JOHAN 3:11 - Ngawm Bible

¹¹ Thutak hilh ing: ka theih uhmi hilh ung a, ka muh uhmi theitik ung; mahnaven akua hei in, ka thu hilh uhmi pom nuam ma uh ci.

JOHAN 3:11 Iomraidhean Croise

ISAIAH 50:2

“Itakaw ka mihingte pan tukin ka hawh ten kua mah i otpih tawk mang? Itakaw ka sam ten kuamah in, na don uh ngawl? Amuh hup tukin nemcuam viang ma ing maw ikaw? Ka thu piaknak hangin tuipi thuanthum kang khawng. Luite cu phillawnin cang khawng haw hi. Tui a um ngawl hangin tui sung ngasate thi khawng haw hi.

ISAIAH 53:1

Mipi ten, a thu hilh haw hi, a sangtu um sap haw a ni maw? Hithu ah, Topa i khut a mutu um sap haw a ni maw?

ISAIAH 55:4

David cu hotu le miphun tampi puitu in bawl ing a, amah mangin ka ngilnak langtik zo ing.

ISAIAH 65:2

Thilpha ngawl bebek lungmu ngeng zetin, a bawltu le amu deihnak bek a zuitu tei lakah a catngawlin ka khutsan ing.

MATTHAI 11:27

“Ka Pa in, ka khut sungah ihempoh pia khawng zo hi. Pa sialngawl kuamah in, Capa cu thei haw ma hi; mahten Capa in thei bok haw hen tin, a ten mite sial ngawl, kuamah in Pa thei haw ma hi.

MATTHAI 23:37

“Jerusalem, Jerusalem! Na lakah Pathian in, a tiikmi profette thatin, suang tuah sep ci. Akpi i aknote a ha nuai ah a uap bangin na mite uap nuam li naveng nuam ma ci!

LUKA 10:22

“Ka pa in, ihempoh ka lakah pia zo toh hi. Capa hi akua him tih cu Pa sialngawl kuamah in thei haw ma hi. Mahti bang bokin, Pa hi akua him tihvang Pa le Capa i phuan mitei lakah sial ngawl kuamah in thei zo haw ma,” ti hi.

JOHAN 1:11

Ama ngam sungah hung naven, a mihing ten sang haw ma hi.

JOHAN 1:18

Kuamah in, Pathian cu mu awng ma hi. A Pa in, a Capa neihcalam, a angsungah a umtiknakin langtik zo hi.

JOHAN 12:49

Hi thu hi thuman hi. Itahim titale keima thu in hilh mang hi. Keimah tiiktu pa i thupiaknak bangin hilh ing.

JOHAN 14:24

Keimah a it ngawltu ten ka thu ngai haw tukma hi. Ka hilhmi thu na zak lih uhte khi keima thu kha ma hi. Keimah a tiiktu ka Pa i thu hi.

JOHAN 3:12

Hi leihum thu le la hilh naveng sang ma ci, mahtin ahi tale itin kaw vancung thula ka hilh ten na san theih tuk?

JOHAN 3:13

Vancung pen a tolh sukmi Mihing Capa sial ngawl kuamah vancungah a kaitu um haw ma,” ti hi.

JOHAN 3:3

Jesuh in, “Thutakin hilh ing: kua hei hihen hinleh ahi ma tale Pathian Uknak mu thei haw tukma,” ti hi.

JOHAN 3:5

Jesuh in, “Thutak hilh ing: kua hei hihen tui le Hawvang tuah hinleh ahimata Pathian Uknak sungah tum thei tukma hi.

JOHAN 5:43

Ka Pa i thuneihnak tuah hung naveng sang nuamma uh ci. Mahnaven mi pa khat cu ama thuneihnak tuah hungin amah saw cu pom uh ci.

JOHAN 7:16

Jesuh in, “Tu a, nohte ka zilhmi hi keima thu hi ngawlin keimah a tiiksuktu Pathian lak pen a hengmi thu hi.

JOHAN 8:14

Jesuh in donlehin, “Mah kha ma hi. Keima thu lala ka son cop li vangin ka sonmi thu cu thuman hi. Itahim titale ilai pen hungin, ilai ah hawh tung kaw tihvang thei zo ing. Nohten ilai pen hung ing a, ilai lamah hawh tung kaw tih hei thei ma uh ci.

JOHAN 8:26

Nangmu lakah thuson tuk le thuhilh tuk tampi nei ing. Keimah a tiiktu cu thutak muantakzet hi a, leihumah ama lak pen ka zakmi thute bek hilh ing,” tin don hi.

JOHAN 8:38

Kei cu ka Pa i laksami thute bek phuang ing. Mahnaven nohten na pa uh i hilhsa bek bawl uh ci,” ti hi.

NUNGZUITU 22:18

Mah ka muhnakah Topa cu mu ing ama ka lakah, ‘Tho inna, manlang zetin Jerusalem pen tulin hi, itahim titale hi khua miten ka thu na phuanmi hi pom haw tukma hi,’ tin ti hi.

2 KORIN 4:4

Mahmi ten sang haw ma hi, itahim titale hi leihum i pathian sesuakin, a lungmu haw cu khuathim lakah a koih leleng hangin hi. Thuthangpha i vaknak Khrih i sunloihnak pen a hengmi vaknak cu mu haw ma hen tin mah pathian in lim leleng hi. Khrih cu Pathian tuah bangve loli hi.

MANGMUHNAK 1:5

A muanhuai theihpihtu, hin masakbel Capa, thihnak pen thawh kiklehtikmi leihum kumpite uktu Jesuh Khrih i hehpihnak le lemdaihnak thupha cu nohtei humah um tahen. Ohte it in, a thihnak hangin sualnak pen luattik zo hi.

MANGMUHNAK 3:14

“Laodisia pawlpi i vancungmi lakah hi bangin nganin hi. “Amen tihmi, muantak le theitu tetti dik hi in Pathian i semsuahmi hempoh tei bulpi, a tawpatnak i thucahmi cu hi bangin hi.