JOHAN 6:39 - Ngawm Bible

³⁹ Keimah a tiiktu pa i deihnak cu ni dawlbel ten pa khatno hei paithong ngawlin nunnakah thawhlehtik theihnak tukin hi.

JOHAN 6:39 Iomraidhean Croise

JEREMIAH 23:4

A muhte cingkhawitu tukin hotu koih tung hi. Ka mite cu launak le lungapnak tuah umleh haw tukma toh, bawl vang bawlsialeh tukma toh ing. Keimah, Topa in, hilh zo ing,” ti hi.

MATTHAI 10:15

Thungai in hilh ing. Thukhen Ni ten Pathian in mah khuate sangin Sodom le Gomorah khua tei humah hehpihnak tam deuh nei tuk hi,” tin hilh hi.

MATTHAI 18:14

Mahti bangbok lengin vancung a, um na Pa uhin naupang pa khatno hei a pai tuk cu awi ma hi.

LUKA 12:32

“Tuuhonno aw, lau pahsuh un hi. Itahim titale noh tei lak a Vancung Uknak piak cu na Pa uh i lungdam mi hi.

JOHAN 12:48

Keimah lawlin ka thu a pom nuam ngawltu tei ca in, thukhentu tuk cu um leng hi. Ka hilhmi thu hi ni nungdawlbel ten a thukhentu hileh tuk hi.

JOHAN 17:12

Amuh tei lakah ka umlaihin nangma piakmi na min i huham tuah hup ing. Lai Thiangtho sung a, ummi a kimnak tukin a thamthong tukmi pa khat tih sialngawl cu mi pa khat hei thamthong haw ma, humhim khawng ing.

JOHAN 17:2

Capa i lakah na piakmi mihing hempoh tei lakah kumkhua nunnak a piak theihnak tukin leihum hinnam hempoh tei humah thuneihnak pia zo ci.

JOHAN 17:24

Pa aw! Nangma piakmi ka sunloihnak hi amuh theihnak haw tukin nangmah in, amuhte cu ka khut sungah pia zo ci. Keima umnakah umbok tukin deih ing hi; itahim titale leipi a pian laihngawlin it zo ci.

JOHAN 17:6

Leihum pen na samtulmi tei lakah na min cu langtik zo ing. Mah mite cu nangmata hi haw in, keima lakah na piakmi hi haw a, na thu zui haw hi.

JOHAN 17:9

Amuh tei ca in thungen ing. Leihum i ca in ngen mang hi. Mahnaven na piakmi tei ca in ngen ing. Itahim titale nangmata hi haw hi.

JOHAN 18:9

Hi tin, a tihnak cu, “Pa aw, ka khut sung a, na piakmi cu pa khatno hei ka paihtikmi umma hi,” a tihmi kimtiknak tukin hi.

JOHAN 5:28

Hi bang a hih hangin lamdangsa pahsuh un. Mithi hempoh ten a aw cu zain,

JOHAN 6:37

Ka pa in keimah a piakmi pawpoh cu kua hei hihen ka lakah hung haw tuk hi. Keima lakah a hungmi pawpoh cu pa khatno hei kik tuk mang hi.

JOHAN 6:40

Itahim titale Capa mu in, a umtu hempoh ten kumkhua nunnak a ngah haw tuk khi ka pa i deihnak hi, mahten ni dawlbel ni ten nunnakah thokiktikleh tung,” ti hi.

JOHAN 6:44

Keimah a tiiktu pa in keima lakah heng tukin a bawl ngawl ahin, ka lakah hung thei haw tukma hi; amuhte cu ni dawlbel ni ten nunnakah thotik tung hi.

JOHAN 6:54

Ka taksa ei in, ka thi a intute cu kumkhua nunnak nei in, ni dawlbel ni ten nunnakah tho lehtik tung hi.

ROM Khua Khristian Tei Lakah Paul i Laikuat (Paul’s Letter to the Romans) 8:11

Thihnak pen Jesuh a thotiktu Pathian i Hawvang nangmu sungah a nung tale thihnak pen Khrih a tho lehtiktu Pathian in nangmu sungah a Hawvang a umtik hangin a thi thei mi na taksa pumpi uh cu nunnak pia bok tuk hi.

1 KORIN 6:14

Pathian in, a Topa uh cu thihnak pen tholehtik zo a hih hangin ohte vang a cahnak huham tuah thotik bok tuk hi.

2 TIMOTE 2:19

Mahnaven Pathian sungah khim zetin, a mut ngah zomi a zung uh cu, hin theih ma hi. Mah a zung humah, “Topa in, a ma mite cu akua zong haw him tih thei hi,” tih le “Topa ta hi ing tih a theitu ten phat ngawlnak pen pial haw tuk hi,” tin nganmi um hi.

JAMES 5:15

Upnak tuah thungetnakin tina cu damtik tuk hi. Topa in tidamnak pialeh tuk a, sualnak a bawlmite vang ngaidam tuk hi.

1 PETER 1:5

Hun dawlbel ten langtik tukin, atu a koihsami nunpatnak cu upnak hangin Pathian i huham tuah cinkhawimi nangmuh tei co tukmi lo le lam hi.

JUDE 1:1

Khrih i nadektu le James i nau keimah Jude in, Pathian i sammi, Pa Pathian i ihmi le Jesuh Khrih i humhimnak sungah a ummi tei lakah hi laikuat hi ngan ing.

1 SAMUEL 25:29

Mi pa kha khatin do in, thah a tum hei in mihing ten a sum le pai a cin haw bangin, Topa na Pathian in himno in cingkhawi tuk hi. Mahnaven mi pa khatin sailum cu pai na hen tin, a saivawk bang bok inna, ngalte cu Topa Pathian in vawk tuk hi.