JOHAN 4:23 - Ngawm Bible

²³ Mahnaven Pathian i Hawvang ngilnak hangin Pathian a bia tatak ten Pa cu Hawvang le thutak tuah a biak haw hun heng tuk hi; mah hun cu atu-in hung zo hi. Mahti bangin biak tuk cu Pathian in, a deihmi hi.

JOHAN 4:23 Iomraidhean Croise

1 KHANGSIALNAK 29:17

Mitei lungmute khingkhai in, lungmu tuang neitu humah na lungdam hi, tih thei ing. Lungmu tuangzet le lungmu tak tuah hi na hempoh pia ing hi, hilai ah a hung mite vangin lungdam thatuino in, na lakah pia haw hi, tih mu zo ing.

SAAM LABU 147:11

Mahnaven amah a kihcatu le, a kho mi a ihnak a muangtu tei humah um saw hi.

SAAM LABU 17:1

Topa aw, diknak tukin, ka thungetnak hi ngai zalin, Bopnak ngenin ka aunak cu ngaihsutsak zal inna, ka thungetnak hi hu thei zalin hi. Itahim titale ka lungmu sungah zol nuamnak imah umma hi.

SAAM LABU 32:2

Topa i sual a not ngawlmi, a lungmu sungin mizolnak a nei ngawltu cu mi muicu hi.

SAAM LABU 51:6

Thutak le lungmu tak cu na deihmi hi, Ka lungmu cu na cihnak tuah dimtikin hi.

THUPAUCAP 15:8

Mipha tei thunget ten Topa lungdam hi. Mahnaven mipha ngawl tei biakpiaknak cu ningdelh hi.

SOLOMON LA 2:14

Daidenno in lum sung suang kua, ka lokhu deih awhno. Na mitmai cuan leng nuam veng, za leng nuam ing, na zei aw.

ISAIAH 10:20

Israel tei sung pen a tang, mi demno ten amuh siatsuahtu ngam muang ngawltohin Israel Pathian thiangtho Topa saw a muan haw hun heng tuk hi.

ISAIAH 29:13

Topa in, “Himi ten bia haw naven a ot haw cu sullam nei ngawlin, a lungmu haw cu ilai lamah hum vakvai thong. Amu ca in biaknak tihmi cu mihing tei bawlcopmi dan noinang thial le thil tihdan thongpohte hi, zo ngawlin a sial haw mite hi.

ISAIAH 43:21

Keima ca in ka bawlmi ka miphun haw hi; Keimah thangphatnak la in sa haw tuk,” ti hi.

ISAIAH 58:2

A nisial bia in, ka dan zui in le a manmi bawl hengin ngaisung li haw hi. Amuhte thupha pia tukin le danpha pia tukin ngen haw,” ti hi.

JEREMIAH 3:10

Hiti bang nung hei ten Israel i unau numei pha ngawl Judah cu ka lakah a kikleh bang hengin um hi. Mahnaven a lungmu sung tatak tuah kikleh ma hi. Keimah, Topa in hilh zo ing,” ti hi.

JEREMIAH 4:2

Ka min salin siatcamnak na bawl uh hei in nangmu ca in, a dikmi le a pha mi hi tuk poh hi. Miphun hempoh ten muicu pia tukin ngen haw tuk a, thangphat haw tuk,” ti hi.

EZEKIEL 22:30

Kulhtian a tiang theitu tuk mihing mu mang; phialetnak munah a ding theitu le ka thinukin ngam buppi siatsuah tukin ka tum laihin ngampi a pan theitu tuk mihing zei li na vengin pa khat hei mu mang.

JOHAN 1:17

Pathian i Daan cu Moses lak pen pia naven hehpihnak le thutak cu Jesuh Khrih sung pen hung hi.

JOHAN 12:23

Jesuh in, “Mihing Capa cu minthannak ngengpi a ngahnak tuk hun heng zo hi.

JOHAN 16:2

A pumkhawm inn haw pen nangmuh hawlvawk haw tuk a, mahbek sial ngawlin nangmuh a thah tuk khi Pathian nadeh pa khat hi tin a ngaihsut hun heng tuk hi.

