JOHAN 7:12 - Ngawm Bible

¹² Jesuh i thu cu mipi ten sonkuh li haw hi. Khenkhat ten, “Mipha hi,” tin ti haw naven khenkhat ten, “Pha ma, mizol kawkawi thong hi,” tin ti haw hi.

JOHAN 7:12 Iomraidhean Croise

MATTHAI 10:25

Mah hangin tawngta pa khat cu a zilhtu pa tuah a bangve haw ahin, a lungkim tukmi hi poh hi, sila pa vang a bawipa a bangbok tale, a lungkim bok tuk poh hi. Innkua a lupibel cu khawhuai bawi Beelzabul tin sammi ahi tale innkua sung um midangte cu mah sangin minsia saw deuhin sam hi haw tuk hi.

MATTHAI 21:46

Mah hangin Jesuh cu mat tum haw naven mipi ten profet hi tin, a ngaihsut haw hangin mipi ten lau in man ngamleh haw ma hi.

MATTHAI 27:63

“Bawipa, hih zolthu sontu pa in, a nunlaihin, ‘Ni thum nungten tholeh tung,’ tita hi.

LUKA 18:19

Jesuh in, “Ita mipha tin sam cim? Pathian pa khat sialngawl mipha dang kuamah umma hi.

LUKA 23:47

Mahmi cu ngalbawi pa in amuh ten Pathian thangphat hi. “Hi pa hi sualnak nei ngawl mipha hi,” tin ti hi.

LUKA 23:50

Mahlai ah Judah ngamsung um Arimatia khua mi Josef tihmi pa khat na um hi. Hi pa hi mipha le upat takmi hi in, Pathian Uknak heng tuk a, ngak lengtupa hi. Amah hi thukhentu Khonsil pa khat hi bok naven a thulaitan mi lungkim ngawltu pa khat na hi.

LUKA 6:45

Mipha in, a lungmu sung ummi thilpha khi tultikin mipha ngawlin a lungmu sung ummi thilpha ngawl khi tultik bok hi. Itahim titale mihing cu a lungmu sung ummi khi a kam pen tul,” ti hi.

LUKA 7:16

A venghawng haw in, thinsu in Pathian thangphat haw hi. “Eimu sungah profet ngengpi suak hi. A mihingte nunpan tukin Pathian hung zo hi,” tin ti haw hi.

JOHAN 6:14

Mahlai a um mi honpi ten, mahti bangin Jesuh i thasiahhuai nalamdang a bawlte amuh haw ten, “Hi pa hi, hi leihumah a hung tukmi profet a tih haw mi hi toh hi,” tin ti haw hi.

JOHAN 7:32

Farasi ten mi honpi tei hi bangin thu a son kuh huhum lih a zak haw ten thiampi upate tuah Jesuh man tukin biakinn cingtu palik khenkhatte cial haw hi.

JOHAN 7:47

Farasi ten, “Nangmuhte vang zol cih ngah zo bang um si!” tin dong haw hi.

JOHAN 7:52

Amuh ten, “Pha hi, nang hei hi Galilee lam pen cim? Lai Thiangtho sungah sialteh himpo inna, Galilee lam pen profet piang awng hihim tukma, tih thu thei tuk ci,” tin don haw hi.

JOHAN 9:16

Farasi khenkhat ten, “Himi thil bawltu pa cu Pathian lak pen a hungmi hi kha tukma hi. Itahim titale Sabbath daan palcat hi,” tin ti haw hi. Mahnaven khenkhat ten, “Mah ahi ahin, mi sualmi cu iti bangin hi bang nalamdang bawl thei tuk him?” tin ti bok haw hi. Mah hangin amu sung lala ah khendunnak piang hi.

NUNGZUITU 11:24

Barnabas cu miphazet hi a, Hawvang Thiangtho le upkhonak tuah a dimmi pa hi. Mahten mi tampi cu Topa i lakah pui hi.

ROM Khua Khristian Tei Lakah Paul i Laikuat (Paul’s Letter to the Romans) 5:7

Midang tei ca in mi pa kha khat a thih tuk cu thu baih viang ma hi. Mipha tei ca in thi ngamtu pa kha khat hei cu um kha haw thei men.

FILIPI 2:14

I pawpoh nadeh uhten phuciak li ngawlin le eldun li ngawlin dek un.