JOHAN 4:10 - Ngawm Bible

¹⁰ Jesuh in, “Pathian in, a piakmi hi ihim, tih le tui a ngentu hi akua him tih na thei ahin ama lakah ngen saw tuk navecin, amah in nunnak tui pia tuk naven!” tin ti hi.

JOHAN 4:10 Iomraidhean Croise

SAAM LABU 10:17

Topa aw, lungnem tei thungetnak cu thei ci; a lungmu haw ngiltik ci.

SAAM LABU 46:4

Pathian khuapi sungah le Cungnungbel i umnak inn thiangtho, A mawitiktu ngun pa khat um hi.

SUAHTULNAK 17:6

Na mai a, Sinai Mual suangpi humah ding tung hi. Suangpi cu vat inna, mipi tei intuk tui tul tuk hi,” ti hi. Topa i tihnak bangin Israel mi puitu tei maiah Moses in bawl hi.

SOLOMON LA 4:15

Lebanon pen put tuino, ciktui hang hing dimdem.

ISAIAH 12:3

Dangdum tei ca in tuithiangno cu, A lungdamnak haw a hih bangin, Pathian in, a mitei ca in, a nunpatnak cu, A lungdamnak haw hi,” tin la in sa haw tuk hi.

ISAIAH 35:6

Ke bai miten dawkin lam haw tuk a, A awn thei ngawlte vang lungdamin au haw tuk a, phillawn pen ciktui luangin,

ISAIAH 42:6

Topa keimah in sam ing a, huham pia ing. Leihumah thuman a len theihnak tukin hi. Nangma sung pen mi hempoh tuah thutiamnak bawl tung. Nangma sung pen miphun tampi lakah khuavaknak hengtik tung.

ISAIAH 43:20

Ngamsung ngamsate hei in upat haw tuk hi. Cingne le sam ak ten thangphat haw tuk, Ka tenmi ka mitei ca in, phillawnah luite ka luantik ten.

ISAIAH 44:3

Adangdum mi ngamah tui pia tung; ngamkonakah tui luangtik tung; Na ca tei humah ka hawvang buak tung a; Na casuan tei lakah muicu pia tung hi.

ISAIAH 49:10

Ngilkial le dangdumin um haw tukma. Nisa le phillawn nisa in siatsuah tukma hi. Itahim titale amuh a deihtu in cingkhawi tuk a, ciktui umnak munah pui tuk hi.

ISAIAH 9:6

A lak uhah nauno hing zo hi; Capa piak hi zo hung hi; Amah cu eimuhte uktu hi tuk hi. A min cu, “Thasiahhuai, Lembawltu,” “A cakmi Pathian,” “Kumkhua Pa,” “Lemdaihnak Kumpi,” tin sam hi tuk hi.

JEREMIAH 2:13

Itahim titale ka mihing ten sualnak nam nih bawl hawta hi. Nunnak ciktui keimah cu lawlin, tui a ting thei ngawl, tui kang theihnak munah tuikhuk co haw hi.

EZEKIEL 16:35

Jerusalem, numei pha ngawl nu! Topa i awn hi ngai hemin!

ZEKHARIAH 13:1

“Mah hun a hen ten,” Cungnungbel Topa in, “David casuante le Jerusalem mite a sualnak haw le a milim biaknak haw pen thiangtik tukin ciktui pa khat put tuk hi.

ZEKHARIAH 14:8

Mah ni a hen ten Jerusalem pen nunnak tui luang tuk hi; tui khenkhat cu Tupi Thi ah luangin, a khenkhat cu Mediterranean tuipi thuanthum lamah luang haw tuk hi. A cuk, a khalin luang leleng tuk hi.

LUKA 11:13

Nangmuh misual poh nangawnin thilpha piak tuk na thei uh tale van a um na pa uhin, a ngentu cu Hawvang Thiangtho pia ngawlin i um tuk him?” tin ti hi.

JOHAN 16:3

Ka Pa hei hihen, keimah hei hihen a theih haw ngawl hangin hitih bangin nohtei humah bawl haw tuk hi.

JOHAN 17:3

Mah kumkhua nunnak tihmi cu Pathian nangmah theih le na tiikmi Jesuh Khrih theih na hi.

