JOHAN 3:26 - Ngawm Bible

²⁶ Mah hangin Johan lakah hawh haw in, “Sazapa Jordan ngun pen nisuahnak lam a, nangmah tuah a ummi pa khi thei laih cim? A thu na son mek lih pa khi? Atu-in tuiphumnak pia li bokin mi tampi a lakah hawh haw hi,” tin ti haw hi.

JOHAN 3:26 Iomraidhean Croise

SAAM LABU 65:2

Ka thutep uhmi kimtik tuk ung, mi hempoh cu amuh tei sualnak ca in, Topa i nelah zuan haw tuk hi.

THUHILHTU 4:4

Mihingin, haksa zetin nadekin, a bawlsuah theihmi hempoh hi: a mihing pih a iksik hangin hi, tih mu ing. Hi hei hi phukthong, huih hil li bang thong hi.

ISAIAH 45:23

Ka hilhmi thuman a hih hangin, thekdun awng tukma hi. Ka min salin thutiam ing. Mi hempoh hung haw tuk a, ka mai ah khukdinin, thutiamdun haw tuk hi.

MATTHAI 23:7

Bazal tuan mipi tamnak mun pen mitei upat piak tuk nuamin le, ‘Sazapa,’ tin sam tuk nuamzet haw hi.

MATTHAI 23:8

Mahnaven noh ten, ‘Sazapa’ tin, a sam haw tuk nuam pahsuh un! Itahim titale nohte cu unau noh ten hi uh ci, ‘Sazapa’ tin na sam tuk uh Khrih pa khat bek nei uh ci.

JOHAN 1:15

Johan in mahpa i thu cu hi bangin hilh hi: “Amah cu keima nungten hung naven amah cu kei sangin ngeng saw hi. Itahim titale amah cu ka suah laih ngawlin um zo hi tin ka hilhmi cu ama thu khi hi,” ti hi.

JOHAN 1:7

Johan cu mitei lakah mah vaknak thu hilh tukin hung hi. A hilhmi hempoh a zak haw tukin le a up haw tukin hung hi.

JOHAN 1:9

Mah vaknak cu vaknak ngangai hi. Mah vaknak cu leihumah hungin mi hempoh a vaktiktu vaknak hi.

JOHAN 11:48

Hi bangin a hahzau thong uh tale mi hempoh ten amah um haw tuk hi. Mahbek sial ngawlin Rom thuneitu ten ngaimawhin, a Biakinn pi uh le a ngam buppi uh tian siatsuah haw tuk hi,” tin ti haw hi.

JOHAN 12:19

Mahten Farasi ten, “Imah tileh thei ma toh si hung maw! Zo unna, leihummi hempoh ten amah zui zo haw!” tin pa khat le pa khat tidun li haw hi.

JOHAN 3:2

Zan khat cu Jesuh lakah hawhin, “Rabbi, nang cu Pathian i tiikmi zilhtu hi ci, tih thei ung. Nalamdang na bawl mite hi Pathian tel ngawlin kuamah in bawl thei haw tukma,” ti hi.

JOHAN 4:1

Jesuh cu Johan sangin nungzuitu tam saw nei in, tuiphumnak vang pia tam saw hi tih Farasi ten za haw hi.

JOHAN 4:2

A ngangai ti ahin Jesuh amah loli in, kuamah tuiphumnak pia ma hi; a nungzuitute bekin pia haw hi.

JOHAN 4:31

Mahlai in nungzuitu ten Jesuh cu, “Sazapa, an ei in,” tin ti haw hi.

JOHAN 5:33

Johan lakah na kamtai uhte hah uh ci, amah in thuman hilh hi.