JOHAN 5:23 - Ngawm Bible

²³ Mah hangin Pa a upattu hempoh ten Capa vang upat bok haw tuk hi. Kua hei hihen Capa a upat ngawltu cu a tiiktu a Pa vang upat bok haw ma hi.

JOHAN 5:23 Iomraidhean Croise

SAAM LABU 2:12

Can tawtok thahin, a mai ah kun unna, mahma tale, a thinuk tuk a, lalthong tuk uh ci; Itahim titale thakhatin, a thinuk tuk hi. Amah zuanin, humhimnak a ngahte cu mi muicu haw hi.

ISAIAH 42:8

“Keimah bek cu Topa na Pathian ing. Ka huham cu pathian dangte kawm tuk mang. Ka sunloihnak vang milimte hoih tuk mang.

ISAIAH 44:6

Israel uktu le a huptu Topa Cungnungbel Topa in, “Keimah cu masabel le nungdawlbel ing hi; Keimah sialngawl Pathian dang umma.

ISAIAH 45:15

Israel i Pathian, a mihingte a pantu cu a seldunmi Pathian hi,” tin phuang haw tuk hi.

ISAIAH 45:21

Na thu uh khentute cu pa khat le pa khat thuvaikum haw tahen. Thuneitute cu pa khat le pa khat thuvaikum haw tahen! Tanglaih cawngin hi thilte cang tuk laih hi, tin, a sontu cu akua kaw? A mihingte a pantu Pathian, Topa keimah hi ma ing maw? Pathian dang kuamah umma hi.

ZEKHARIAH 9:9

Lungdam un, Zion mite, na lung uh dam un! Jerusalem mite aw, lungdamin au leilui un! Na kumpipa uh a hun laihin, zo un! Ngalnehtu a hih uh hangin nehnak tuah hung hi, mahnaven mi niamkhiatnak tuah laak dawnno, laak cano hum khungin hung hi.

MATTHAI 10:37

Kua hei hihen, keimah sangin a nu le pa a it saw tu cu ka nungzuitu tukin tak ma hi. Keimah sangin a canu hihen, a capa hihen, a it saw tu cu ka nungzuitu tukin tak ma hi.

MATTHAI 11:27

“Ka Pa in, ka khut sungah ihempoh pia khawng zo hi. Pa sialngawl kuamah in, Capa cu thei haw ma hi; mahten Capa in thei bok haw hen tin, a ten mite sial ngawl, kuamah in Pa thei haw ma hi.

MATTHAI 12:21

Mi hempoh ten a humah muansannak nei haw tuk hi,” tin, a tihmi a kimnak tukin hi.

MATTHAI 15:8

‘Himi ten a kambek tuah keimah upatin, a lungmu ngangai haw cu kei tuah kangzet hi.

MATTHAI 28:19

Mah hangin miphun hempoh tei lakah hawh unna, keima nungzuitute suaktikta un. Pa, Capa le Hawvang Thiangtho minin tuiphumnak pia un hi.

LUKA 10:16

Nungzuitu tei lakah, “Nangmu thu a ngaitu cu ka thu ngaitu hi haw in, a nialtu cu keimah nialtu haw hi. Keimah a nialtu cu keimahtiktu pa nial hi haw,” ti hi.

JOHAN 14:1

Jesuh in, “Thinkham le ngaihsut haksa in, um pahsun un hi. Pathian um unna, keima hei um bok un hi.

JOHAN 16:14

Amah in keima cungcang ka hilhsami thu khi la in nangmu lakah hilh tuk a, amah in sunloihnak pia tuk hi.

JOHAN 17:10

Ka neihmi hempoh hi nangmata hi, nangma neihmi hempoh hei cu keima ta bok hi in, amu sung pen ka sunloihnak lang hi.

ROM Khua Khristian Tei Lakah Paul i Laikuat (Paul’s Letter to the Romans) 1:7

Mah hangin Rom khua a um Pathian i ihmi le ama mihingte hi tukin a sammi na venghawng uh lakah hi laikuat hi ngan ing. Pa Pathian le Topa Jesuh Khrih in hehpihnak le lemdaihnak cu nohte pia tahen.

ROM Khua Khristian Tei Lakah Paul i Laikuat (Paul’s Letter to the Romans) 15:12

Profet Isaiah in, “Jesse casuan pa khat heng tuk a, Gentail mite uktu in cang tuk hi. Amuh in amah cu muang haw tuk hi,” tin, a tih bangin hi.

