JOHAN 5:19 - Ngawm Bible

¹⁹ Mah hangin Jesuh in, a lak hawah, “Thutakin hilh ing; Capa in, a mahno in imah bawl thei ma hi. A Pa i bawlmi a muhmite bek bawl hi. Pa i bawlmi cu Capa hei in bawlbok hi.

JOHAN 5:19 Iomraidhean Croise

PIANPATNAK 1:1

Amasabelin, Pathian in lei le vante piangtik hi.

PIANPATNAK 1:26

Pathian in, “Mihing bawl toh nung; eimu melsuun in, eimuh bang hi haw tuk hi. Tui sungum ngasa le vanah a lengmi vano tei humah hihen, inn ngulh nganhing le ngamsa a ngeng a neu humah hihen, thunei haw tuk hi,” tin ti hi.

SAAM LABU 138:3

Ka sam ten don ci; Na thazaangin kei ngiltik ci.

SAAM LABU 27:14

Topa cu muang un hi. Upnak nei in ngalpha zetin um un. Topa cu muang un hi.

SAAM LABU 50:6

Van ten Pathian cu dik hi. Amah cu thukhentu hi, tin aupih haw hi.

SUAHTULNAK 4:11

Topa in, “Mihing muk le kam a piatu cu akua kaw? Akua in kaw bengbul le awn thei ngawlin a bawltu? Akua in kaw khua muh theihnak a pia? Ahimata, akua in kaw mit a cawtik? Topa keimah hi ma ing maw!

THUPAUCAP 2:6

Cihnak piatu cu Topa hi a, ama lak pen cihthiamnak le theihcelnak heng hi.

ISAIAH 44:24

Topa in, “Keimah cu Topa ing hi, a semsuahtu le pantu ing. Keimah cu Topa ing hi; na hempoh semsuahtu ing. Van khi keimah bekin zalh ing. Lei ka bawl ten a kuamah in bawm haw ma.

ISAIAH 45:24

Keima nel bekah, nehnak le ngilnak um, tih phuang tek haw tuk hi. Mahnaven keimah a huatu cu zahcaknak tawk haw tuk hi.

JEREMIAH 17:10

Keimah, Topa in mihing tei ngaihsutnak cu mu ing a, a lungmu khingkhai ing. Mi hempoh amu nungcang bangin zo ing a, amu bawl bangin lulleh bok ing,” ti hi.

MATTHAI 26:39

A khawla deuhah hawh a, lei ah bokin, “Ka pa a cangthei tuk bang ahi tale hi thuaknak khuathai pen luattikin hi! Mahnaven keima deihnak bang hi ngawlin, nangma deihnak bangin hi saw tahen,” tin thungen hi.

LUKA 21:15

Itahim titale awn kam thiamnak le cihnak nase zetin pia tung a, na awn uh a don theitu tuk pa khat hei um haw tukma hi.

JOHAN 10:18

Ka nunnak cu kuamah in laksak thei haw tukma. Keima phal hangin ka piakmi hi. Piaknak tuk thu hei nei ing a, lakleh theihnak thu vang nei ing. Mahmi cu ka pa in bawl hen tin, a thupiakmi hi,” ti hi.

JOHAN 12:49

Hi thu hi thuman hi. Itahim titale keima thu in hilh mang hi. Keimah tiiktu pa i thupiaknak bangin hilh ing.

JOHAN 12:50

Hilh tuk ci tin, a tiikmi thu cu kumkhua nunnak piatu hi tih khi thei ing. Mah hangin ka hilhmi thu cu ka Pa in hilh tuk ci tin, a tihmi thu khi hi,” ti hi.

JOHAN 14:10

Kei cu ka Pa i sungah um ing a, ka Pa vang cu keima sungah umbok hi tih khi umma cim maw, Filip? Nohte ka hilhmi thu cu keima sung pen a tulmi kha ma hi, ka sung a ummi ka Pa i nadehnak hi.

JOHAN 2:19

Jesuh in, “Hi Biakinn hi phelet unna, ni thum sungin saleh thei tung,” ti hi.

JOHAN 3:3

Jesuh in, “Thutakin hilh ing: kua hei hihen hinleh ahi ma tale Pathian Uknak mu thei haw tukma,” ti hi.

JOHAN 5:21

Pa in mithi thotikin, nunnak a piak bangin Capa hei in nunnak a deihtu lakah pia bok hi.

JOHAN 6:38

Itahim titale kei cu keima deihnak bang dek tukin hung hi ngawlin, keimah a tiiktu pa i deihnak bangin dek tukin van pen a hungsukmi ing.

