JOHAN 7:1 - Ngawm Bible

¹ Mahceng ten Jesuh cu Galilee ngam lamah zin kawkawi naven Judah ngam lam cu zin nuam ma hi. Itahim titale mahlai mun a um Judah thuneitu ten amah a thah nuam haw hangin hi.

JOHAN 7:1 Iomraidhean Croise

MATTHAI 10:23

Khua pa khatah a bawlsia haw tale khua dangah tai un. Thungai in hilh ing. Mihing Capa i hen laih ngawlin Israel ngamsung khua hempoh a na nadeh uh cengman tukma uh ci.

MATTHAI 21:38

Mahnaven huan zawngtu ten a capa amuh haw ten, “Hi pa hi huan neitu pa i capa hi. Hung unna, that nung inna, a nate cu eimu co tuk hung,” tin ti lamsang haw hi.

MARKA 11:18

Thiampi upate le Daan zilhtu ten mah thu a zak haw ten Jesuh thah theihnak tuk lampi zei haw hi. Jesuh i thuzilhmi in mipi tei lungmu a sawh ngah leita hangin cu lau mahtak haw hi.

JOHAN 1:19

Jerusalem a, Judah lampuitu ten thiampi khenkhatte le Levi mite cu Johan lakah hah haw in, “Nang hi akua nge cim?” tin dong haw hi.

JOHAN 4:3

Mahti bangin a son leilui lih haw cu Jesuh in, a zak ten Judah ngam pen tulin Galilee ah kikleh hi.

JOHAN 4:54

Hih nalamdang hi Judah ngam pen Galilee ngamah a hawh laihin Jesuh i nalamdang a vei nihnak a bawlmi hi.

JOHAN 6:1

Mah nungten Jesuh cu Galilee Tuitingpi ngalkhat lamah hawh hi. Mah Tuitingpi cu Tiberius tih hei in sam haw hi.

JOHAN 7:11

Judah upa ten puainakah zei haw in, “Ilai ah um him?” tin dong haw hi.

JOHAN 7:13

Mahnaven Judah upate a lau haw hangin a thu cu kuamah in tangzal zetin son ngam haw ma hi.

JOHAN 7:19

Moses in nohte thukham pia hi ma maw? Mahnaven kuamah in zui ma uh ci. Ita keimah lehlam that tukin ngaisung li uh cim?” tin Jesuh in ti hi.

JOHAN 7:25

Jerusalem khua a, mi khenkhat ten, “Thah tukin a zoh lih haw cu hi pa a maw?

JOHAN 7:35

Mah hangin Judah thuneitute cu pa khat le pa khat, “Tawh theih ngawl tukin ilai mun poh hawh tum nantim? Judah tei umnak khuapi pa kha khatah hawhin, Grik mite zilhnuam hi nantih maw?” tin ti haw hi.

JOHAN 8:37

Abraham i casuante na hih uh cu thei leng ing. Mahnaven ka thuzilhnakte na pom nuam uh ngawl hangin keimah that tukin sawm li uh ci.

JOHAN 8:40

Hilh tukin ka tuptah lelengmi cu Pathian lak pen ka zakmi thutak khi hi. Mahnaven keimah lehlam thah tum uh ci. Abraham in mahti bangin bawl awng ma hi.

NUNGZUITU 10:38

Nazareth mi Jesuh i humah iti bangin Pathian in Hawvang Thiangtho le huham buak him tihvang cu thei khawng uh ci. A lakah Pathian a um hangin khua hempoh ah hawhin, thilpha bawl pepel hi. Satan i khalhsiatmi hempoh damtik khawng hi.