ROM Khua Khristian Tei Lakah Paul i Laikuat (Paul’s Letter to the Romans) 6:22

Mahti bangin thil sual i thaman cu thihnak hi! Mahnaven atu-in sualnak pen luattik hi zo uh ci, Pathian i sila in cang zo uh ci. Na met uhmi cu Pathian nelah nunnak na ap khawng uhmi nunnak thiang hi, mahmi i a suahpihmi cu kumkhua nunnak hi.

ROM Khua Khristian Tei Lakah Paul i Laikuat (Paul’s Letter to the Romans) 8:9

Mahnaven nohte cu na mihing hihnak uhin nung ma uh ci; Pathian i Hawvang cu nangmu sungah a um tatak tale Hawvang i hilh bangin nung saw tuk uh ci. Kua hei hihen Khrih i Hawvang a nei ngawltu cu Khrih ta hi ma hi.

1 KORIN 1:3

Pathian a Pa uh le Topa Jesuh Khrih in hehpihnak le lemdaihnak thupha pia zal tahen.

1 KORIN 10:31

Hi zuh hi; iti bang nate na bawl uh hei in, na eih uhten hei hihen, na in uhten hei hihen, a venghawngin Pathian sunloihnakin bawl un hi.

1 KORIN 16:22

Kua hei in, Topa a deih ngawltu cu a humah siatnak heng tahen. Maranatha: Topa hung tohin hi.

1 KORIN 6:19

Na taksa pumpi uh cu Pathian i piakmi le na sung uh a nungmi Hawvang Thiangtho i biakinn a hihlam thei ma uh cim? Nohte cu nangmuta hi ma uh ci, Pathian ta uh ci.

2 KORIN 1:9

A thi tukin sonsa mi ung hi, tin ngaisung ung hi. Mahnaven hitih bangin thu a um cu keimuh le muh muangdun ngawlin thihnak pen a tholehtik tu Pathian ka muannak tuk uhin na hi saw hi.

2 KORIN 5:14

Ka hi uh tale nangmuh hangin hi. Mi pa khat cu mi hempoh tei ai-in thi hi. Mahmi a thihnak sungah kua hempoh telin kawm bok hung hi tih theih ngah nungten Khrih i itnakin uk hi.

2 KORIN 5:19

Ka phuan uhmi thu cu; Khrih i hangin leihummi hempoh cu Pathian in, a lemdun lehnak bawl zo toh tihmi hi. Pathian in, a sual haw khumnak cazin koih lehma toh hi; mah ten a ngualcamin, a cannak haw thuthang hilhtu tukin keimuh nadeh tuk pia hi.

EFESA 6:24

A catngawlmi itnak tuah a Topa uh Jesuh a ittu na venghawng uh lakah Pathian hehpihnak cu kho zal tahen.

2 TIMOTE 1:12

Hi bangin ka thuaknak cu mahmi hangin hi. Mahnaven ka muansanmi akua him tih ka theih hangin lungmuannak a dimin nei ing. Mah hangin ka khut sungah a keptikmi cu mah ni khua a hen tianin himdamno in, amah in cingkhawi tuk hi tih cangcian zetin thei ing.

HEBRU 1:6

Mahnaven Pathian in, a catawntil lei humah a tiik ten, “Pathian i vancungmi hempoh ten, amah cu bia haw tuk,” ti hi.

2 PETER 1:1

Jesuh Khrih i nadektu le a tiikmi keimah Simon Peter in, a Pathian uh i dikcangnak le nunpantu Jesuh Khrih hangin a sunglawimi ka upnak uh a co bokmi nangmu lakah hi laikuat hi ngan ing.

2 PETER 3:18

Ohtei Topa le nunpantu Jesuh Khrih hehpihnak le amah theihnak sungah khangto sesemta un. Ama lakah sunloihnak cu atu le kumkhua in um leleng tahen! Amen.

1 JOHAN 2:23

Itahim titale Capa a nialtu cu Pa vang nial bok hi. A kuakua hei hihen Capa a umtu cu Pa vang um bok tuk hi.

2 JOHAN 1:9

Akua hei hihen Khrih thuzilhnak sungah um ngawlin a valthau in, a nungtu cu Pathian nei ma hi. Mahnaven Khrih thuzilhnak sungah a umtu cu, Pathian nei in, a Capa vang nei bok hi.