JOHAN 5:25 - Ngawm Bible

²⁵ Thutakin hilh ing hi; mithi ten Pathian Capa i aw a zak haw hun heng tuk bek hi ngawlin, atu-in, a zatu hempoh ten nunnak a ngah haw hun heng li zo hi.

JOHAN 5:25 Iomraidhean Croise

LUKA 15:24

Itahim titale ka capa cu thi zo naven nungleh hi. A pai sa hi naven muhlehin um hi,’ tin ti hi. Mahti bangin lungdam puai bawl haw hi.

LUKA 15:32

Mahnaven na nau pa hi a thi zo tohmi nungleh hi. Paithong zo toh naven atu-in muleh hung hi. Mah hangin lungdam le thatui in puai bawl tak hihim hi,’ tin ti hi,” tin hilh hi.

LUKA 9:60

Jesuh in, “Mithi cu mithi ten vui haw tahen. Nang cu hung inna, Pathian Uknak thu phuang saw in,” ti hi.

JOHAN 13:1

Atu-in Kaltan Puainak tuk ni khat bek sam toh hi. Leihum zamsanin, Pa i lakah a hawh lehnak tuk hun heng zo tih thei hi. Hi leihum a ummi a mihingte khi it lelengin, amuhte a dawltawpnak tian it hi.

JOHAN 17:1

Jesuh in hi thu a hilh ceng ten vanlam zoto in, “Ka Pa, a hun heng zo hi. Capa in nangmah a sunloihnak le huham a piak theihnak tukin na Capa i lakah sunloihnak pia tohin hi.

JOHAN 4:21

Jesuh in, a lakah, “Numei nu, ka hilhmi hi umin: Miten Pathian cu hi mualah hihen, Jerusalem hei ah hihen a biak haw ngawl hun heng tuk hi.

JOHAN 4:23

Mahnaven Pathian i Hawvang ngilnak hangin Pathian a bia tatak ten Pa cu Hawvang le thutak tuah a biak haw hun heng tuk hi; mah hun cu atu-in hung zo hi. Mahti bangin biak tuk cu Pathian in, a deihmi hi.

JOHAN 5:21

Pa in mithi thotikin, nunnak a piak bangin Capa hei in nunnak a deihtu lakah pia bok hi.

JOHAN 5:28

Hi bang a hih hangin lamdangsa pahsuh un. Mithi hempoh ten a aw cu zain,

JOHAN 6:60

Hi thu cu a nungzuitu ten a zak haw ten, “A thuzilhnak haksa leita cu akua in pom thei tuk him?” tin ti haw hi.

JOHAN 8:43

Ita ka hilhmi thu hi thei zo ma uh cim? Ka thu phuanmi na ngaih uh ngawl hangin hi.

JOHAN 8:47

Pathian lak pen a hungmi in Pathian i thu cu ngai hi. Mahnaven nohte cu Pathian lak pen a hengmi na hih uh ngawl hangin a thu ngai nuamma uh ci,” ti hi.

JOHAN 9:27

“Hilh zo toh sing, na ngaih nuam uh ngawl hang si! Ita za nuam leleu uh cim? Nangmuh vang hi ama nungzuitute hi tuk poh nuam bok uh cim maw?” tin don hi.

ROM Khua Khristian Tei Lakah Paul i Laikuat (Paul’s Letter to the Romans) 6:4

Tui sungah a phum uhten amah tuah phumcih hi hung hi, a thihnakah thi bok hung hi; mahti bang bokin Pa i sunloihnak huhamin Khrih cu thihnak pen a thawhtik bang bokin eimuh vang a thakin nung bok tuk hung hi.

EFESA 2:1

Ni dang laihin, na phat uh ngawlnak le na sualnak uh i hangin hawvang lam pen mithi hi uh ci.

EFESA 2:5

eimu sualnak sungah hawvang lam pen a thisa hi nave hungin, Khrih tuah nunnakah tholehtik zo hi. Pathian i hehpihnak thawmin patmi hi uh ci.

EFESA 5:14

Itahim titale ihempoh ciang zetin langtiktu cu vaknak hi. Mah hangin, “A hihbu mite khanglo toh unna, thihnak pen tho toh un; Mahten na hum uhah Khrih cu vak tuk hi,” tin, a tihnak haw hi.

KOLOSE 2:13

Ni dang laihin, na sualnak uh hangin le Daan pawlam a ummi Gentail mi na hih uh hangin hawvang lampialin mithi hi uh ci. Mahnaven atu-in Khrih tuah munkhatah Pathian in nungtik zo hi. Pathian in, a sualnak uh hempoh ngaidam khawng zo.

MANGMUHNAK 3:1

“Sardis pawlpi i vancungmi lakah hi bangin nganin hi: “Pathian i hawvang salih le aksi salih neitu i thucahmi cu hi bangin hi. Na nadehmi thei ing, a nungmi pawlpi tin na minthangzet naven a thi na hihlam thei ing.