ma.