JOHAN 5:46 - Ngawm Bible

⁴⁶ Moses khi um ngangai na hi uhta ahin keimah vang hi um bok tuk uh ci. Itahim titale Moses in keima thu ngan hi.

JOHAN 5:46 Iomraidhean Croise

PIANPATNAK 12:3

Nangmah muicu a piatu cu a humah muicu pia bok tung. Mahnaven nangmah a tamsetu cu tamsia bok tung hi. Nangmah muicu ka piak bangin, leihummi hempoh ten ka lakah muicu ngen haw tuk hi,” tin ti hi.

PIANPATNAK 18:18

A casuante cu hinnam ngeng le ngilin, suak khawng tukin muicu ka pia zo bangin leihum hinnam hempoh ten muicu ngen haw tuk hi.

PIANPATNAK 22:18

Ka thupiak na ngaih hangin, na casuante muicu ka piak bangin, leihum hinnam hempoh ten muicu ngen haw tuk,” ti hi.

PIANPATNAK 28:14

Na casuante cu leihum a, leivul zah haw tuk hi. A ngam haw cu nisuah nitum, sak le hangah kauh pepel haw tuk hi. Nangmah le na casuante hangin leihum hinnam hempoh muicu pia tung hi.

PIANPATNAK 3:15

Numei nu tuah ngalduntik tung a, na casuan uh tianin ngaldun tuk uh ci. Amuh ten na lu supeek haw tuk a, nang vangin, a kecawk cik tuk ci,” tin ti hi.

PIANPATNAK 49:10

A kumpi ngolh cawi in, a casuante cu uktu hi leleng haw tuk hi. Miphun tampi ten siah pia haw tuk a, upatnakin, a maiah kun haw tuk hi.

LUKA 24:27

Jesuh in, amuh tei lakah, Moses i laibu hempoh pepan profet tei ama thu le la a ngat haw mi hempoh khi hilhciang hi.

JOHAN 1:45

Filip in Nathanel tawkin, a lakah, “Moses Daan laibu sungah a thula a ngatmite le profette vangin a thula a ngat haw mi pa cu tawk zo ung. Amah cu Josef capa Jesuh, Nazareth khua mi tin,” ti hi.

JOHAN 5:47

Mahnaven ama ngatmi na up uh ngawl hangin ka hilhmi hi itin him na up theih tuk uh?” tin ti hi.

NUNGZUITU 26:22

Mahnaven tuni tianah Pathian bopnak tuah atu-in, na venghawng tei mai ah ka muhmi thu cu hilh ing. Ka hilhmi thu hi Moses in hihen, profet ten hihen, a piang tukmi a hilhham haw mi hi.

ROM Khua Khristian Tei Lakah Paul i Laikuat (Paul’s Letter to the Romans) 10:4

Khrih in Daan cu a botik zo hangin kua hei hihen atu pepan amah a umtu hempoh cu Pathian tuah lemdunnak ngah haw hi.

GALATI 2:19

Daan i cungcangah kei cu mithi ing hi; Pathian ca nung tukin Daan in kei thitik zo hi. A thinglamteh humah kei cu Khrih tuah thahcih mi hi zo ing.

GALATI 3:10

Daan zuinak a muangtu cu tamsiatnak nuai ah a umte haw hi. Itahim titale Lai Thiangtho in, “A kuakua hei hihen Daan laibu sung a ngat bang loli in, a zui leleng ngawltu cu Pathian i tamsiatnak nuai ah um haw,” ti hi.

GALATI 3:13

Mahnaven Khrih cu eimu ca in tamsiatmi a hih hangin Daan i henpihmi tamsiatnak pia in, tanleh zo hi. Itahim titale Lai Thiangtho in, “A kuakua hei hihen thing hum a takmi cu Pathian i tamsiatnak cotu hi,” ti hi.

GALATI 3:24

Mah hangin upnak i thawmin Pathian i mai ah thiancotikmi a hihnak tukin Daan cu Khrih i hun laih ngawl sungin mi uktu hi.

DAAN PIAKLEHNAK 18:15

Topa na Pathian in nangmu unau sung pen keimah bang profet piangtik tuk a, mah i thu cu ngai saw un hi.