JOHAN 6:51 - Ngawm Bible

⁵¹ Vancung pen a hungsukmi nunnak cangho cu keimah ing hi. Hi cangho a eitu pawpoh cu kumkhua in nung haw tuk hi. Ka piakmi cangho cu ka taksa hi toh hi. Ita pia hing ngim titale leihum mitei nunnak tukin hi.”

JOHAN 6:51 Iomraidhean Croise

MATTHAI 20:28

Mihing Capa vang cu mahtih bang hi bok hi. Mihing Capa cu mite nadeh atiktu hi ngawlin, mitei nadehsaktu tukin le mi tampi i nunpan tukin a nunnak pia tukin hung hi,” tin ti hi.

LUKA 22:19

Mahten cangho cu la in, Pathian nelah lungdam thu a hilh celh ten bothemin, nungzuitute pia hi. “Hihi nohtei ca tukin ka piakmi ka taksa hi. Keimah na phawh lelengnak tukin bawl un,” ti hi.

JOHAN 1:14

Mah Thu cu mihingah cangin, eimu lakah um a; hehpihnak le thutak tuah dim hi. A sunloihnak mu hung a, Pa in, a Capa neihcalam lakah a piakmi sunloihnak hi.

JOHAN 1:29

A zingten Johan in, Jesuh a lakah a hun lih laih cu mu in, “Leihum sualnak a hawhpihtu Pathian Tuuno khi zo un!

JOHAN 11:26

A kuakua hei hihen keima sungah a nungtu le a umtute cu ituk mahten thi haw tukma toh hi. Hi thu hi um cim?” tin ti hi.

JOHAN 3:13

Vancung pen a tolh sukmi Mihing Capa sial ngawl kuamah vancungah a kaitu um haw ma,” ti hi.

JOHAN 3:14

“Moses in phillawn pen ngolh humah daal ngul a khai bangin Mihing Capa vang khai hi bok tuk hi;

JOHAN 3:16

Pathian in leihum hi a ih leita hangin a Capa neihcalam pia in, amah a umtu hempoh cu thi ngawlin kumkhua nunnak nei haw tuk hi.

JOHAN 3:36

Capa a umtu cu kumkhua nunnak nei hi; Capa i thu a eltu cu nunnak nei ngawlin Pathian i dantatnak a humah um tuk hi.

JOHAN 5:24

Thutakin hilh ing; kua hei hihen ka otmi zain, kei a tiiktu a um tale kumkhua nunnak nei hi. Thukhennak tawk ngawltohin, thihnak pen nunnakah tum zo hi.

JOHAN 6:33

Pathian i piakmi cangho cu vanhum pen hungin leihumah nunnak a piatu pa khi hi,” ti hi.

JOHAN 6:35

Jesuh in, “Keimah cu mahmi nunnak cangho ing. Keima lakah a hung mite cu ituk mahten a ngilkialleh haw tukma toh hi. Keimah a umtute cu ituk mahten dangdumleh haw tukma toh hi.

JOHAN 6:41

Jesuh in, “Kei cu vanhum pen a hungsukmi cangho ing hi,” a tih ten Judah mite cu phu celhculh haw hi.

JOHAN 6:47

Thutakin hilh ing. Amah umtu in kumkhua nunnak nei hi.

JOHAN 6:48

Kei cu nunnak cangho ing.

JOHAN 6:50

Mahnaven vancung pen a hungsukmi cangho a eitute cu thi haw tukma hi.

JOHAN 7:38

Lai Thiangtho sungah, ‘Keimah a umtu hempoh tei sung pen nunnak ciktui put tuk hi,’ tin a tihmi bangin hituk hi,’ tin ti hi.”

2 KORIN 5:19

Ka phuan uhmi thu cu; Khrih i hangin leihummi hempoh cu Pathian in, a lemdun lehnak bawl zo toh tihmi hi. Pathian in, a sual haw khumnak cazin koih lehma toh hi; mah ten a ngualcamin, a cannak haw thuthang hilhtu tukin keimuh nadeh tuk pia hi.

2 KORIN 5:21

Khrih i hangin Pathian i dikcangnak kawm thei bok tukin, Pathian in eimuh tei sualnak hangin, sualnak a nei vingviang ngawlmi Khrih cu misualah cangtik hi.

EFESA 5:2

Khrih in eimuh it in, a nunnak eimuh ca in Pathian lungdamtiktu namtui piaknak le biakpiaknakah a piakcopnak bangin na nunnak uh cu itnakin uk hen.

EFESA 5:25

Pasalte aw, Khrih in pawlpi cu it in, a nunnak tian a piak bangin na zi uhte cu it un hi.

TITUS 2:14

Ama nunnak loli in eimu phat ngawlnak pen suakca tukin, na pha bawl tuk a nuamtu hi tukin le ama bulta mithiang a cantiknak tukin ohte pia zo hi.

HEBRU 10:20

Amah in lampi thak, lampi nung, puanzak sung pen hong sak zo hi. Mah puanzak cu ama taksa pumpi khi hi,

1 PETER 2:4

Topa i lakah hung un; Amah cu mihing ten nemcuam ma hi tin, a lawl haw hei in Pathian in, a sunglawi tin, a tenmi a nungmi suang hi.

1 JOHAN 2:2

Jesuh Khrih amah hangin a sualnakte uh ngaidam hi, eimu sualnak bek hi ngawlin mi hempoh tei sualnak vang ngaidam hi.

1 JOHAN 4:10

Itnak tihmi cu hi bangin hi. Eimuh in Pathian it hung tih hi kha ma hi. Amah lam saw in it in, a Capa piasuk hi; mahmi cu eimu sual ngaihthiamnak tukin hi.

1 JOHAN 4:14

Pa in, a Capa cu leihum nunpantu tukin hah hi, tihmi amutu le a hilhtu cu eimuhte hung hi.