JOHAN 16:32

Ngai un hi. Na venghawng un taikeh khawngin, nangmu inn tekah zuan tuk uh ci a, keimah nguakcang na zam hun uh heng tuk hi. Mah hun cu atu-in heng zo hi. Mahnaven Pa cu keima lakah a um hangin keimah nguakcang kha ma ing hi.

JOHAN 4:21

Jesuh in, a lakah, “Numei nu, ka hilhmi hi umin: Miten Pathian cu hi mualah hihen, Jerusalem hei ah hihen a biak haw ngawl hun heng tuk hi.

JOHAN 5:25

Thutakin hilh ing hi; mithi ten Pathian Capa i aw a zak haw hun heng tuk bek hi ngawlin, atu-in, a zatu hempoh ten nunnak a ngah haw hun heng li zo hi.

JOHAN 5:28

Hi bang a hih hangin lamdangsa pahsuh un. Mithi hempoh ten a aw cu zain,

ROM Khua Khristian Tei Lakah Paul i Laikuat (Paul’s Letter to the Romans) 1:9

Ama Capa i Thuthangpha cu ka lungmu hempoh tuah hilhin, a na ka deh mite cu man hi tin Pathian in theihpih hi. Thu ka nget sial ten nangmuhte phawkngil awng mang tih cu Pathian in thei hi.

ROM Khua Khristian Tei Lakah Paul i Laikuat (Paul’s Letter to the Romans) 8:15

Itahim titale Pathian i piakmi Hawvang cu sila in, a bawltu Hawvang kha ma hi; a lau li tukin a bawltu Hawvang hei hi kha ma hi. Mah Hawvangin Pathian i cate in bawlin, Pathian nelah, ka Pa, ka Pa tin, a au theihnak uh thazaang a piatu hei cu Hawvang hi.

ROM Khua Khristian Tei Lakah Paul i Laikuat (Paul’s Letter to the Romans) 8:26

Mahti bangbok lengin oh cu a nawmtammi a hih uh hangin eimuh bawm tukin Hawvang heng hi. Itahim titale, itin kaw thunget tuk tih hei a theih uh ngawl laihin, awnah hei a tul thei ngawlmi a taunak uh cu Hawvangin Pathian nelah ngetsak hi.

GALATI 4:6

Mahten a cate na hihnak uh langtiknakin Pathian in, a capa i Hawvang cu eimu lungmu sungah pia hi. Eimu lungmu sung pen, “Ka Pa, Ka Pa,” tin, a autu cu mah Hawvang hi.

EFESA 6:18

Hitih bangte na bawl uhten thungen thahin bawl unna, Pathian nelah Hawvang Thiangtho i lampuinak bangin bopnak ngen un. Iti bang hun hei ten thasia pahsuh un. Pathian i mihing tei ca tukin catngawlin thungen un.

FILIPI 3:3

Amuhte hi ngawlin eimuh saw lehlam hi a manmi vunceptalhnak a cotu hi saw hung hi; itahim titale Hawvang i hangin Pathian bia hung a, a nunnak uh cu Khrih Jesuh tuah a pehzop uhnak hangin lungdamnak dim hi. A pualam bawlnak i humah imah muan tuk nei ma hung.

JOSHUA 24:14

“Atu-in, Topa cu upat maizahnak tuah bia unna, a na cu muantakzet le lungthiang zetin dek un. Na pu le pa uhten Mesopotamia ngam le Izipt ngam pen a biak haw mi pathian dangte cu zamsan toh unna, Topa na bek dek un.

1 PETER 2:9

Mahnaven nohte cu tensa miphun, Kumpipa i thiampi, miphun thiangtho, Pathian i miphun hi uh ci. Khuathim sung pen thasiahhuai vaknak sungah a samtu Pathian in nalamdang a bawlmite tangau pih tukin a tenmi hi uh ci.

1 SAMUEL 12:24

Topa cu kihca unna, muantak zetin, na lungmu venghawng uh tuah ama nadek un. Nohtei ca in thasiahhuai na a bawl mite ituk mah ten phawkngil pahsuh un.