JOHAN 3:5 - Ngawm Bible

⁵ Jesuh in, “Thutak hilh ing: kua hei hihen tui le Hawvang tuah hinleh ahimata Pathian Uknak sungah tum thei tukma hi.

JOHAN 3:5 Iomraidhean Croise

MATTHAI 18:3

“Thungai in hilh ing. Na lungmu uh thekin, naupangno na bang uhma tale Vancung Uknak sungah tum tukma uh ci.

MATTHAI 19:24

Vei khat hilh lehleu tung. Kalauk pa khat i hio kua sungah a tum tuk sangin mihau pa khat i Pathian Uknak sungah a tum tuk haksa saw hi,” tin ti hi.

MATTHAI 21:31

Hi capa pa nih tei lak pen akua saw in kaw a pa i deihnak a bawltu?” tin dong hi. Amuh ten, “A capa upa saw,” tin don haw hi. Jesuh in, “Thungai in hilh ing: siahkhontu le numei pha ngawlte hi nangmu laih ngawlin Pathian Uknak sungah tum haw tuk hi.

MATTHAI 28:19

Mah hangin miphun hempoh tei lakah hawh unna, keima nungzuitute suaktikta un. Pa, Capa le Hawvang Thiangtho minin tuiphumnak pia un hi.

MATTHAI 3:11

Sualnak pen sikleh uh ci tih theihnakin, kei in tui tuah tuiphumnak pia ing. Mahnaven keima nung pen a hung tukmi pa in, Hawvang Thiangtho le mei tuah hinthaknak pia tuk hi. Amah cu kei sangin a thawm ngeng saw hi; kei cu a kedam cawitu tuk hei in tak mang.

MATTHAI 5:20

Thungai in hilh ing, na dikcangnak uh cu Daan zilhtute le Farasi mite sangin na pha saw uh ma tale vancung ngamah tum thei tukma uh ci.

MARKA 10:14

Mah thu cu Jesuh in, a zak ten a thinukin, a nungzuitu tei lakah, “Naupangte cu ka lakah hunpih un hi, kham pahsuh un! Itahim titale Vancung Uknak cu hi bang naupang tei ca in hi.

MARKA 16:16

A kuakua hei hihen a thu umin, tuiphumnak a ngahtu hempoh cu nunpat hi haw tuk hi. Mahnaven a thu um ngawlte cu sual thaman thihnak thuak haw tuk hi.

MARKA 9:47

Na mitin nang a sualtik tale pholhletin hi. Mit nih nei in hell sungah na tum sangin, mit khat bek nei in Pathian Uknak sungah na tum ahin pha saw tuk hi.

LUKA 13:24

“A cawngcikmi kongka pen tum tuk hantiam un hi. Itahim titale mi tampi ten mahlai sung tum tuk cu hantiam li haw naven tum thei haw tukma hi.

LUKA 13:3

Mah kha moh ma! Ciang zetin hilh ing. Na sualnak uh sikin, na nundan uh na khel cuang ma uh tale amuh bangin thi khawng bok tuk uh ci.

LUKA 13:5

Mah kha moh ma! Ciang zetin hilh ing: na sualnak uh sikin, na umdan uh na khel uh ma tale amuhte bangin thi khawng leleng tuk uh ci,” tin ti hi.

JOHAN 1:13

Pathian cate a hihnak haw cu leihum dan, mihing i hinmi hihnak tuah kha ma hi; Pathian amah loli cu a Pa haw hi.

JOHAN 3:3

Jesuh in, “Thutakin hilh ing: kua hei hihen hinleh ahi ma tale Pathian Uknak mu thei haw tukma,” ti hi.

JOHAN 3:4

Nikodemas in, “Itin kaw pasal cang cu a hin kikleh theih tuk? A nu i pum sungah tumin, vei nih hin cu hi thei tukma hi,” tin don hi.

NUNGZUITU 2:38

Peter in, amuh tei lakah, “Na venghawng uhin, na sualnak uhte sik unna, Jesuh Khrih minin tuiphum un hi, mahten na sualnak uh ngaithiam hi tuk uh ci a, Pathian i laksawng Hawvang Thiangtho ngah tuk uh ci.

NUNGZUITU 3:19

Sikkik unna, Pathian nelah kikleh un hi. Mahti bang ahi tale na sualnak uh ngaidam tuk hi. Mahti bangin na ti uh tale,

ROM Khua Khristian Tei Lakah Paul i Laikuat (Paul’s Letter to the Romans) 14:17

Itahim titale Pathian Uknak cu ei le in hi saw ngawlin; Hawvang Thiangtho i piakmi dikcangnak, lemdaihnak le lungdamnakte hi saw hi.

ROM Khua Khristian Tei Lakah Paul i Laikuat (Paul’s Letter to the Romans) 8:2

Itahim titale Khrih Jesuh tuah pehzopnak hangin nunnak a piatu Hawvang daan in sualnak le thihnak daan sung pen luattik zo hi.

1 KORIN 15:50

U le naute aw, ka hilhmi cu hi tin hi. Thi le sa tuah bawlmi ten Pathian Uknak cu co thei haw tukma hi. A thi theimi in, a thi thei ngawlmi cu luah thei tukma hi.

1 KORIN 2:12

A ngah uhmi hawvang cu lei hawvang kha ma hi; Pathian i tiikmi Hawvang hi saw hi. Pathian i ohte a piakmi laksawng hempoh a theih theihnak tuk uhin Pathian Hawvang cu ngah zo hung hi.

1 KORIN 6:11

Mi khenkhat cu mahti bang sualnak a bawlte hi uh ci. Mahnaven sualnak pen thianthohtikmi le Pathian nelah apmi hi zo uh ci; Topa Jesuh Khrih le a Pathian uh i Hawvang thawmin Pathian tuah lemduntikmi hi zo uh ci.

GALATI 6:15

Mi pa kha khat vunceptalhmi a hih le hih ngawl cu imah thupi ma hi; a thupimi cu hinthak hihnak khi hi.

EFESA 5:26

Hitih bangin a bawlnak cu pawlpi hi, tui sungah a somciangnak hangin a thianthohtik nungten a thu in Pathian nelah ap tukin hi.

1 PETER 1:2

Jesuh Khrih i thu na zuinak tuk uhin le ama thisan tuah a thiantikmi na hih theihnak tukin nohte cu Pa Pathian tuptahnak bangin tenmi le ama hawvangin mi thiangtho ah a bawlmi hi uh ci. Pathian hehpihnak le lemdaihnak cu nangmu lakah lawhting zetin um tahen.

1 PETER 3:21

Mahmi cu atu-in nangmuh nunpantu tuiphumnak i lim laktu hi. Hi tuiphumnak cu nangmu taksa pumpi a ninmi somnak tuk hi ngawlin, a sia le pha khenkhuainak lungmu thiang tuah Pathian nelah thutiam bawl na hi saw hi. Jesuh Khrih thawhlehnak hangin tuiphumnakin nangmuh nunpan hi.

1 JOHAN 2:29

Khrih cu dikcang hi tih thei leng uh ci. Mah hangin akua hei hihen a dikmi a bawltu cu Pathian cate hi tih thei tuk uh ci.

1 JOHAN 5:1

Kua hei hihen, Jesuh cu Khrih hi tin, a umtu cu Pathian ca hi. Kua hei hihen Pa a ittu in, a cate vang it hi.