JOHAN 5:36 - Ngawm Bible

³⁶ Mahnaven keima ai-in ka thu la theihpihtu umin, Johan i tettikhanmi sangin ngeng saw hi; mahmi cu Pa i piakmi ka bawl mite hi. Mah ka bawlmi in, Pa i kei a hahnak thu langtik hi.

JOHAN 5:36 Iomraidhean Croise

MATTHAI 11:4

Jesuh in, “Hawh unna, na muhmi le na theih uhmi hempoh Johan lakah hilh un hi.

LUKA 2:49

Jesuh in, “Ita zei li uh cim? Ka pa i innah um ing tih thei ma uh cim?” tin don hi.

JOHAN 10:25

Jesuh in, “Nohte hilh zo naveng sang nuam ma uh ci. Ka Pa i thu a piaknak hangin ka bawlmi in keima hilh kul ngawlin langtik haw poh hi.

JOHAN 11:37

Mahnaven khenkhat ten, “Mitcaw nangawn hei khua mutik thei si, Lazaras hei cu thi ngawlin bawl thei tukma maw?” tin ti haw hi.

JOHAN 15:24

Kuamah i bawl awng ngawl ka bawlmite cu bawl ngawlin ka umta ahin, amuh tei humah sualnak um tukma hi. Mahnaven atu tianah ka bawlmi khi mu leng haw naven ka Pa le Keimah hua haw hi.

JOHAN 17:4

Nadeh na piakmi dek khawng zo ing a, na sunloihnak cu leihumah langtik zo ing.

JOHAN 2:23

Jesuh cu Kaltan Puai sungin Jerusalem khua sungah a umlaihin, mi tampi ten nalamdang a bawl mite amuh haw hangin amah cu um haw hi.

JOHAN 3:17

Itahim titale Pathian in, a Capa a tiik ten leihum thukhentu tukin tiik ma hi. Leihum Nunpantu tukin tiik hi.

JOHAN 3:2

Zan khat cu Jesuh lakah hawhin, “Rabbi, nang cu Pathian i tiikmi zilhtu hi ci, tih thei ung. Nalamdang na bawl mite hi Pathian tel ngawlin kuamah in bawl thei haw tukma,” ti hi.

JOHAN 4:34

Jesuh in, a lak hawah, “Kei ka an cu kei a tiiktu pa i deihnak bawl le a tiikmi deh khawng khi hi.

JOHAN 5:32

Mahnaven keima ai-in keima thu a hilhtu tuk midang pa khat umin, ka thu a hilhmi cu man tih thei ing.

NUNGZUITU 2:22

“Ka phunpih Israel mite hi thu hi ngai un! Nazareth mi Jesuh cu mihing hi naven Pathian i thuneihnak nei hi, tih cu ama sung pen Pathian in melciknak le nalamdang a bawlmi pen langtik zo hi. Hihi cu nangmuh loli i theihmi hi, itahim titale nangmu lakah a piangmi thilte hi.

1 JOHAN 5:9

Mihing tei thu theihpihmi cu um hung hi. Mahten Pathian i theihpihmi cu thupi saw laih hi. A Capa i thu a theihpihmi cu amah loli in langtik zo hi.