JOHAN 5:38 - Ngawm Bible

³⁸ A thuhilhmi vang na lungmu sung uhah koih ma uh ci, itahim titale a tiikmi umma uh ci.

JOHAN 5:38 Iomraidhean Croise

SAAM LABU 119:11

Na humah ka sual ngawlnak tukin, ka lungmu sungah na daan cu koih zo ing.

ISAIAH 26:10

Mipha ngawl tei humah hehpihnak nei navecin, a dikmi cu bawl nuam cuang haw ma; Mi taituang tei ngamsung hei ah, Thil sual bawl memek haw hi. Na thawmngeng cu imah sial haw ma hi.

ISAIAH 49:7

Mitei zotsakmi, miphun tampi tei huatmi, uktu bawi tei umlawh nadektu tei lakah, a thiangtho Pathian Israel pantu in, “Mi luat na hihnak cu kumpi ten mu haw tuk a, upatnak a langtik tukin ding haw tuk hi. Kumpi capate le bawi ten mu haw tuk a, upatnakin, na mai ah kun haw tuk hi.” Topa Israel Pathian thiangtho in, a nadektu in teng zo toh hi. A thutepmi a kimtik leleng hangin a hum a bangin piang ngangai tuk hi.

JOHAN 1:11

Ama ngam sungah hung naven, a mihing ten sang haw ma hi.

JOHAN 15:7

Keima sungah umin ka thu cu nohtei sungah a kho leng tale na nget uh hempoh cu ngah tuk uh ci.

JOHAN 8:37

Abraham i casuante na hih uh cu thei leng ing. Mahnaven ka thuzilhnakte na pom nuam uh ngawl hangin keimah that tukin sawm li uh ci.

KOLOSE 3:16

Khrih i thu cu na lungmu sung uhah cangkimno in cam leleng hen. Cihnak namkim tuah pa khat le pa khat zilhdunin thapiadun un. Saam labu sung a la, apdunnak la le la thiangte sa un. Na lungdamnak uh cu la tuah Pathian thangphat un.

JOSHUA 1:8

Thukham laibu cu phawkngil hihim pahsun. A sung a, ngatmi bangin na nun theihnak tukin a sun a zanin sial lelengin hi. Mahti bangin na bawl tale khangto tuk ci a, na bawlmi hempoh lawhting tuk ci.

1 JOHAN 2:14

Ka cate aw, Pa Pathian na theih uh hangin hi laikuat hi nangmu lakah ngan ing. Pate aw, a pat pepan a um zo mi na theih uh hangin hi laikuat hi nangmu lakah ngan ing. Khangnote aw mi ngil na hih uh hangin hi laikuat hi nangmu lakah ngan ing. Pathian thu na sung uhah umin, Satan vang neh zo uh ci.