JOHAN 7:19 - Ngawm Bible

¹⁹ Moses in nohte thukham pia hi ma maw? Mahnaven kuamah in zui ma uh ci. Ita keimah lehlam that tukin ngaisung li uh cim?” tin Jesuh in ti hi.

JOHAN 7:19 Iomraidhean Croise

MATTHAI 12:14

Farasi mite ten Jesuh thah theihnak tukbuk thusiam khawm haw hi.

MATTHAI 21:38

Mahnaven huan zawngtu ten a capa amuh haw ten, “Hi pa hi huan neitu pa i capa hi. Hung unna, that nung inna, a nate cu eimu co tuk hung,” tin ti lamsang haw hi.

MARKA 11:18

Thiampi upate le Daan zilhtu ten mah thu a zak haw ten Jesuh thah theihnak tuk lampi zei haw hi. Jesuh i thuzilhmi in mipi tei lungmu a sawh ngah leita hangin cu lau mahtak haw hi.

MARKA 3:4

Mahten, “Sabbath ni-in, thilpha bawl pha saw tuk maw, siatnak bawl pha saw tuk him? A nunnak pat tuk maw, thatin zam tuk iti bang pha saw him?” tin a dot ten kuamah in don thei ngawlin mengden haw hi.

MARKA 3:6

Pumkhawm inn pawlam a tul cengbek haw ten thakhatin, Farasi le Herod i miten Jesuh that nuamin, a sual zei tukin thusiam li haw hi.

JOHAN 1:17

Pathian i Daan cu Moses lak pen pia naven hehpihnak le thutak cu Jesuh Khrih sung pen hung hi.

JOHAN 10:39

Jesuh cu man awn leleu haw naven amu khut sung pen suakca ngah hi.

JOHAN 11:53

Mah ni pepan Judah thuneitu ten Jesuh thah theihnak tuk thu ngeh vaihawm hawta hi.

JOHAN 5:16

Sabbath ni-in, mi a damtik hangin Jesuh cu langpang haw hi.

JOHAN 5:18

Mahti bangin a tih hangin Judah lampuitute cu thinuk mahtak haw in, amah thah tum dedeuh haw hi. Sabbath dan palcat bek hi ngawlin Pathian cu ka Pa hi, a tih hangin Pathian bangin amah le mah bawlduncop hi tin ngaisung haw hi.

JOHAN 5:45

Mahnaven kei hi Pathian nelah nangmuh mawhsiattu hi tukin ngaisung pahsuh un. A humah muansannak na neihzet uhmi Moses hihim khi nangmuh mawhsiattu na hi tuk hi.

JOHAN 7:1

Mahceng ten Jesuh cu Galilee ngam lamah zin kawkawi naven Judah ngam lam cu zin nuam ma hi. Itahim titale mahlai mun a um Judah thuneitu ten amah a thah nuam haw hangin hi.

JOHAN 7:25

Jerusalem khua a, mi khenkhat ten, “Thah tukin a zoh lih haw cu hi pa a maw?

NUNGZUITU 7:38

Amah cu Israel mite phillawnah a um haw laihin, amu lakah a tel lelengtu pa hi; a pu le pa tei lakah um bokin Sinai Mual pen vancungmi i awnkam a sangtu le a lakah a umtu hi; Mahten Pa Pathian i thu nung cu ohtei lakah a hen theihnak tukin a sangtu hi sih hi.

GALATI 3:19

Mahti bang ahi tale Daan i tuptahmi ngangai cu i kam ni? Sualnak tihmi hi ihim tih langtiknak tukin hi a, Abraham casuan lakah tepsami a hih bangin Abraham casuan i hen tian nung leleng tukin piakmi hi. Daan cu vancungmi ten mihing tei lakah piakmi hi a, vancungmi le mihing tei laklawhah palai pa khat um hi.

GALATI 6:13

Vunceptalhtu amuh lala vangin Daan cu zui cuang haw ma hi. Vuncep talhtik a nuamnak haw cu vuncep na tannak uh i hangin taksa lam pen amuh zuitu na can uh hangin a tuangkhawn theih hawnak tukin hi.

DAAN PIAKLEHNAK 1:17

Thu na soncat uhten pat peng nei pahsuh un. Iti bang mihing ahi haw hei in, deidatnak nei ngawlin, thu cu a thu bangin son un. A kuamah lau pahsuh un. Itahim titale na thu soncatnak uh cu Pathian nel pen a hungmi hi. Thu pa kha khat cu nangmu ca in soncat tukin a haksa leita ahi tale, keima lakah hunpih unna, keimah in soncat tung, tin hilh ing.

DAAN PIAKLEHNAK 33:4

Moses i piakmi Daan cu zui un hi. A hinnam uh i sunloihbelmi cu pia hi.