JOHAN 8:28

Mah hangin Jesuh in amuh tei lakah, “Mihing Capa na khaitoh uhten ‘Keimah cu Keimah ing hi’ tih thei tuk uh ci. Keima thuneihnak tuah imah bawl mang, Pa i hilhnak bangin thuson ka hihlam thei tuk uh ci.

JOHAN 9:4

Sun khuavak sungzong cu keimah a tiiktu pa i na khi a dehlih tuk uhmi hi. Kuamah i deh theih ngawl can zaan hun heng li toh hi.

NUNGZUITU 2:24

Mahnaven Pathian in thihnak pen tholehtikin thihnak huham sung pen luattik zo hi, itahim titale amah cu thihnak i hetcih lo theih hi ma hi.

ROM Khua Khristian Tei Lakah Paul i Laikuat (Paul’s Letter to the Romans) 6:4

Tui sungah a phum uhten amah tuah phumcih hi hung hi, a thihnakah thi bok hung hi; mahti bang bokin Pa i sunloihnak huhamin Khrih cu thihnak pen a thawhtik bang bokin eimuh vang a thakin nung bok tuk hung hi.

ROM Khua Khristian Tei Lakah Paul i Laikuat (Paul’s Letter to the Romans) 8:11

Thihnak pen Jesuh a thotiktu Pathian i Hawvang nangmu sungah a nung tale thihnak pen Khrih a tho lehtiktu Pathian in nangmu sungah a Hawvang a umtik hangin a thi thei mi na taksa pumpi uh cu nunnak pia bok tuk hi.

1 KORIN 15:12

Thuthang a phuan uhmi cu, Khrih cu thihnak pen thawhlehtik hi zo hi tihmi thu hi. Mahnaven tu in mi khenkhat ten ita a thi mite thawhtikleh hi haw tukma tin ti thei uh cim?

2 KORIN 4:14

Topa Jesuh khi thihnak pen a tholehtiktu Pathian in keimuh vang Jesuh tuah thotik bok tuk a, nangmuh tuah munkhatah ama umnakah la tuk hi tih khi thei ung hi.

2 KORIN 5:10

Itahim titale thukhen tukin a venghawng uhin Khrih mai ah dingleh tuk hung hi. Kuakua hei a pha hihen a sia hihen a nun sung a bawlmi bangkekin ngahleh tuk hi.

EFESA 2:5

eimu sualnak sungah hawvang lam pen a thisa hi nave hungin, Khrih tuah nunnakah tholehtik zo hi. Pathian i hehpihnak thawmin patmi hi uh ci.

EFESA 3:16

A sunloihnak soncelh ngawlmi pen a hawvangin, na sunglam uh a mihing na hihnak uh khi cahnak huham pia tukin Pathian nelah ngen ing a,

FILIPI 3:21

Amah in imah ngawl a thi thong theimi a taksa pumpi uh hi a sunglawi mi ama pumpi bangin thek tuk hi; mahmi bawlnakin ihempoh ama uknak nuai ah koih theihnak huham mang tuk hi.

FILIPI 4:13

Khrih i piakmi huham tuah ihempoh nawkzawh theihnak ngilnak nei zo ing.

KOLOSE 1:11

Ihempoh na tawh uhten thinsaunak le thuak theihnak nei tukin Pathian sunloihnak pen a tulmi thazaangin ngilnak pia zal tahen.

KOLOSE 1:16

Itahim titale Pathian in Khrih i sung pen ihempoh vancung le leihumah hihen, muh theihmi le muh theih ngawlmi hihen, hawvang lam cahnak huham neitute, bawite, uktute le thuneitu hei hihen bawl hi. Pathian in van le leihum hempoh Khrih sung pen, bawlin, Khrih ca in hulawmdun khawng tukin bawl hi.

1 THESALON 4:14

Jesuh cu thi in tholeh tih khi um hung hi, mah hangin Jesuh umin, a thi mite amah tuah munkhatah Pathian in thotik tuk hi tih cu um hung hi.

1 PETER 3:18

Itahim titale mihing tei sualnak hangin Khrih cu kumkhua phaat thihnak thuak hi; nangmuhte Pathian nelah hen tukin mipha pa cu misual tei ai-in thi hi. A tisa in thihnak thuak naven Hawvangin nunglehtik hi.

MANGMUHNAK 2:23

Amah zuitute vang that khawng tung a, mahten pawlpi hempoh ten mihing tei ngaihsutnak hempoh le deihnakte thei khawngtu ka hihlam thei haw tuk hi. Akua abang vang na bawlnak uh bangkekin pia kikleh tung hi.