JOHAN 3:2 - Ngawm Bible

² Zan khat cu Jesuh lakah hawhin, “Rabbi, nang cu Pathian i tiikmi zilhtu hi ci, tih thei ung. Nalamdang na bawl mite hi Pathian tel ngawlin kuamah in bawl thei haw tukma,” ti hi.

JOHAN 3:2 Iomraidhean Croise

1 KUMPI 17:24

A nu in, “Atu-in Pathian mihing ngangai hi ci a, na lak pen Topa cu awn tatak hi tih cu za zo ing,” ti hi.

ISAIAH 51:7

Diknak a theitu nohte, ngai un. Ka zilhnak lungmu sungah a koihtu! Midang ten thumin, a zawnsak haw hei in imah lau pahsuh un!

JEREMIAH 38:16

Mah hangin kumpi Zedekiah in, a kuhno thutiamin, “A nungmi Pathian min salin tiam ing hi, nunnak a petu Pathian minin; that hihim tuk mang, nangmah thah a nuamtu tei khut sungah hei pia tuk mang tin,” ti hi.

MATTHAI 22:16

Amuh zuitu khenkhatte le Herod i mihing khenkhatte cu Jesuh lakah hawhtikin, “Sazapa, nang cu thuman son ci tih thei ung. Pathian i deihnak ihim tihmi thu vang miten iti bang ngaisung haw nantim tih hei ngaisung ngawlin zilh ci. Itahim titale nang cu mitei hihnak vang maisong ma ci.

MATTHAI 23:7

Bazal tuan mipi tamnak mun pen mitei upat piak tuk nuamin le, ‘Sazapa,’ tin sam tuk nuamzet haw hi.

MATTHAI 23:8

Mahnaven noh ten, ‘Sazapa’ tin, a sam haw tuk nuam pahsuh un! Itahim titale nohte cu unau noh ten hi uh ci, ‘Sazapa’ tin na sam tuk uh Khrih pa khat bek nei uh ci.

MARKA 12:14

Jesuh lakah a hen haw ten, “Sazapa, nangin miten iti bang ngaisung bok haw tuk nantim tih hei ngaisung ngawlin thutak son ci tih thei ung hi. Mi upa tei mitmai hei zo ngawlin le deidatnak lungmu vang nei ma ci. Pathian deihnak thutak cu mi lakah hilh ci. Mah hangin a ciang zetin hilhin hi. Rom kumpi lak a, siah piakmi hi a Daan uhin phal maw phal ma kaw? Pia tuk ung maw pia tukma ung kaw?” tin dong haw hi.

JOHAN 1:38

Jesuh cu a nunglam heklehin, a nungzui haw tih amuh ten, “Ikaw na zei uh?” tin dong hi. Amuh ten, “Rabbi, ilai ah kaw na um?” tin don haw hi. Rabbi tih cu Sazapa tihnak hi.

JOHAN 10:38

Mahnaven ka bawl ahi tale keimah na um nuam uh ngawl vangin ka bawlmi bek hi na um uh ahin mawi hi; mahten Pa cu ka sungah umin, Pa i sungah kei um ing, tih na theih lelengnak tukin,” ti hi.

JOHAN 12:37

Mahti bangin nalamdang ngengpi tamzet cu a mitmuh haw hihimah bawl li naven amah cu um haw ma hi.

JOHAN 14:10

Kei cu ka Pa i sungah um ing a, ka Pa vang cu keima sungah umbok hi tih khi umma cim maw, Filip? Nohte ka hilhmi thu cu keima sung pen a tulmi kha ma hi, ka sung a ummi ka Pa i nadehnak hi.

JOHAN 15:24

Kuamah i bawl awng ngawl ka bawlmite cu bawl ngawlin ka umta ahin, amuh tei humah sualnak um tukma hi. Mahnaven atu tianah ka bawlmi khi mu leng haw naven ka Pa le Keimah hua haw hi.

JOHAN 2:11

Jesuh in nalamdang a bawl masabelmi cu Galilee peng Kanaan khua ah bawl hi. Mahlai ah a sunloihnak langtikin, a nungzuitu ten um haw hi.

JOHAN 20:16

Jesuh in, “Mary!” tin sam hi. Mary in, Jesuh i lakah hekin, Hebru awnin, “Rabboni” tin ti hi. Rabboni tih cu “Sazapa” tihnak hi.

JOHAN 3:26

Mah hangin Johan lakah hawh haw in, “Sazapa Jordan ngun pen nisuahnak lam a, nangmah tuah a ummi pa khi thei laih cim? A thu na son mek lih pa khi? Atu-in tuiphumnak pia li bokin mi tampi a lakah hawh haw hi,” tin ti haw hi.

JOHAN 4:31

Mahlai in nungzuitu ten Jesuh cu, “Sazapa, an ei in,” tin ti haw hi.

JOHAN 5:36

Mahnaven keima ai-in ka thu la theihpihtu umin, Johan i tettikhanmi sangin ngeng saw hi; mahmi cu Pa i piakmi ka bawl mite hi. Mah ka bawlmi in, Pa i kei a hahnak thu langtik hi.

JOHAN 6:2

Mi honpi ten amah cu tina damtikin, thasiahhuai nalamdang a bawl mite khi mu zo toh haw hangin zui haw hi. Hi.

JOHAN 7:31

Mahnaven mi honpi sung pen mi tampi ten amah um haw in, “Khrih i hen ngai ten hi pa sangin nalamdang tam saw bawl thei a ni maw?” tin ti haw hi.

JOHAN 9:16

Farasi khenkhat ten, “Himi thil bawltu pa cu Pathian lak pen a hungmi hi kha tukma hi. Itahim titale Sabbath daan palcat hi,” tin ti haw hi. Mahnaven khenkhat ten, “Mah ahi ahin, mi sualmi cu iti bangin hi bang nalamdang bawl thei tuk him?” tin ti bok haw hi. Mah hangin amu sung lala ah khendunnak piang hi.

NUNGZUITU 10:38

Nazareth mi Jesuh i humah iti bangin Pathian in Hawvang Thiangtho le huham buak him tihvang cu thei khawng uh ci. A lakah Pathian a um hangin khua hempoh ah hawhin, thilpha bawl pepel hi. Satan i khalhsiatmi hempoh damtik khawng hi.

NUNGZUITU 2:22

“Ka phunpih Israel mite hi thu hi ngai un! Nazareth mi Jesuh cu mihing hi naven Pathian i thuneihnak nei hi, tih cu ama sung pen Pathian in melciknak le nalamdang a bawlmi pen langtik zo hi. Hihi cu nangmuh loli i theihmi hi, itahim titale nangmu lakah a piangmi thilte hi.

FILIPI 1:14

Mahten hi thawng ka taknak hin a u naupih uh a tam saw cu Topa a muannak haw khi khotikin, ngalpha sesemin le ngam zetin thu hilh haw hi.

THUKHENTUTE 6:27

Gideon in umlawh sawm pui in Topa i hilh bangin bawl khawng hi. A unau sangngam le khuasung mitei muh tuk a lau hangin sunah bawl ngawlin zanah bawl hi.