JOHAN 5:37 - Ngawm Bible

³⁷ Mahten kei a hahtu ka Pa hei in, ka thu cu mite theitik hi; a aw za awng ma uh ci. A mel vang mu awng ma uh ci;

JOHAN 5:37 Iomraidhean Croise

SUAHTULNAK 20:19

Moses lakah, “Nangmah in keimu lakah awn inna, ngai tuk ung hi; Pathian keimu lakah a awn ahi tale thi ngangai tuk ung hi,” tin ti haw hi.

ISAIAH 26:10

Mipha ngawl tei humah hehpihnak nei navecin, a dikmi cu bawl nuam cuang haw ma; Mi taituang tei ngamsung hei ah, Thil sual bawl memek haw hi. Na thawmngeng cu imah sial haw ma hi.

MATTHAI 17:5

Mahtin a otlih laih takin a de zetmi meingo in tuamin, meingo sung pen aw pa khatin, “Hi pa hi ka ih zetmi ka Capa hi; A humah ka lungkim mahtak ing, a thu na ngai un,” ti hi.

MATTHAI 3:17

Mahten van pen aw pa khatin, “Hi pa hi ka ihbelmi ka Capa hi, a humah ka lungdamzet ing,” tin ti hi.

MARKA 1:11

Vancung pen aw ing pa khatin, “Nangmah cu ka ihbel ka Capa ci; Ka lungdamnak nangma sungah um hi,” ti hi.

LUKA 24:27

Jesuh in, amuh tei lakah, Moses i laibu hempoh pepan profet tei ama thu le la a ngat haw mi hempoh khi hilhciang hi.

LUKA 3:22

Mahten van pen aw ngingin, “Nang cu ka ihmi ka capa hi ci, na humah ka lungdamzet ing.”

JOHAN 1:18

Kuamah in, Pathian cu mu awng ma hi. A Pa in, a Capa neihcalam, a angsungah a umtiknakin langtik zo hi.

JOHAN 14:9

Jesuh in, “Nohtei lakah ngeipi um zo naveng sing, keimah thei ma laih cim, Filip? Keimah a mutu pawpoh ten ka Pa mu bok haw hi. Mah hangin ita na Pa lak tehin tin ti thei cim?

JOHAN 15:24

Kuamah i bawl awng ngawl ka bawlmite cu bawl ngawlin ka umta ahin, amuh tei humah sualnak um tukma hi. Mahnaven atu tianah ka bawlmi khi mu leng haw naven ka Pa le Keimah hua haw hi.

JOHAN 5:32

Mahnaven keima ai-in keima thu a hilhtu tuk midang pa khat umin, ka thu a hilhmi cu man tih thei ing.

JOHAN 6:27

A sialeh theimi an ca in, nadek pahsuh un. Kumkhua a phaatmi nunnak an ca tukin dek saw un hi. Mah an cu Mihing Capa in, nohte pia tuk hi. Itahim titale Pa Pathian in, a humah lungkimnak tacik khen zo toh hi.”

JOHAN 8:18

Tulaih takin kei ca in ka tetti cu keimah hi toh ing. Ka tetti dang cu keimah a tiiktu ka Pa khi,” ti hi.

DAAN PIAKLEHNAK 4:12

Mah mei sung pen Topa cu na lak uhah awnin, a otmi vang na beng uhin za nave uhcin Topa i mellim cu imah mu ma uh ci.

1 TIMOTE 1:17

Kumkhua in Kumpi, thihnak i neh zawh ngawlmi le mitmuh theih ngawlmi Pathian, amah bek Pathian tatak hi a, a lakah upatnak le sunloihnak kumkhua in kho leng tahen! Amen.

1 TIMOTE 6:16

Amah bek hi a thi thei ngawlmi Pathian hi; a umnak mun cu vak leita in kuamah in zuan zo haw ma hi. Amah cu kuamah in mu awng haw ma hi; Kumkhua ngilnak, huham le upatnak cu ama lakah um leleng tahen! Amen.

1 JOHAN 4:12

Kuamah in Pathian cu a mit tuah mu awng haw ma hi. Mahnaven pa khat le pa khat a itdun uh tale Pathian pehzomdunnak tuah nungca in, a itnak cu eimu sungah cangkim hi.

1 JOHAN 4:20

Kua hei hihen Pathian it ing ti thah leng na pi in, a unau a huatu cu zolthu son hi. Itahim titale mit a muhmi, a unau hei a it ma tale muh theih ngawlmi Pathian cu it thei tukma hi.

1 JOHAN 5:9

Mihing tei thu theihpihmi cu um hung hi. Mahten Pathian i theihpihmi cu thupi saw laih hi. A Capa i thu a theihpihmi cu amah loli in langtik zo hi.