JOHAN 7:16 - Ngawm Bible

¹⁶ Jesuh in, “Tu a, nohte ka zilhmi hi keima thu hi ngawlin keimah a tiiksuktu Pathian lak pen a hengmi thu hi.

JOHAN 7:16 Iomraidhean Croise

JOHAN 14:10

Kei cu ka Pa i sungah um ing a, ka Pa vang cu keima sungah umbok hi tih khi umma cim maw, Filip? Nohte ka hilhmi thu cu keima sung pen a tulmi kha ma hi, ka sung a ummi ka Pa i nadehnak hi.

JOHAN 14:24

Keimah a it ngawltu ten ka thu ngai haw tukma hi. Ka hilhmi thu na zak lih uhte khi keima thu kha ma hi. Keimah a tiiktu ka Pa i thu hi.

JOHAN 17:14

Keimah cu hi leihum ita ka hih ngawl bang bokin, amuhte vang hi leihum ita hi bok haw ma hi, mah hangin na thu cu amuh tei lakah ka hilh ten leihum miten a huatnak cu na hi.

JOHAN 17:8

Na piakmi na thu cu hilh ing a, amuh ten pom zo haw toh hi. Nangma lak pen a hungmi ing hi, tih thuman hei cu thei haw in, na tiikmi tih hei khi um haw hi.

JOHAN 3:11

Thutak hilh ing: ka theih uhmi hilh ung a, ka muh uhmi theitik ung; mahnaven akua hei in, ka thu hilh uhmi pom nuam ma uh ci.

JOHAN 3:31

Humlam pen a hungmi cu mi hempoh sangin ngeng saw hi. Leihum pen a hungmi cu leihum ta na hi a, leihum thu hilh hi; mahnaven vancung pen a hungmi cu ihempoh i humah um hi.

JOHAN 5:30

Jesuh in, “Keima thu in imah bawl thei mang hi. Thukhennak ka bawl tale Pathian i hilhmi bangin bawl ing; mah hangin ka thukhennak cu dik hi. Itahim titale ka deihmi bawl tuk tum mang. Kei a tiiktu i deihmi bek bawl tum ing.

JOHAN 6:44

Keimah a tiiktu pa in keima lakah heng tukin a bawl ngawl ahin, ka lakah hung thei haw tukma hi; amuhte cu ni dawlbel ni ten nunnakah thotik tung hi.

JOHAN 8:28

Mah hangin Jesuh in amuh tei lakah, “Mihing Capa na khaitoh uhten ‘Keimah cu Keimah ing hi’ tih thei tuk uh ci. Keima thuneihnak tuah imah bawl mang, Pa i hilhnak bangin thuson ka hihlam thei tuk uh ci.

2 JOHAN 1:9

Akua hei hihen Khrih thuzilhnak sungah um ngawlin a valthau in, a nungtu cu Pathian nei ma hi. Mahnaven Khrih thuzilhnak sungah a umtu cu, Pathian nei in, a Capa vang nei bok hi.

MANGMUHNAK 1:1

Hi thu hi Jesuh Khrih i phuanmi hi: A hengpal tukmi nate, a sila tei lakah langtik tukin Pathian in, a lakah a phuanmi hi. Mahmi cu Khrih in, a vancungmi pa khat hahin, a sila Johan lakah a theihtikmi hi.