JOHAN 5:39 - Ngawm Bible

³⁹ Lai Thiangtho sialin cung uh ci; mah bangin na cunnak uh cu hi Lai Thiangtho sungah kumkhua nunnak mu tuk ung tin na ngaihsut uh hang hi. Hi Lai Thiangtho cu a venghawngin keima thu a hilhtu hi.

JOHAN 5:39 Iomraidhean Croise

SAAM LABU 1:2

Topa i Daan thukham zui cu a lungdamnak hi a, mah Daan thukham cu a sun a zan, ngaisungin bial hi.

SAAM LABU 119:11

Na humah ka sual ngawlnak tukin, ka lungmu sungah na daan cu koih zo ing.

SAAM LABU 133:3

Hermon mual a daita, Zion mualhum a, daita bang hi. Mahlai ah Topa in muicu le kumkhua nunnak pia tukin thutiam zo hi.

SAAM LABU 16:11

Nangmah in nunnak lampi cu lak tuk ci; Na umnakah lungdamnak dim hi. Na baan tha ngilnakah kumkhua nopnak um hi.

SAAM LABU 21:4

Nunnak a ngetmi cu na piak bek sialngawl a bo thei ngawl kumkhua nunnak pia zo ci.

SAAM LABU 36:9

Nang cu nunnak hempoh tei nunnak ciktui hi ci. Nangma vaknak hengin vaknak mu ung.

THUPAUCAP 6:23

A thu zilhmi haw cu vak leleng tuk a, a nun hilhnak haw in ngamtat ziaza hilh tuk hi.

ISAIAH 34:16

Topa i laibu sungah a nungmi ngamsa thu zei unna, sial un! Mah ngamsa cu hih ngam sungah a um ngawlmi um haw tukma; ngualcam nei ngawl hei um haw tukma hi. Mahti bang cang tukin Topa i thupiak sa hi; amah loli in munkhatah khawm khawng tuk hi.

ISAIAH 8:20

Mahti bangin a tih haw ten noh ten, “Topa i zilhmite hi ngai saw un. Mipol tei thu ngai pahsuh un. A hilh haw mite cu nohtei ca in, haksatnak pen luattik thei tukma hi,” tin ti un hi.

JEREMIAH 8:9

Na micip uhte zakca in um haw hi. A lungbingin, vancaukap zo haw hi. Ka thu elin, atu-in i cihnak kaw a neih laih haw tuk?

DANIEL 12:2

A thisa mihing tampi nunglehin, mi khenkhat cu kumkhua nunnak co haw tuk a, khenkhat cu kumkhua zahcaknak tawk haw tuk hi.

MATTHAI 22:29

Jesuh in, “Iti lawlawmin khial thei uh cim? Lai Thiangtho le Pathian ngilnak huham na theih uh ngawl hangin hi.

MARKA 10:3

Jesuh in, “Moses in iti bang thupia him?” tin dong hi.

MARKA 12:10

Lai Thiangtho in, “Inn satu tei manpha ma toh tin a lawl haw mi suang cu, a dang hempoh sangin manphabelmi suangin suak zo hi.

LUKA 16:29

“Abraham in, ‘Na unau ngallinnak piatu tuk Moses le profette um haw hi. A hilhmi thu ngai haw hen,’ tin ti hi.

LUKA 16:31

Mahnaven Abraham in, ‘Moses le profet tei thu a ngai nuam haw ma tale mi pa khat thihnak pen a tholeh hei in sang nuam haw tukma hi,’ tin ti hi,” tih thu Jesuh in hilh hi.

LUKA 24:25

Jesuh in, amuh tei lakah, “Iti zahta in sil lawlawm uh cim? Profet tei hilh ham mi thu cu muang thei him ma si uh ci?

LUKA 24:27

Jesuh in, amuh tei lakah, Moses i laibu hempoh pepan profet tei ama thu le la a ngat haw mi hempoh khi hilhciang hi.

LUKA 24:44

Amuh tei lakah, “Nohtei lakah ka umlaihin ka hilh lihmi thu cu a hite toh hi: Moses Daan laibu sung a, profet hempoh tei laingatmi sung le Saam laibu sung a, keima thu a ngat haw cu a cangkim khawng kul tuk,” ti hi.

JOHAN 1:45

Filip in Nathanel tawkin, a lakah, “Moses Daan laibu sungah a thula a ngatmite le profette vangin a thula a ngat haw mi pa cu tawk zo ung. Amah cu Josef capa Jesuh, Nazareth khua mi tin,” ti hi.

JOHAN 5:32

Mahnaven keima ai-in keima thu a hilhtu tuk midang pa khat umin, ka thu a hilhmi cu man tih thei ing.

