JOHAN 4:24 - Ngawm Bible

²⁴ Pathian cu Hawvang hi in, a biatu ten Hawvang le thutak tuah bia haw tuk,” ti hi.

JOHAN 4:24 Iomraidhean Croise

SAAM LABU 145:18

Topa cu amah samtu tei elah um leleng hi. Lungmu ngangai tuah a samtu tei elah um leleng hi.

SAAM LABU 50:23

Ka lak a lungdamnak na langtik uhmi hi Ka min phatiktu biakpiaknak hi. Ka thu a zuitu hempoh cu pan hihim tung,” ti hi.

SAAM LABU 51:17

Maw Pathian aw, ka piakmi biakpiaknak cu a tamzanmi lungmu hi. A tamzanmi le sual sik lehmi lungmu cu kik awng tukma ci.

SAAM LABU 66:18

Ka sualnak hi imah kinmawh ngawlin ka um ahin, Topa in ka thungetnak ngai tukma hi.

ISAIAH 57:15

Keimah cu kumkhua a nungmi Pathian, a sangmi le a thiangtho Pathian ing. A sang le a thiangthomi humah um ing; mahnaven niamkhiatnak le sihkiknak na neih lehnak tukin lungkham mi le lungnem mi lak hei ah um ing.

JOHAN 4:23

Mahnaven Pathian i Hawvang ngilnak hangin Pathian a bia tatak ten Pa cu Hawvang le thutak tuah a biak haw hun heng tuk hi; mah hun cu atu-in hung zo hi. Mahti bangin biak tuk cu Pathian in, a deihmi hi.

2 KORIN 1:12

Ka tuangkhawn pihzet uhmi pa khat um; mahmi cu ikaw titale: hi leihum a nundan uh le a cuangin, nangmuh tuah a pehzop dunnak uh hi, mihing cihnak i ukmi hi ngawlin Pathian hehpihnak huhamin uk hi. Amah Pathian i piakmi awn taituang le lungmu ngai tuah a nunzia uh cu a lungmu uh sia le pha deidan thiamnakin, a theihpihmi hi.

2 KORIN 3:17

Lai Thiangtho in, “Topa” a tihmi cu Hawvang Thiangtho hi. Mahten Topa i Hawvang umnakah zalennak um hi.

FILIPI 3:3

Amuhte hi ngawlin eimuh saw lehlam hi a manmi vunceptalhnak a cotu hi saw hung hi; itahim titale Hawvang i hangin Pathian bia hung a, a nunnak uh cu Khrih Jesuh tuah a pehzop uhnak hangin lungdamnak dim hi. A pualam bawlnak i humah imah muan tuk nei ma hung.

1 TIMOTE 1:17

Kumkhua in Kumpi, thihnak i neh zawh ngawlmi le mitmuh theih ngawlmi Pathian, amah bek Pathian tatak hi a, a lakah upatnak le sunloihnak kumkhua in kho leng tahen! Amen.

1 SAMUEL 16:7

Mahnaven Topa in, a lakah, “Mi dingsau le mipiangzet ahi vangin zo nuam pahsun. Amah cu ka vawk zo mi hi, itahim titale mihing tei zohdanin zo mang. Mihing ten a pualam zo uh ci, kei in, a lungmu haw zo ing.”