JOHAN 6:31 - Ngawm Bible

³¹ Lai Thiangtho sungah, ‘Eih tuk cangho van pen piasuk hi,’ tin, a tih bangin ka pu le pa uhten phillawn sung pen manna ei ngangai haw hi,” tin ti haw hi.

JOHAN 6:31 Iomraidhean Croise

NEHEMIAH 9:15

A ngilkial haw ten van pen cangho khiasuk ci, Adangdum haw ten suangpi sung pen, a in haw tuk tui tultik ci. A hennak haw tuk ngam cu luahtum tukin hilh ci, A lak hawah pia tukin na tepsa mi ngam cu.

NEHEMIAH 9:20

Na phatnak hangin a bawl haw tuk hilh ci, Manna tuah cawmin, a in haw tuk tui pia ci.

SAAM LABU 105:40

A lakah ngen haw in vaniim pia hi; Vancung pen an pia in, khamzet ei haw hi.

SUAHTULNAK 16:35

Israel miten Kanaan ngam a hen haw laih ngawl, kum sawm li sung cu manna ei haw hi. Manna cu panmun a suumnak, Kanaan ngam a hen haw tianin ei haw hi.

JOHAN 6:32

Jesuh in, “Thutakin hilh ing. Moses i piakmi cu vanhum cangho hi kha ma hi. Vanhum cangho ngangai a piatu cu ka Pa bek hi.

JOHAN 6:49

Na pu le pa uhten phillawn pen manna ei haw naven thi leleng haw hi.

JOHAN 6:58

Hihi van pen a hungsukmi cangho hi. Hi cangho cu na pu le pa tei eihmi tuah bangve ma hi, na pu le pa ten ei haw naven thi leng haw hi. Mahnaven hi cangho a eitu cu kumkhua in nung haw tuk hi,” tin Jesuh in ti hi.

1 KORIN 10:3

A venghawng haw in hawvang an phun khat ei haw.

DAAN PIAKLEHNAK 8:3

Ngilkialin koih hi. Mahnung ten nangmuh le na pu le pa tei eih awng ngawlmi manna cangho na eih tukin pia hi. Hi bangin a bawlnak cu an bek nunnak hi ma hi, Pathian awnkam hi nunnak hi tih na theihnak tukin hi.

JOSHUA 5:12

Mah ngam pen an a eih bek haw ten van pen manna cangho kulh lehma toh hi, mah nung siah Israel miten muleh haw ma toh hi. Mah kum pepan Kanaan ngam suak an bek ei haw hi.

MANGMUHNAK 2:17

“Beng na nei uh tale Hawvang Thiangtho i pawlpi tei lakah a hilhmi cu na ngai un. “Nehtute cu selmi manna moh khenkhat pia tung hi. Mah i humah suangpeek ngo pa khat ten pia tung a, mah suangpeek ngo humah a cotu tuk tei theihmi amuh tei min thak ngatin um tuk hi,” ti hi.