JOHAN 4:14 - Ngawm Bible

¹⁴ Mahnaven ka piakmi tui a intute cu ituk mahten dangdumleh haw tukma toh hi. Keima piak tukmi tui cu a sungah ciktui in cang tuk a, mahmi in nunnak tui le kumkhua nunnak pia tuk hi,” ti hi.

JOHAN 4:14 Iomraidhean Croise

ISAIAH 49:10

Ngilkial le dangdumin um haw tukma. Nisa le phillawn nisa in siatsuah tukma hi. Itahim titale amuh a deihtu in cingkhawi tuk a, ciktui umnak munah pui tuk hi.

ISAIAH 55:1

Topa in, “Hung un, dangdum hempoh hung un hi, hilai ah tui um! Hung un, sum a nei ngawlte an lei in, ei un hi. Hung unna, sabit le khuinawi lei un; a thawnthongin ngah tuk uh ci.

ISAIAH 58:11

Lamhuai leleng tung a, leihum na pha tuah dimtik tung hi. Damtik tung a, ngiltik tung. Tui a tam zetmi huandum bangin le a kang awng ngawlmi tuinak bang tuk uh ci.

JEREMIAH 2:13

Itahim titale ka mihing ten sualnak nam nih bawl hawta hi. Nunnak ciktui keimah cu lawlin, tui a ting thei ngawl, tui kang theihnak munah tuikhuk co haw hi.

JEREMIAH 31:25

Tamsawl mite a tha haw henglehtik tung a, an ngawlin a tamsawl mite an khamtik tung.

EZEKIEL 47:9

Tui luannak mun tihkimah tuisung um ngamsa le ngamsa a phunkim um haw tuk hi. Mah lui in, Tuipi Thi a tui hempoh cu thaktik khawngin, thiangtik khawng tuk hi. A luannak tihkimah nunnak suaktik tuk hi.

THIAMPI NADEHNAK 11:36

Hi saluang tei a tot khakmi hempoh cu a thiang ngawl mi hi; mahnaven tui naak le tui kuang cu a thiangin sial hi tuk hi.

MATTHAI 25:46

Mah nungten mah mite cu kumkhua bawlsiatnak munah hawh haw tuk a, midik le mipha cu kumkhua nunnakah hawh haw tuk,” tin ti hi.

MATTHAI 5:6

Pathian deihnak bawl tukin ngilkial dangdum bangin, a dum a kialte cu thupha muicu ngahte haw hi. Itahim titale Pathian i lungkimnak ngah khawng haw tuk hi.

JOHAN 10:10

Nguca ten ngu tuk, that tukin le siatsuah tuk bekin hung haw hi. Mahnaven kei cu nunnak cangkim a neih theihnak haw tukin hung ing.

JOHAN 11:26

A kuakua hei hihen keima sungah a nungtu le a umtute cu ituk mahten thi haw tukma toh hi. Hi thu hi um cim?” tin ti hi.

JOHAN 4:10

Jesuh in, “Pathian in, a piakmi hi ihim, tih le tui a ngentu hi akua him tih na thei ahin ama lakah ngen saw tuk navecin, amah in nunnak tui pia tuk naven!” tin ti hi.

JOHAN 4:11

Mah numei nu in, “Sazapa, bingkhai le nei ma sisi, tuikhuk le thukzet sih hi. Ilai pen kaw mah tui cu na ngah tuk?

JOHAN 4:13

Jesuh in, “Hi tui a intu hempoh cu dangdumleh haw tuk hi.

JOHAN 4:36

An a cawmtu pa cu a thaman piak hi in, an cu kumkhua a nunnak tukin cawm hi. Mahten anci a cingtu le an a cawmtu cu langkhatin lungdam khawm haw tuk hi.

JOHAN 6:27

A sialeh theimi an ca in, nadek pahsuh un. Kumkhua a phaatmi nunnak an ca tukin dek saw un hi. Mah an cu Mihing Capa in, nohte pia tuk hi. Itahim titale Pa Pathian in, a humah lungkimnak tacik khen zo toh hi.”

JOHAN 6:35

Jesuh in, “Keimah cu mahmi nunnak cangho ing. Keima lakah a hung mite cu ituk mahten a ngilkialleh haw tukma toh hi. Keimah a umtute cu ituk mahten dangdumleh haw tukma toh hi.

JOHAN 6:58

Hihi van pen a hungsukmi cangho hi. Hi cangho cu na pu le pa tei eihmi tuah bangve ma hi, na pu le pa ten ei haw naven thi leng haw hi. Mahnaven hi cangho a eitu cu kumkhua in nung haw tuk hi,” tin Jesuh in ti hi.

JOHAN 7:37

Puainak ni dawlbel cu a thupibel ni hi. Mah ni-in, Jesuh cu nging zetin, “Akua hei hihen dang a dum mite ka nelah hungin in un.

ROM Khua Khristian Tei Lakah Paul i Laikuat (Paul’s Letter to the Romans) 5:21

Mah hangin sualnakin thihnak tuah mi a uk bangin Pathian i hehpihnakin dikcangnak tuah mihingte uk bok hi; mahten, a Topa uh Jesuh Khrih i hangin kumkhua nunnak sungah pui hi.

ROM Khua Khristian Tei Lakah Paul i Laikuat (Paul’s Letter to the Romans) 6:23

Itahim titale sualnak i thaman cu thihnak hi; mahnaven Pathian i laksawng cu a Topa uh Jesuh Khrih tuah a pehzopnak uh hangin kumkhua nunnak hi.

2 KORIN 1:22

Ama bulta a hihnak uh cu eimu humah melciknak koih zo in, eimu ca koihsa in, a ummi hempoh ngah tuk tih amahkhannak in, a lungmu uhah Hawvang Thiangtho pia zo hi.

EFESA 4:30

Pathian i Hawvang Thiangtho khi khaw-ngaitik pahsuh un; itahim titale Hawvang cu Pathian ta hi uh ci, tih sialsiahnak a hih hangin Pathian i luattiknak Ni heng tuk hi tih theihnak tuk na hi.

1 PETER 1:22

Atu-in, thutak na zuinak uh hangin thianthohtikmi hi zo uh ci, umtu unau dang khi lungmu takin it uh ci. Mah hangin na lungmu tak uh tuah pa khat le pa khat itdun un.

1 JOHAN 5:20

Pathian Capa hungsukin, ohtei nelah theihnak pia zo tih theih hung hi. Amah cu thuman tih thei hung a, ohte cu thuman sungah um hung hi. A Capa Jesuh Khrih sungah hei um hung hi. Himi hi kumkhua nunnak thuman hi.

MANGMUHNAK 7:16

A ngil haw kialin, dangdumleh haw tukma toh hi; nisa le khua-um tulnak vang thuak haw tukma toh hi.

MANGMUHNAK 7:17

Itahim titale kumpi khunnak laizang a ummi Tuuno cu amuhte cingtu na hi tuk a, nunnak piatu ciktui umnakah pui tuk hi. Mahten a hitui haw hempoh cu Pathian in huksak khawng tuk,” ti hi.