JOHAN 3:16

Pathian in leihum hi a ih leita hangin a Capa neihcalam pia in, amah a umtu hempoh cu thi ngawlin kumkhua nunnak nei haw tuk hi.

JOHAN 4:14

Mahnaven ka piakmi tui a intute cu ituk mahten dangdumleh haw tukma toh hi. Keima piak tukmi tui cu a sungah ciktui in cang tuk a, mahmi in nunnak tui le kumkhua nunnak pia tuk hi,” ti hi.

JOHAN 6:35

Jesuh in, “Keimah cu mahmi nunnak cangho ing. Keima lakah a hung mite cu ituk mahten a ngilkialleh haw tukma toh hi. Keimah a umtute cu ituk mahten dangdumleh haw tukma toh hi.

JOHAN 6:51

Vancung pen a hungsukmi nunnak cangho cu keimah ing hi. Hi cangho a eitu pawpoh cu kumkhua in nung haw tuk hi. Ka piakmi cangho cu ka taksa hi toh hi. Ita pia hing ngim titale leihum mitei nunnak tukin hi.”

NUNGZUITU 9:11

Topa in, “Na vaithawi inna, Lampi Cam tihmi ah hawhin hi. Judah i innah Tarsas khua mi, Saul tihmi pa um maw tin dongin hi. Amah cu thungen li laihtak hi;

ROM Khua Khristian Tei Lakah Paul i Laikuat (Paul’s Letter to the Romans) 8:32

A dodaltu cu Pathian kha ma hi, a Capa neihcalamno hei khawih ngawlin eimuh venghawng ca in pia zo hi! Ama Capa loli hei a pia tale thil dangte hi a thawnthongin pia tukma maw?

1 KORIN 1:30

Khrih Jesuh cu na nunnak uhah a bulpantu cu amah Pathian hi. Pathian in Khrih cu eimu cihnak tukin bawl hi. Khrih i hangin ohte cu Pathian tuah lemdun zo hung. Pathian mi thiangtho in suak zo hung a, a suakcami hi zo hung hi.

1 KORIN 10:4

A venghawng haw in hawvang tui phun khatin haw hi. A lak hawah a tel lelengmi hawvang suangpi pen tui in haw a, mah suangpi cu Khrih hi.

2 KORIN 9:15

Son zawh ngawlin a sunglawimi Pathian i laksawng ca in lungdam thu a lakah hilh ten nung hi.

EFESA 2:8

Itahim titale nohte cu Pathian i hehpihnakin nunpatmi hi uh ci a, mah nunpatnak cu amah na upnak uh i hangin na ngah uhmi hi. Hi nunpatnak na ngahnak uh i hangin kuamah tuangkhawng tukmi hi ma hi, itahim titale a deh a bawl theihnak haw hangin ngahmi kha ma hi, Pathian i laksawng hi.

HEBRU 6:4

Thu upnak a zamsanmi ten itin kaw sualsihnakah a kihleh theih haw tuk? Amuh cu Pathian khuavaknak sungah a um awngmite haw hi. Vanhum laksawng teptu le Hawvang Thiangtho cotu hei na hi haw hi.

1 JOHAN 5:20

Pathian Capa hungsukin, ohtei nelah theihnak pia zo tih theih hung hi. Amah cu thuman tih thei hung a, ohte cu thuman sungah um hung hi. A Capa Jesuh Khrih sungah hei um hung hi. Himi hi kumkhua nunnak thuman hi.

MANGMUHNAK 21:6

Mahten hitin hilh lehleu hi, “Ihempoh bawl khawng hi zo hi. Keimah cu Alfa le Omega ing, a bulpatnak le a tawpnak ing hi. Akua abang a dangdum mite cu man piak kul ngawl ciktui pen a luangmi nunnak tui intik tung hi.

MANGMUHNAK 22:17

Hawvang Thiangtho le mothak ten, “Hungin hi,” ti haw hi. Hi thu a zatu hempoh ten, “Hungin hi,” ti haw hi. Adangdummi hempoh hung un, nunnak tui a duhtu hempohin man piak ngawlin in haw hen.

MANGMUHNAK 7:17

Itahim titale kumpi khunnak laizang a ummi Tuuno cu amuhte cingtu na hi tuk a, nunnak piatu ciktui umnakah pui tuk hi. Mahten a hitui haw hempoh cu Pathian in huksak khawng tuk,” ti hi.