JOHAN 5:5 - Ngawm Bible

⁵ Mahlai munah mi pa khat kum sawm thum le kum liat sung a na pa um hi.

JOHAN 5:5 Iomraidhean Croise

MARKA 9:21

Jesuh in, “Hitih bang a nat sawng ngei toh maw,” tin dong hi. A pa in, “A neulaih pen pan awng toh hi.

LUKA 13:16

Atu-in hilai ah Abraham casuan sung pen kum sawm le kum liat sung Satan i hetcipmi um hi. Himi hi Satan bawlsiatnak sung pen Sabbath ni-in luattik tukmi hi ma maw?” tin ti hi.

LUKA 8:43

Mah tei lak pen numei nu pa khat kum sawm le kum nih sung thi luang natvei nu um kha bok hi. A neihnak hempoh bo khawngin, sibawi tei lakah bawl li naven kuamah in damtik thei haw ma hi.

JOHAN 5:14

A nungten mahpa cu Jesuh in biakinn sungah tawkin “Ngai in! Atu cu na dam zo hangin sual toh pahsun. Mahma tale na humah thilpha ngawl heng dedeuh tuk,” ti hi.

JOHAN 5:4

Hun kha khat ten Topa i vancungmi tolhsukin, tui cu phiatik mek hi. Mah tui a phia bek ten tuiting sungah a dawk masabeltu cu a natnak haw pen damnak ngah mek haw hi. Mah hangin a dam ngawltu ten mah tui a phia tuk cu ngak haw hi.

JOHAN 5:6

Jesuh in mahlai munah a zau leleng cu mu in, kum ngeipi na zo tihvang thei hi. Mah hangin Jesuh in, “Dam nuam cim?” tin dong hi.

JOHAN 9:1

Jesuh cu lampi ah a hawhlih laih takin pianpih mitcawpa pa khat mu hi.

JOHAN 9:21

Mahnaven atu-in iti bangin khua muleh thei kaw, tih le kua in, a mitvaktikleh him tih cu thei ma ung hi. Amah vang upa bok zo ahi tak amah dong poh unna, son thei khawng tuk hi,” tin don haw hi.

NUNGZUITU 14:8

Listra khua ah pianpih kezawngin, vei khatno hei a ciahthei ngawl pa um hi.

NUNGZUITU 3:2

Kongka Mawi a tihmi hawah pianpih a, kezawng pa um leng hi. Nisial Biakinn ah a hawhtu tei lak pen tangka ngen tukin mah kongka mawi ah koih mek haw hi.

NUNGZUITU 4:22

Nalamdang, damnak bawlsak ahi mipa cu kum sawm li hum mi hi.

NUNGZUITU 9:33

Mahlai ah Aenias a tih haw mi pa tawk hi. Aenias cu a tizawng a, kum liat sung zaunak pen a tho thei ngawlin a na mi hi.