JOHAN 6:47 - Ngawm Bible

⁴⁷ Thutakin hilh ing. Amah umtu in kumkhua nunnak nei hi.

JOHAN 6:47 Iomraidhean Croise

JOHAN 11:26

A kuakua hei hihen keima sungah a nungtu le a umtute cu ituk mahten thi haw tukma toh hi. Hi thu hi um cim?” tin ti hi.

JOHAN 14:19

Imah can um ngawlin leihumpi in, kei cu muleh tukma toh hi. Mahnaven noh ten kei cu mu tuk uh ci. Mahbek sial ngawlin keimah ka nun bang bokin nohte vang nungbok tuk uh ci.

JOHAN 3:16

Pathian in leihum hi a ih leita hangin a Capa neihcalam pia in, amah a umtu hempoh cu thi ngawlin kumkhua nunnak nei haw tuk hi.

JOHAN 3:18

Akua hei hihen Capa a umtu cu thukhennak thuak tukma hi, mahnaven a umngawltu cu Pathian i Capa neihcalam a up ngawl hangin thukhennak thuak zo hi.

JOHAN 3:36

Capa a umtu cu kumkhua nunnak nei hi; Capa i thu a eltu cu nunnak nei ngawlin Pathian i dantatnak a humah um tuk hi.

JOHAN 5:24

Thutakin hilh ing; kua hei hihen ka otmi zain, kei a tiiktu a um tale kumkhua nunnak nei hi. Thukhennak tawk ngawltohin, thihnak pen nunnakah tum zo hi.

JOHAN 6:27

A sialeh theimi an ca in, nadek pahsuh un. Kumkhua a phaatmi nunnak an ca tukin dek saw un hi. Mah an cu Mihing Capa in, nohte pia tuk hi. Itahim titale Pa Pathian in, a humah lungkimnak tacik khen zo toh hi.”

JOHAN 6:40

Itahim titale Capa mu in, a umtu hempoh ten kumkhua nunnak a ngah haw tuk khi ka pa i deihnak hi, mahten ni dawlbel ni ten nunnakah thokiktikleh tung,” ti hi.

JOHAN 6:50

Mahnaven vancung pen a hungsukmi cangho a eitute cu thi haw tukma hi.

JOHAN 6:51

Vancung pen a hungsukmi nunnak cangho cu keimah ing hi. Hi cangho a eitu pawpoh cu kumkhua in nung haw tuk hi. Ka piakmi cangho cu ka taksa hi toh hi. Ita pia hing ngim titale leihum mitei nunnak tukin hi.”

JOHAN 6:54

Ka taksa ei in, ka thi a intute cu kumkhua nunnak nei in, ni dawlbel ni ten nunnakah tho lehtik tung hi.

JOHAN 6:58

Hihi van pen a hungsukmi cangho hi. Hi cangho cu na pu le pa tei eihmi tuah bangve ma hi, na pu le pa ten ei haw naven thi leng haw hi. Mahnaven hi cangho a eitu cu kumkhua in nung haw tuk hi,” tin Jesuh in ti hi.