JOHAN 3:15 - Ngawm Bible

¹⁵ Mah hangin amah a umtu hempoh cu kumkhua nunnak ngah haw tuk hi.

JOHAN 3:15 Iomraidhean Croise

ISAIAH 11:10

Mah ni ten, David casuan sung pen kumpi thak suak a, miphun tampi tei ca in, tiamtehnak hi tuk hi. A khuapi sungah tawkdun khawm haw tuk a, upatnak pia haw tuk hi.

ISAIAH 45:22

Leihum mihing hempoh, Keima lamah hekkik unna, nunpatnak ngah tuk uh ci. Keimah bek Pathian um ing.

MIPUM SIALNAK 21:9

Moses in a hilhnak bangin daal ngul cu bawlin, khuam humah tak hi. Ngul i cih mite mah daal ngul zotu hempoh cu dam haw hi.

MATTHAI 18:10

“Hitih bang naupangnote na zawnsak ngawlnak tukin ngalling un hi. Thungai in hilh ing. Amuhte cingkhawitu vancungmite cu vancung ka Pa i mai ah um leleng haw hi.

MATTHAI 25:46

Mah nungten mah mite cu kumkhua bawlsiatnak munah hawh haw tuk a, midik le mipha cu kumkhua nunnakah hawh haw tuk,” tin ti hi.

MARKA 16:16

A kuakua hei hihen a thu umin, tuiphumnak a ngahtu hempoh cu nunpat hi haw tuk hi. Mahnaven a thu um ngawlte cu sual thaman thihnak thuak haw tuk hi.

LUKA 19:10

Mihing Capa cu a paimi zei tukin le nunpan tukin hung,” ti hi.

JOHAN 1:12

Mi khenkhat ten sangin a up haw hangin Pathian cate hih theihnak thupia hi.

JOHAN 16:33

Nohte cu keimah tuah na pehzomnak uh i hu le thawm hangin lungmuannak na ngah theihnak tuk uhin hi thu hi nohte hilh ing. Leihumin nohte cu haksatnak pia tuk hi. Mahnaven lau ngawlin ngalhang zetin um un! Leihumpi cu neh zo ing!” ti hi.

JOHAN 20:31

Mahnaven hi zong hi ngan ing a, ka ngatnak sullam cu noh ten Jesuh cu Khrih, Pathian Capa hi tih umin amah na muannak uh i hangin nunnak na neihnak tukin hi.

JOHAN 3:16

Pathian in leihum hi a ih leita hangin a Capa neihcalam pia in, amah a umtu hempoh cu thi ngawlin kumkhua nunnak nei haw tuk hi.

JOHAN 3:36

Capa a umtu cu kumkhua nunnak nei hi; Capa i thu a eltu cu nunnak nei ngawlin Pathian i dantatnak a humah um tuk hi.

JOHAN 5:24

Thutakin hilh ing; kua hei hihen ka otmi zain, kei a tiiktu a um tale kumkhua nunnak nei hi. Thukhennak tawk ngawltohin, thihnak pen nunnakah tum zo hi.

JOHAN 6:27

A sialeh theimi an ca in, nadek pahsuh un. Kumkhua a phaatmi nunnak an ca tukin dek saw un hi. Mah an cu Mihing Capa in, nohte pia tuk hi. Itahim titale Pa Pathian in, a humah lungkimnak tacik khen zo toh hi.”

JOHAN 6:40

Itahim titale Capa mu in, a umtu hempoh ten kumkhua nunnak a ngah haw tuk khi ka pa i deihnak hi, mahten ni dawlbel ni ten nunnakah thokiktikleh tung,” ti hi.

JOHAN 6:47

Thutakin hilh ing. Amah umtu in kumkhua nunnak nei hi.

NUNGZUITU 13:41

“Zo un hi! Noh mi nuihcip mangte; mangbangin na thita un! Itahim titale tuni a ka bawlmi hi, miten nangmu lakah a sonciang haw hei in, na san tuk ngawl uhmi thil hi, tin hilh haw,” ti hi.

NUNGZUITU 8:36

Hawh ngut haw a, tui umnak mun heng haw hi. Mah bawi in, “Hilai hah tui um. Tuiphum tukin ikaw a khaktu?” tin ti hi.

ROM Khua Khristian Tei Lakah Paul i Laikuat (Paul’s Letter to the Romans) 5:21

Mah hangin sualnakin thihnak tuah mi a uk bangin Pathian i hehpihnakin dikcangnak tuah mihingte uk bok hi; mahten, a Topa uh Jesuh Khrih i hangin kumkhua nunnak sungah pui hi.

1 KORIN 1:18

Thinglamteh humah Khrih i thihnak thu hi a lalthong li toh tei ca in silhahzet hi; mahnaven nunpat lih laih ohtei ca tukin Pathian i huham hi.

2 KORIN 4:3

Mahti bang a hih hangin Thuthangpha ka phuan uhmi hi lang ngawlin selmi ahi tale a paimi i ca bekin selmi in lang tuk hi.

GALATI 2:16

Mahnaven mihingte cu Jesuh Khrih upnak bek hangin Pathian mai ah thiancotiknak ngah hi. Daan zuinakin hi awng ma tih thei hung hi. Mah hangin kote vang cu Khrih ka upnak uh hangin Pathian mai ah thiancotikmi a hih theihnak tukin, Khrih Jesuh um hung hi. Itahim titale Daan zuinak hangin mihingte kuamah Pathian mai ah dikcangnak ngah haw ma hi.

GALATI 2:20

Mah hangin a nungmi cu kei hi lehma toh ing. Ka sung a nungmi cu Khrih saw na hi. Atu nung ing ka tihmi cu keimah it in, keima ca nun a piatu Pathian Capa upnak tuah nung ing.

HEBRU 10:39

Ohte cu nungkikin, a pha thongmi hi ma hung hi. Upnak nei in, nunpatnak a cotu saw hung hi.

HEBRU 7:25

Mah hangin atu le kumkhua in ama sung pen Pathian a zuantu hempoh cu a nun haw pan thei hi; itahim titale kumkhua in, a nun hangin Pathian nelah ngetsak leleng hi.

1 JOHAN 2:25

Mah kumkhua nunnak cu Khrih amah loli i thutiammi hi.

1 JOHAN 5:1

Kua hei hihen, Jesuh cu Khrih hi tin, a umtu cu Pathian ca hi. Kua hei hihen Pa a ittu in, a cate vang it hi.

1 JOHAN 5:20

Pathian Capa hungsukin, ohtei nelah theihnak pia zo tih theih hung hi. Amah cu thuman tih thei hung a, ohte cu thuman sungah um hung hi. A Capa Jesuh Khrih sungah hei um hung hi. Himi hi kumkhua nunnak thuman hi.