JOHAN 4:36 - Ngawm Bible

³⁶ An a cawmtu pa cu a thaman piak hi in, an cu kumkhua a nunnak tukin cawm hi. Mahten anci a cingtu le an a cawmtu cu langkhatin lungdam khawm haw tuk hi.

JOHAN 4:36 Iomraidhean Croise

THUPAUCAP 11:18

Mipha ngawl ten nemcuamnak ngangai tawk thei haw ma hi. Mahnaven thil man na bawl tale laksawng piak co tatak tuk ci.

THUPAUCAP 11:30

Diknak i ngah cu nunnak hi. Mahnaven phatngawlnakin nunnak cu paitik thei hi.

DANIEL 12:3

Hotu micipte cu van a vaknak hempoh tuah vak haw tuk hi. A dikmi bawl tukin mi tampi a zilhtute cu aksi bangin kumkhua in al leleng haw tuk,” ti hi.

MATTHAI 19:29

Kua hei hihen keima ca in, a nu le pa le a cate hihen, unau pih le celnu hihen, inn le lo hei hihen pa khat pawpoh a zamsantu cu a let za khatin ngahleh tuk a, kumkhua nunnak piak hi tuk hi.

JOHAN 3:36

Capa a umtu cu kumkhua nunnak nei hi; Capa i thu a eltu cu nunnak nei ngawlin Pathian i dantatnak a humah um tuk hi.

JOHAN 4:14

Mahnaven ka piakmi tui a intute cu ituk mahten dangdumleh haw tukma toh hi. Keima piak tukmi tui cu a sungah ciktui in cang tuk a, mahmi in nunnak tui le kumkhua nunnak pia tuk hi,” ti hi.

JOHAN 5:24

Thutakin hilh ing; kua hei hihen ka otmi zain, kei a tiiktu a um tale kumkhua nunnak nei hi. Thukhennak tawk ngawltohin, thihnak pen nunnakah tum zo hi.

ROM Khua Khristian Tei Lakah Paul i Laikuat (Paul’s Letter to the Romans) 1:13

U le naute hihi cing leleng un, vei tampi nangmu lakah zin tukin hantiam li zo naveng zin suak thei tuk ngawlin a khaktu um leleng hi. Gentail mitei lakah thinthekmi ka umtik theih bangin nangmu lakah vangin thinthekmi a um thei ahin tih deihzet ing.

ROM Khua Khristian Tei Lakah Paul i Laikuat (Paul’s Letter to the Romans) 2:7

Mi khenkhat ten thilpha bawl lelengin sunloihnak, minphatnak le kumkhua nunnak zei haw hi; Mah mite cu Pathian in kumkhua nunnak pia tuk hi.

ROM Khua Khristian Tei Lakah Paul i Laikuat (Paul’s Letter to the Romans) 6:22

Mahti bangin thil sual i thaman cu thihnak hi! Mahnaven atu-in sualnak pen luattik hi zo uh ci, Pathian i sila in cang zo uh ci. Na met uhmi cu Pathian nelah nunnak na ap khawng uhmi nunnak thiang hi, mahmi i a suahpihmi cu kumkhua nunnak hi.

ROM Khua Khristian Tei Lakah Paul i Laikuat (Paul’s Letter to the Romans) 6:23

Itahim titale sualnak i thaman cu thihnak hi; mahnaven Pathian i laksawng cu a Topa uh Jesuh Khrih tuah a pehzopnak uh hangin kumkhua nunnak hi.

1 KORIN 9:17

Ka nadehmi hi keima deihnakin ka tenmi ahi ahin dehman ngah tukin ngaisung kha tung hi. Mahnaven tu cu ka dehvo in koihmi hi. Itahim titale Pathian in ka lakah a apmi nadeh hi.

1 KORIN 9:18

I kaw dehman comi le ngahmi ka neih? Dehman ka comi cu a man la ngawlin Thuthangpha ka phuan theihnak le lawhman la ngawlin Thuthangpha ca tukin ka dehmi saw hi.

1 THESALON 2:19

Thu ngangai in ti ahin midang niamtik cuang ngawlin, nangmuh hi, a Topa uh Jesuh heng lehin, nehnak tuah a mai ah na din uhten keimuh tei muansannak, lungdamnak le mitmai ngahnak hi tuk uh ci.

1 TIMOTE 4:16

Na nundan ngalling inna, na zilhmite vang ngallingin hi. Hite cu a catngawlin bawlin hi. Na bawl leleng thei tale nangmah le na thuzilhmi a zatu tei nunpan ngah tuk ci.