JOHAN 3:21 - Ngawm Bible

²¹ Mahnaven a manmi a bawltu cu vaknak sungah hungin, a bawlmi cu Pathian deihmi zui in, a bawlmi hi tih cu mah vaknakin langtik hi.

JOHAN 3:21 Iomraidhean Croise

SAAM LABU 119:105

Na thu cu keimah lampuitu mei inn hi a, ka lampi ca in vaaknak hi.

SAAM LABU 119:80

Zakca mualpho in ka um bok tuk ngawlnakin, Na thutep cu cangkim zetin zui thei zal nang ngei!

ISAIAH 26:12

Maw Topa mi neinung le hauhnak pia in; Bawl thei hung ka tih uhmi hempoh, nangma bawlmi ngeh haw hi.

ISAIAH 8:20

Mahti bangin a tih haw ten noh ten, “Topa i zilhmite hi ngai saw un. Mipol tei thu ngai pahsuh un. A hilh haw mite cu nohtei ca in, haksatnak pen luattik thei tukma hi,” tin ti un hi.

HOSEA 14:8

Israel mite cu milim tuah pehdunnak neileh haw tukma toh hi. A thungetnak haw ngai in, cingkhawi leleng tung hi. A ceh a hing lelengmi thingkung pi bangin ka lim nuai ah koih tung hi. Keimah cu a muicu ngahnak bulpibel ing hi tin,” ti hi.

JOHAN 1:47

Jesuh in Nathanel a hun cu amuh ten, “Israel mi cikcek pa hi zo un! A lungmu sungah zolthu hihim umma hi,” ti hi.

JOHAN 3:20

Akua hei in thilpha ngawl a bawltu in, vaknak cu hua in, vaknak sung hei ah hung tukma hi, itahim titale a pha ngawl a bawl mite lang suak kawn tih lauthawng hi.

JOHAN 5:39

Lai Thiangtho sialin cung uh ci; mah bangin na cunnak uh cu hi Lai Thiangtho sungah kumkhua nunnak mu tuk ung tin na ngaihsut uh hang hi. Hi Lai Thiangtho cu a venghawngin keima thu a hilhtu hi.

JOHAN 7:17

Pathian i deihnak a bawl nuam ngangai ten ka zilhmi thu hi Pathian lak pen a heng ngangai mi maw, keima lungmu thong him tih cu khenkhuai thiam haw tuk poh hi.

1 KORIN 15:10

Mahnaven Pathian hehpihnak hangin tu bangin ka hih theihnak hi. Ka humah a itnak le hehpihnak a neihmi cu a thawnthong hi ma hi. Tiikmi dangte sangin nase saw in, nadek ing. Mahnaven mahmi cu keima dehmi tih tuk hi ma hi. Ka nel a, um Pathian hehpihnak i dehmi hi saw hi.

2 KORIN 1:12

Ka tuangkhawn pihzet uhmi pa khat um; mahmi cu ikaw titale: hi leihum a nundan uh le a cuangin, nangmuh tuah a pehzop dunnak uh hi, mihing cihnak i ukmi hi ngawlin Pathian hehpihnak huhamin uk hi. Amah Pathian i piakmi awn taituang le lungmu ngai tuah a nunzia uh cu a lungmu uh sia le pha deidan thiamnakin, a theihpihmi hi.

GALATI 6:8

A taksa deihnak huanah a cingtu in thihnak cawm tuk hi. Hawvang anci a cing tale cu mah Hawvang i lak pen kumkhua nunnak cawm tuk hi.

EFESA 5:9

Itahim titale phatnak phunkim, dikcangnak le thutak a piangtiktu cu vaknak hi.

FILIPI 1:11

Jesuh Khrih bek i piak theihmi ngamtat pha ngangai cu na nunnak uhah dim tuk a, mahmi cu Pathian thangphatnak le sunloihnak tukin hi.

FILIPI 2:13

Itahim titale ama tuptahmi deih tukin le nadek suak tukin Pathian cu nangmu sungah nadek hi.

KOLOSE 1:29

Ahi cu deksuak tukin amah Khrih i piakmi cahnak, ka sung a, nadektu mangin nase zetin thuaklo in, nadek li ing.

HEBRU 13:21

Lemdaihnak Pathian in ama deihmi na bawl theihnak tukin, na kul uhmi thilpha hempoh khi pia zazal tahen; Jesuh Khrih hangin a deihmi cu bawl zal hen. Kumkhua pen kumkhua tian Khrih cu sunloih hi tahen! Amen.

1 PETER 1:22

Atu-in, thutak na zuinak uh hangin thianthohtikmi hi zo uh ci, umtu unau dang khi lungmu takin it uh ci. Mah hangin na lungmu tak uh tuah pa khat le pa khat itdun un.

1 JOHAN 1:6

Mah hangin amah tuah pawlkomnak nei hung ti thah lengin, thimnak sungah a um uh tale, a ot dan uh hihen, a deh dan uh hihen zolthu son hung hi.

3 JOHAN 1:11

Ka ihmi ngualcam pa aw, a pha ngawlmi cung pahsun, a phami cung saw in, a phami a bawltu hempoh cu Pathian ta hi. A pha ngawl a bawltu hempoh cu Pathian mu ma hi.

MANGMUHNAK 3:15

Na nadehmi thei ing. Dap le dap sih ngawl, sa le sa sih ngawl na hihlam thei ing. Na dap tale dap vanglak inna, na sa tale sa vanglakin tih deih ing.