JOHAN 5:44 - Ngawm Bible

⁴⁴ Pa khat le pa khat lak pen pahcoih tuk cu nuamzet uh ci. Mahnaven amah bek Pathian ummi lak pen pahcoihnak tuk hei tum ma uh ci. Mahtin ahi tale itin kaw kei na up theih tuk uh?

JOHAN 5:44 Iomraidhean Croise

2 KHANGSIALNAK 6:8

mahnaven Topa in, ‘Biakinn sak na tupmi cu thilphazet hi.

JEREMIAH 13:23

Mihaang phun Ethiopia mi pa khatin, a vunhaang thek thei ni maw? Tavangin, a can thek thei ni maw? a thek thei haw tale thilpha imah bawl ngawlin sualnak bebek a bawltu nohte hei in thilpha bawl cung thei bok tuk uh ci!

MATTHAI 23:5

Mitei muh tuk bekin ihempoh bawl haw hi. A lu le baan hawah a khih haw mi i humah Lai Thiangtho a ngat haw mi lupawng le a baanvialte zo hem un! Itih zahin ngeng him! A puancep haw a saudan zo hem un!

LUKA 19:17

A bawipa in, ‘Pha hi. Nang cu nadektu pha hi ci. Na neuno humah na muantak hangin khuapi sawm khat uktu in koih tung,’ tin ti hi.

JOHAN 12:43

Mihing tei mitmaipha muh tuk cu Pathian i mitmaipha muh tuk sangin deih saw haw hi.

JOHAN 17:3

Mah kumkhua nunnak tihmi cu Pathian nangmah theih le na tiikmi Jesuh Khrih theih na hi.

JOHAN 3:20

Akua hei in thilpha ngawl a bawltu in, vaknak cu hua in, vaknak sung hei ah hung tukma hi, itahim titale a pha ngawl a bawl mite lang suak kawn tih lauthawng hi.

JOHAN 5:41

“Mihing tei lak pen pahcoihnak ngah tukin zei mang.

JOHAN 8:43

Ita ka hilhmi thu hi thei zo ma uh cim? Ka thu phuanmi na ngaih uh ngawl hangin hi.

ROM Khua Khristian Tei Lakah Paul i Laikuat (Paul’s Letter to the Romans) 2:10

Mahnaven thilpha a bawltu hempoh tei lakah Pathian in sunloihnak, minphatnak le lemdaihnak thupha pia tukin, a co masatu cu Judah hi tuk a, a co dawltatu cu Gentail mite hi haw tuk hi.

ROM Khua Khristian Tei Lakah Paul i Laikuat (Paul’s Letter to the Romans) 2:29

A sunglam saw ah Judah lungmu in vunceptalhnak a ngahtu khi Judah mi ngangai haw hi. Mahmi cu ngatmi Daan i bawlmi kha ma hi. Pathian Hawvang i bawlmi hi. Mahti bang mihing cu mihing lak pen hi ngawlin Pathian lak pen thangphatnak ngahtu hi.

ROM Khua Khristian Tei Lakah Paul i Laikuat (Paul’s Letter to the Romans) 2:7

Mi khenkhat ten thilpha bawl lelengin sunloihnak, minphatnak le kumkhua nunnak zei haw hi; Mah mite cu Pathian in kumkhua nunnak pia tuk hi.

1 KORIN 4:5

Mah hangin a hun a kim laih ngawlin kuamah in, a thu haw son pahsuh un hi. Topa a hun ten dawlbel thukhennak um tuk hi. Amah in khuathim sung a selmi thukuhte cu khuavak sungah tulpih tukin, mihing tei lungmu sung a ngaihsut kuhte cu phuanglang khawng tuk hi. Kuakua hei in Pathian lak pen a co haw tukmi covo thangphatnak cu ngah haw tuk hi.

2 KORIN 10:18

Itahim titale mi pa kha khat cu amah le mah tawkzet ing, tin, a ngaihsut ten Pathian in sang ma hi; Pathian in pha tin, a ngaihsut bek ten cosang hi laih hi.

FILIPI 2:3

Mi nautat nimnak nei in, mai matan bek ngaisungin le mai minphatnak tuk bek zei in imah bawl pahsuh un hi. Pa khat le pa khat niamkhiat dunnak nei unna, midang sangin pha saw deuh ing tin, itik mah hei ten tidun pahsuh un hi.

1 THESALON 2:6

Nangmu lak pen hihen, midang tei lak hei pen hihen, pahcoihnak ngah nuam kha ma ung hi.

1 TIMOTE 1:17

Kumkhua in Kumpi, thihnak i neh zawh ngawlmi le mitmuh theih ngawlmi Pathian, amah bek Pathian tatak hi a, a lakah upatnak le sunloihnak kumkhua in kho leng tahen! Amen.

HEBRU 3:12

Thu umtu u le naute, a nungmi Pathian zamsan a nuamtu, lungmu pha ngawl le umngawltu na hih ngawlnak tukin ngalling un hi.

JAMES 2:1

U le nau aw, sunloihnak tuah a dimmi Topa Jesuh Khrih umtu na hih uh hangin ituk mahten mi deidatnak nei pahsuh un.

1 PETER 1:7

Itahim titale hi haksatnak na thuak uhmi cu na upnak uh a ngangai maw, a ngangai ma him tih theihnak tukin hi. A sia theimi sui hei khi mei tuah khingkhai haw hi. Mahti bang bokin sui sangin a sunglawi saw mi na upnak uh cu haksatnak a thuak zotu hi tukin thiathazoh kul hi. Jesuh Khrih a lang Ni ten thangphatnak, sunloihnak le upatnakte ngah tuk uh ci.

JUDE 1:25

amah bek a Pathian uh le oh Nunpantu lakah a bosa hunah hihen, atu le mailam hunah hihen, kumkhua pen kumkhua tian sunloihnak, thawm ngengnak, ngilnak le thuneihnak cu a Topa uh Jesuh Khrih i hangin a nelah um leleng tahen! Amen.

1 SAMUEL 15:30

Saul in, “Sual zo ing. Mahnaven Israel mi hempoh le ka mihing puitu tei mai cang bekah keimah na upatnak cu langtik zal inna, Topa na Pathian ka biak theihnak tukin ka lakah kik hih zalin,” tin ngen hi.

1 SAMUEL 2:30

Na unaupihte hihen, na phunpih hihen kumkhua in keima thiampi dek un hi, tin Israel i Topa Pathian, keimah hihimin tiamsa zo ing. Mahnaven mah bangin hi tukma toh hi tih thu hilh ing. Keimah a sunloihtu cu sunloih bok tung, a zawnsaktu cu zawnsak bok tung.