JOHAN 3:3 - Ngawm Bible

³ Jesuh in, “Thutakin hilh ing: kua hei hihen hinleh ahi ma tale Pathian Uknak mu thei haw tukma,” ti hi.

JOHAN 3:3 Iomraidhean Croise

JEREMIAH 5:21

Phano in ngai un, noh misil le ngaihsutnak dawmte, mit nei na pi in, imah mu thei ngawlte, beng nei na pi in, thu za thei ngawlte,

EZEKIEL 36:26

Lung thak le thin thak pia tung. Suang bangin a cangmi na lungmu uh cu laksak tung a, niamkhiatnak lungmu pia tung hi.

MATTHAI 16:17

Jesuh in, “Bar Jonah i capa Simon mi bawngpha hi ci: Itahim titale hi thuman hi mihing lak pen na ngahmi hi ngawlin vancung a um ka Pa i theihtikmi hi.

MATTHAI 19:24

Vei khat hilh lehleu tung. Kalauk pa khat i hio kua sungah a tum tuk sangin mihau pa khat i Pathian Uknak sungah a tum tuk haksa saw hi,” tin ti hi.

MATTHAI 21:31

Hi capa pa nih tei lak pen akua saw in kaw a pa i deihnak a bawltu?” tin dong hi. Amuh ten, “A capa upa saw,” tin don haw hi. Jesuh in, “Thungai in hilh ing: siahkhontu le numei pha ngawlte hi nangmu laih ngawlin Pathian Uknak sungah tum haw tuk hi.

MATTHAI 5:18

Thungai in hilh ing, lei le van a umsung hempoh cu Daan sung a, a neubel hei pai tuk ma hi, ihempoh a kimkhawng laih ngawl sung cu pa khatno hei pai thong tukma hi.

MARKA 10:14

Mah thu cu Jesuh in, a zak ten a thinukin, a nungzuitu tei lakah, “Naupangte cu ka lakah hunpih un hi, kham pahsuh un! Itahim titale Vancung Uknak cu hi bang naupang tei ca in hi.

MARKA 9:47

Na mitin nang a sualtik tale pholhletin hi. Mit nih nei in hell sungah na tum sangin, mit khat bek nei in Pathian Uknak sungah na tum ahin pha saw tuk hi.

JOHAN 1:13

Pathian cate a hihnak haw cu leihum dan, mihing i hinmi hihnak tuah kha ma hi; Pathian amah loli cu a Pa haw hi.

JOHAN 1:5

Vaknak cu khuathim sungah vakin, khuathimin mittik zo ma hi.

JOHAN 1:51

Mahten a venghawng haw lakah, “Thutak hilh ing. Vancung khi hong tuk a, Mihing Capa humah Pathian i vancungmi a tolh le a kai khi mu tuk uh ci,” ti hi.

JOHAN 12:40

“Pathian in, a mit haw cawtikin, a lungmu haw bingtik hi. Mah ahimata, khua muleh kha sual haw tuk a, a lungmu haw in thei kha sual haw tuk hi.”

JOHAN 3:4

Nikodemas in, “Itin kaw pasal cang cu a hin kikleh theih tuk? A nu i pum sungah tumin, vei nih hin cu hi thei tukma hi,” tin don hi.

2 KORIN 4:4

Mahmi ten sang haw ma hi, itahim titale hi leihum i pathian sesuakin, a lungmu haw cu khuathim lakah a koih leleng hangin hi. Thuthangpha i vaknak Khrih i sunloihnak pen a hengmi vaknak cu mu haw ma hen tin mah pathian in lim leleng hi. Khrih cu Pathian tuah bangve loli hi.

2 KORIN 5:17

A kuakua hei hihen Khrih tuah pehzomdun tale semsuah thakmi hi; a nunlun cu bo in siam thakmi hi zo hi.

GALATI 6:15

Mi pa kha khat vunceptalhmi a hih le hih ngawl cu imah thupi ma hi; a thupimi cu hinthak hihnak khi hi.

EFESA 2:1

Ni dang laihin, na phat uh ngawlnak le na sualnak uh i hangin hawvang lam pen mithi hi uh ci.

DAAN PIAKLEHNAK 29:4

Mahnaven hi na tawh zo uhmi tei a sullam na theih theihnak tuk uhin Topa in zuam li naven thei zo ma uh ci.

TITUS 3:5

Oh ten na pha a bawl uh hang hi saw ngawlin ama hehpihnak hangin nunpatmi hung hi. Hawvang Thiangtho i somciangnak hangin hinthaknak le nunnak thak ngah hung hi.

JAMES 3:17

Mahnaven van pen a hungmi cihnak cu i dang sangin a thiangmi cihnak hi. Mah i humah lemdaihnak tuah dim hi. A lungnemin miphial thiam hi. Hehpih ningnatnak nei in, nadeh pha ngah suahpih hi. Deidatnak le iksiknak nei ngawlin ultunnak vang nei ma hi.

1 PETER 1:3

Topa Jesuh Khrih i pa le a Pathian cu thangphat nung. A hehpihnak hangin Jesuh Khrih cu thihnak pen tholehtik a, nunnak thak pia zo hi. Mah hangin ohte cu a nungmi muansannak tuah dimin,

1 JOHAN 2:29

Khrih cu dikcang hi tih thei leng uh ci. Mah hangin akua hei hihen a dikmi a bawltu cu Pathian cate hi tih thei tuk uh ci.

1 JOHAN 3:9

Kua hei hihen Pathian ca a himi in sualnak bawl leleng ma hi. Itahim titale Pathian nundan cu a sungah um hi. Pathian cu a Pa a hih hangin sualnak bawl leleng thei ma hi.

1 JOHAN 5:1

Kua hei hihen, Jesuh cu Khrih hi tin, a umtu cu Pathian ca hi. Kua hei hihen Pa a ittu in, a cate vang it hi.

1 JOHAN 5:18

Pathian cate cu sualnak bawl leleng ma hi tih thei hung hi. Itahim titale Pathian Capa in hupin, Satan in siatsuah thei ma hi.

1 JOHAN 5:4

Itahim titale Pathian ca a himi hempoh ten hi leihum cu neh thei haw hi. Mahten a upnak uh hangin ohte cu leihum nehtu hi hung hi.

MANGMUHNAK 3:14

“Laodisia pawlpi i vancungmi lakah hi bangin nganin hi. “Amen tihmi, muantak le theitu tetti dik hi in Pathian i semsuahmi hempoh tei bulpi, a tawpatnak i thucahmi cu hi bangin hi.