JOHAN 3:34 - Ngawm Bible

³⁴ Pathian i tiikmi cu Pathian in, a Hawvang cangkimnak a piak hangin Pathian i thu cu phuang hi.

JOHAN 3:34 Iomraidhean Croise

2 KUMPI 2:9

Mahlai pen Elijah in, Elisha lakah, “Kei cu na lak pen laktoh hi tuk toh ing. Mah hangin laktoh ka hih lai ngawlin i bawlsak tuk deih kam?” tin dong hi. “Nangmah ai-awhtu ka hih theihnak tukin ka covo tuk i let nihin, na huham pia in,” ti hi.

SAAM LABU 45:7

A manmi cu deih ci a, a pha ngawl cu hua ci. Mah hangin Topa na Pathian in nang cu teng zo hi. Midang hempoh sangin na humah lungdamnak cu buaksuk zo hi.

ISAIAH 59:21

Nangmuh tuah thutepnak bawl ing: Ka huham le ka thuhilhnakte pia ing; tu pepan zui unna, nangmu khan, na ca tei khan le casuan tei khanah hei hihen, ka thu ngai tukin zilh leleng un,” ti hi.

THIAMPI NADEHNAK 7:35

Hihi cu Topa i thiampi dek tukin apdun ni-in, an tuah biakpiaknak sung pen Aaron le a capa tei covo hi.

MIPUM SIALNAK 11:25

Topa cu meingo sung pen hungin, Moses lakah thu hilh hi. Moses lakah a piak zo mi Hawvang khenkhat cu la in, puitu sawm salih tei lakah pia hi. A lak hawah hawvang a hen bek ten profet bangin phu in, awn tawtok haw hi. Mahnaven mahmi a ngei um ngawlin pailehta hi.

MATTHAI 12:18

“Ka tenmi ka nadektu pa cu hilai hah um, Ka ihmi le a humah ka lungdam zetmi hi. A humah ka Hawvang koih tung a, Ka thukhennak cu mi phun hempoh tei lakah than tung.

LUKA 4:18

“Topa i Hawvang cu ka humah um hi. Itahim titale mi ca-ngah tei lakah lungdamnak thuthangpha phuang tukin sathau thihsakin kei cu teng zo hi. Saltangmi tei lakah luatnak thu hilh tukin le mitcaw tei khua muhleh theihnak tukin keimah teng zo hi. Bawlsiat thuakte luattik tukin le

JOHAN 1:16

A cangkim zetmi a hehpihnak tuah ohte cu muicu pia zo a, muicu cu pa khat nung pa khat pia hi.

JOHAN 15:26

Ka Pa i lak pen Bawmtu, Hawvang heng tuk a, amah cu Pathian i thutak langtiktu tuk hi. Ka Pa i lak pen tiik tung a, keima cungcang hilh tuk hi.

JOHAN 16:7

Mahnaven thutakin hilh ing. Ka hawh hi nohtei ca in pha saw hi. Itahim titale ka hawh ma ahin Bawmtu Hawvang nohtei lakah hung tukma hi. Ka hawh ahi tale amah cu nohtei lakah tiik tung hi.

JOHAN 3:17

Itahim titale Pathian in, a Capa a tiik ten leihum thukhentu tukin tiik ma hi. Leihum Nunpantu tukin tiik hi.

JOHAN 5:26

Pa amah loli khi nunnak bulpi hi. Mah hangin Capa vang nunnak bulpi in bawl zo hi.

JOHAN 7:16

Jesuh in, “Tu a, nohte ka zilhmi hi keima thu hi ngawlin keimah a tiiksuktu Pathian lak pen a hengmi thu hi.

JOHAN 8:40

Hilh tukin ka tuptah lelengmi cu Pathian lak pen ka zakmi thutak khi hi. Mahnaven keimah lehlam thah tum uh ci. Abraham in mahti bangin bawl awng ma hi.

JOHAN 8:47

Pathian lak pen a hungmi in Pathian i thu cu ngai hi. Mahnaven nohte cu Pathian lak pen a hengmi na hih uh ngawl hangin a thu ngai nuamma uh ci,” ti hi.

NUNGZUITU 1:2

a na bawlmi hempoh le a thuzilhmi hempoh cangkim zetin ngan ing. Vancungah laktoh a hih laih ngawlin a tenmi a nungzuitute cu Hawvang Thiangtho huham tuah thuphano in, a zilh celh ten vanah laktohin umta hi.

NUNGZUITU 10:38

Nazareth mi Jesuh i humah iti bangin Pathian in Hawvang Thiangtho le huham buak him tihvang cu thei khawng uh ci. A lakah Pathian a um hangin khua hempoh ah hawhin, thilpha bawl pepel hi. Satan i khalhsiatmi hempoh damtik khawng hi.

ROM Khua Khristian Tei Lakah Paul i Laikuat (Paul’s Letter to the Romans) 8:2

Itahim titale Khrih Jesuh tuah pehzopnak hangin nunnak a piatu Hawvang daan in sualnak le thihnak daan sung pen luattik zo hi.

EFESA 3:8

Kei cu Pathian i mihing tei lakah mi nautabel sangin nauta saw laih ing. Mahnaven son theih ngawl tianin, a ngengmi Khrih Thuthangpha cu Gentail mitei lakah henpih tukin le,

KOLOSE 1:19

Capa in ama sungah Pathian hihnak cangkimin, a neihnak cu amah Pathian i leitek sa hi.

KOLOSE 2:9

Itahim titale Pathian hihnak cu Khrih i mihing hihnak sungah cangkim zetin umin,

MANGMUHNAK 21:6

Mahten hitin hilh lehleu hi, “Ihempoh bawl khawng hi zo hi. Keimah cu Alfa le Omega ing, a bulpatnak le a tawpnak ing hi. Akua abang a dangdum mite cu man piak kul ngawl ciktui pen a luangmi nunnak tui intik tung hi.

MANGMUHNAK 22:1

Mahten mahmi vancungmi in, thalang bangin a de mi nunnak luitui cu lak hi. Mah lui cu Pathian le Tuuno i kumpi khunnak pen puttulin,