JOHAN 5:36

Mahnaven keima ai-in ka thu la theihpihtu umin, Johan i tettikhanmi sangin ngeng saw hi; mahmi cu Pa i piakmi ka bawl mite hi. Mah ka bawlmi in, Pa i kei a hahnak thu langtik hi.

JOHAN 5:40

Mahnaven nunnak ngah tukin ka lakah hung nuamcuang ma uh ci.

JOHAN 5:46

Moses khi um ngangai na hi uhta ahin keimah vang hi um bok tuk uh ci. Itahim titale Moses in keima thu ngan hi.

JOHAN 7:52

Amuh ten, “Pha hi, nang hei hi Galilee lam pen cim? Lai Thiangtho sungah sialteh himpo inna, Galilee lam pen profet piang awng hihim tukma, tih thu thei tuk ci,” tin don haw hi.

NUNGZUITU 13:27

Itahim titale Jerusalem ah a ummi mipi le a hotu haw ten Jesuh cu Nunpantu hi tih khi thei haw ma hi. Profet tei ngatsami Sabbath nisialin, a sial haw mi thu hei khi a sullam thei haw ma hi. Mahnaven Jesuh a thahnak haw in, profet tei awnkam khi kimtik haw hi.

NUNGZUITU 17:11

Mahlai a mipi cu Thesalon mite sangin a lungmu taituang saw deuh haw hi. A thuhilh haw mite cu lungmu tak tuah ngai in, nisialin, Paul i hilhmi cu hi ngangai maw, hi ngangai ma him tin, Lai Thiangtho sialin zocik haw hi.

NUNGZUITU 26:27

Kumpi Agrippa aw, profette um cim? Um ci, tih thei ing!” tin ti hi.

ROM Khua Khristian Tei Lakah Paul i Laikuat (Paul’s Letter to the Romans) 1:2

Lai Thiangtho sung a ngat bangin mah Thuthangpha cu Pathian in, a profet tei lakah a tepsami hi.

ROM Khua Khristian Tei Lakah Paul i Laikuat (Paul’s Letter to the Romans) 3:2

A phunkimin, a cuangcungnak haw cu um hi. Amasabelin Pathian in, a Thuthangpha cu Judah mite cingkhawitik hi.

DAAN PIAKLEHNAK 18:15

Topa na Pathian in nangmu unau sung pen keimah bang profet piangtik tuk a, mah i thu cu ngai saw un hi.

DAAN PIAKLEHNAK 18:18

Amuh lak pen nangmah bang profet cu a ot haw tukmi hilh tung a, ka thupiakmi hempoh mipi lakah hilh khawng haw tuk hi.

DAAN PIAKLEHNAK 29:29

“Topa a Pathian uhin, a phuan ngawlmi thukuh tampi um. Mahnaven a Daan cu phuang zo in, eimuh le a canau uhten a kumkhua in, a zui tuk uhmi hi.”

DAAN PIAKLEHNAK 32:47

Hi zilhnakte hi nangmu ca in, zilhnuammi nei ngawl hi ma hi, na nunnak uh hi. Zui unna, na luahtum tuk uhmi Jordan Ngun ngal ngamah ngeipi um tuk uh ci,” ti hi.

KOLOSE 3:16

Khrih i thu cu na lungmu sung uhah cangkimno in cam leleng hen. Cihnak namkim tuah pa khat le pa khat zilhdunin thapiadun un. Saam labu sung a la, apdunnak la le la thiangte sa un. Na lungdamnak uh cu la tuah Pathian thangphat un.

HEBRU 11:16

A muh tei ngaihsutmi le a ngaih haw mi cu ngam pha deuh saw mi van cung ngam khi hi.

HEBRU 11:35

Upnak hangin numei tei sangngam thihnak pen nun lehtik hi haw hi. Midang cu nunnak pha saw ah thawhtikleh tuk a deih haw hangin luatnak teng ngawlin bawlsiatnak sungah thih tuk khi teng saw haw hi.

JOSHUA 1:8

Thukham laibu cu phawkngil hihim pahsun. A sung a, ngatmi bangin na nun theihnak tukin a sun a zanin sial lelengin hi. Mahti bangin na bawl tale khangto tuk ci a, na bawlmi hempoh lawhting tuk ci.

MANGMUHNAK 19:10

Mahten amah bia tukin a ke bulah kun ing; mahnaven amah in, “Mahtin kun pahsun, kei vang nangmah bangbokin, a nadektu ing hi. Jesuh i phuanmi thutak a pom ngahtu na unaupih tei lak pen pa khat hi bok ing hi; Pathian bek biak tukmi hi,” ti hi. Profette lungthotiktu cu Jesuh i phuanmi thutak khi hi.