JOHAN 4:22 - Ngawm Bible

²² Noh Samaria ten na biak uhmi thei ngangai ma uh ci; mahnaven Judah mi kohten ka biak uhmi thei ung, itahim titale Judah mitei lak pen nunpatnak heng hi.

JOHAN 4:22 Iomraidhean Croise

PIANPATNAK 49:10

A kumpi ngolh cawi in, a casuante cu uktu hi leleng haw tuk hi. Miphun tampi ten siah pia haw tuk a, upatnakin, a maiah kun haw tuk hi.

EZRA 4:2

Mah hangin Zerubbabel le a hin tek hotu tei lakah hawhin, “Na biakinn sak uh cu bawm tuk ung. Na biak uhmi Pathian cu bia bok tuk ung hi. Assiria kumpi Esarhaddon in hi ngamah um tukin a kuat bek ten a lakah biakpiaknak bawl leleng bok ung,” ti haw hi.

SAAM LABU 147:19

A thu cu Jakob lakah pia in, a thuzilh mi le a daante cu Israel pia hi.

SAAM LABU 68:20

A Pathian uh cu mi pantu Pathian hi. Thihnak pen a pansuaktu Topa hi.

ISAIAH 12:2

Pathian cu keimah Pantu hi; Amah muang tung a, imah lau tuk mang. Topa in huham le thazaang pia hi; Amah cu keimah Pantu hi,

ISAIAH 12:6

Zion ah a ummi hempoh ten lasa in, au haw hen. Israel tei Pathian thiangtho cu a thawmngengzet thong hi; A mitei lakah um,” tin lasa haw tuk hi.

ISAIAH 2:3

a mihing haw ten, “Topa i mualah hawh nung; Israel Pathian i Biakinn ah zui tuk a deihmi cu zilh tukin, a tensami a lampi ah hawh tuk hung. Topa i thu zilhmi cu Jerusalem pen hungin; Zion pen a mitei lakah hilh hi.”

ISAIAH 46:13

nehnak ni cu cawi ing a, heng awndiak toh; Khawlalehma toh hi. Ka mi nehnak cu kuamah in cumtik thei haw tukma. Jerusalem cu pan tung a, Israel tei nelah minthannak pia tung,” ti hi.

ZEKHARIAH 9:9

Lungdam un, Zion mite, na lung uh dam un! Jerusalem mite aw, lungdamin au leilui un! Na kumpipa uh a hun laihin, zo un! Ngalnehtu a hih uh hangin nehnak tuah hung hi, mahnaven mi niamkhiatnak tuah laak dawnno, laak cano hum khungin hung hi.

LUKA 24:47

Mahten Jerusalem pepanin miphun hempoh lakah ama minin sual ngaihthiamnak thu le sihkiknak thu cu tangau in um tuk hi.

NUNGZUITU 17:23

Itahim titale na khuapi sung uhte ka hawh ten Pathian na biaknak uhte ka zo ten biaklandawh pa khat humah, ‘Theih ngawlmi Pathian nelah,’ tin na ngat uh mu ing. Mahtin thei ngawl napi in, na biak uhmi Pathian cu atu nangmu lakah ka phuan lihmi hi.

NUNGZUITU 17:30

Mihing tei Pathian theih ngawl hun khi Pathian amah in amu ngawl bangin umsan thong hi; Mahnaven a atu-in, a nundan haw a pha ngawlmi khi nunghek san tukin mi hempoh thupia hi.

NUNGZUITU 3:26

Mah hangin Pathian in, akua hei hihen ngitlohnak pen kiklehin, thupha a piak theihnak tukin a masabelah a Salpa a tenmi cu nangmu lakah tiik,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 11:18

Mah hangin olif kang talhmi bang ahi mite khi zawnsak pahsuh un hi. Itin kaw na pualthau theih tuk uh? A kangkak bebek hi ve uhcin, a zungte cu noh ten cawm ma uh ci; a zungin nohte cawm saw hi.

HEBRU 7:14

Amah cu Judah hinnam sung pen hinmi tih cu akua hempoh theihmi hi; mahten Moses in thiampi tei thu a son hei ten Judah hinnam tei thu telh awng ma hi.