JOHAN 6:65 - Ngawm Bible

⁶⁵ Jesuh in, a awn cu peh lehleu in, “Hitih bangin a hih hangin, Ka Pa in amu ca in lam a honsak ma tale kuamah in ka nelah heng thei haw tukma,” ti hi.

JOHAN 6:65 Iomraidhean Croise

MATTHAI 13:11

Jesuh in amu lakah, “Vancung ngam thukuh theih theihnak cu nangmu lakah piak hi zo naven mipi tei lakah piak hi kha ma hi.

JOHAN 10:16

Hi tuuhon sungah a tel kha ngawlmi tuu dang hei nei ing. Amuhte vang hunpih hihim bok tung hi. Ka aw ngai haw tuk a, tuucing pa khat i angsungah tuuhon khat suak haw tuk hi.

JOHAN 3:27

Johan in, “Pathian piakmi tih ngawlin kuamah in comi imah nei thei haw tukma hi.

JOHAN 6:37

Ka pa in keimah a piakmi pawpoh cu kua hei hihen ka lakah hung haw tuk hi. Keima lakah a hungmi pawpoh cu pa khatno hei kik tuk mang hi.

FILIPI 1:29

Khrih na upnak uh bekah hi ngawlin ama ca na thuaknak uhah covo sepmi na hih uh hi, mi bawngpha hi uh ci.

1 TIMOTE 1:14

Topa in, a hehpihnak cangkim cu leihin upnak le itnak pia hi. Mahmi upnak le itnak cu Khrih Jesuh tuah a pehdunnak uh i hangin eimuta hi zo hi.

2 TIMOTE 2:25

amah a dodaltu nun a hilh ten thinnemno in mi a hilh theitu hi saw hen. Mahtin a bawl tale amuhte thinthekin thutak a theih hawnak tukin Pathian in huncan pha a pia hei hi thei hi.

HEBRU 12:2

A upnak uh a patnak pen a tawpnak tian a sihsan uhmi Jesuh khi tawp ngawlin zo leng poh nung. Mailam ten a co tuk uhmi lungdamnak khi a tuptahmi a hih hangin thinglamteh hum a, zahcaknak tuah thih tuk hei poi sa ngawl thuakin, atu-in Pathian khunnak taklamah khung hi.