JOHAN 3:6 - Ngawm Bible

⁶ Mihing cu taksa lam pen a nu le pa i hinmi hi; mahnaven Hawvang lam pen Hawvang i hinmi hi.

JOHAN 3:6 Iomraidhean Croise

PIANPATNAK 5:3

Adam cu kum za le sawm thum a kim ten ama melsuunmi capa nei in, a min cu Seth sa hi.

PIANPATNAK 6:12

Pathian in, leihum cu pha ngawl zetin mu hi, itahim titale mi hempoh phatngawlnak tuah dim haw hi.

PIANPATNAK 6:5

Pathian in, leihummi hempoh cu mipha ngawl ngeh haw in, a lungmu sung hawah ngaihsutnak sesuak bek dim hi tih cu a theih ten,

JOB Laibu (The Book of Job) 14:4

A thiang ngawlmi mihing sung pen, a thiangmi tul thei ni maw? Tul thei awng tukma.

JOB Laibu (The Book of Job) 25:4

Pathian mitmuhah, numei hinmi mihing lak pen midik um haw ni maw? A thiangmi akua bek um haw ni maw?

SAAM LABU 51:10

Maw Pathian aw, lungmu thiang ka sungah piangtikin; ka sungah a thak le a dikmi hawvang cu koihin hi.

JOHAN 1:13

Pathian cate a hihnak haw cu leihum dan, mihing i hinmi hihnak tuah kha ma hi; Pathian amah loli cu a Pa haw hi.

JOHAN 3:7

Hin thakleh kul ci ka tihmi hi lamdangsa pahsun.

ROM Khua Khristian Tei Lakah Paul i Laikuat (Paul’s Letter to the Romans) 7:18

Mihing ka hihnak sungah phatnak nei viang mang tih cu thei ing. Itahim titale a phami bawl nuamnak cu ka sungah a um vangin, a phami bawl thei hihim mang hi;

ROM Khua Khristian Tei Lakah Paul i Laikuat (Paul’s Letter to the Romans) 7:25

Pathian nelah thangphatnak um tahen; Pathian amah in, a Topa uh Jesuh Khrih i hangin pan suak hi. Ka hihdan ngangai cu hi bangin hi, keima bulin ka lungmu bekin Pathian i daan cu zui ing hi; mahnaven mihing ka hihnak tatakin sualnak daan zui hi.

ROM Khua Khristian Tei Lakah Paul i Laikuat (Paul’s Letter to the Romans) 7:5

Itahim titale mihing nundan in, a nunlaih uhin, a taksa uh i sualnuamnak cu Daan in, a taksa sung uhah na dektikin, a ngah a muh uhmi cu thihnak hi.

ROM Khua Khristian Tei Lakah Paul i Laikuat (Paul’s Letter to the Romans) 8:13

Mihing na hihnak uh i deihzawngin, na nung uh tale thi tuk uh ci; mahnaven sualnak na bawl mekmi uhte khi Hawvang i bopnakin, na that uh tale nung tuk uh ci.

1 KORIN 6:17

Mahnaven Topa tuah a pehdunmi cu hawvang lamah Topa tuah pumkhat hi haw hi.

2 KORIN 5:17

A kuakua hei hihen Khrih tuah pehzomdun tale semsuah thakmi hi; a nunlun cu bo in siam thakmi hi zo hi.

GALATI 5:24

Jesuh Khrih i ta a himi in, mihing tei taksa deihnak le tisa nopnak cu thinglamtehah khencih zo haw toh hi.

EFESA 2:3

Thungai in, a ti uh tale, a venghawng uhin amuhte bangbok leleng hung hi; nuammi poh zui in, a lungmu uh le a taksa uh i nuam babangin bawl hung hi. Eimu hihnak bangkekin, a ti uh tale ohte vang, midangte bang bokin Pathian i thinuknak a thuaktu tukte hung hi.

KOLOSE 2:11

Khrih tuah na pehzomdun uhnak hangin vunceptalhmi hi uh ci; mah vunceptalhnak cu mihing tei bawlmi kha ma hi. Khrih i hangin bawlmi hi a, sual nuamnak le tisa nopnak sung pen luat khi hi.

1 JOHAN 3:9

Kua hei hihen Pathian ca a himi in sualnak bawl leleng ma hi. Itahim titale Pathian nundan cu a sungah um hi. Pathian cu a Pa a hih hangin sualnak bawl leleng thei ma hi.