JOHAN 21:16 - Ngawm Bible

¹⁶ Jesuh in, “Johan capa Simon, Keimah it cim?” tin a vei nihnak dong lehleu hi. Simon in, “Topa ka ihdan cu thei ci,” tin don hi. Jesuh in, “Ka tuute cingkhawi in,” ti hi.

JOHAN 21:16 Iomraidhean Croise

SAAM LABU 100:3

Topa cu Pathian hi tih cu phawkngil pahsuh un; A man semsuahin amata hi hung hi. Ohte cu ama mihingte hi hung hi. A cinmi tuuhon hi hung hi.

SAAM LABU 95:7

Amah cu ohtei Pathian hi. Ohte cu a cingkhawi mi a mihingte hung hi; A cinmi tuuhonte hi hung hi. Tuni in, a thuhilhte ngai hem un.

ZEKHARIAH 13:7

Cungnungbel Topa in, “Maw, ngalnam, tho inna, ka ca in, nadektu tuucingte cu satin! That inna, tuute cu mun tihkimah lengkek khawng haw tahen. Mi nautate cu keimah in siatsuah tung a;

MATTHAI 2:6

“Judah ngamsung a ummi nang Bethlehem, Judah ngamsung khuapi lak pen a neubel cu hi ma ci. Itahim titale nangma sung pen lamhuaitu pa khat piang tuk a, ka mihing Israel mite lamhuaitu tuk,” ti hi.

MATTHAI 25:32

Miphun hempoh cu a mai ah khawm khawng haw tuk hi. Mahten tuucing pa in tuu le keel a khen bangin mi hempoh cu khen tuk hi.

MATTHAI 26:72

Peter in nial leleu in, “Thusia tiamin hilh ing hi: mahpa cu ka theihmi hi kha ma hi,” tin ti leleu hi.

LUKA 19:10

Mihing Capa cu a paimi zei tukin le nunpan tukin hung,” ti hi.

JOHAN 18:17

Kongka cingtu numei nu in, “Nang hi a zuitu lakah telbok ci mei?” tin Peter cu ti hi. Peter in, “Mah kha mang,” ti hi.

JOHAN 18:25

Peter cu mahlai ah mei awi thah dingleng laih hi. Mahlai takin, midang ten, “Nang vang hi pai nungzuitu tei lakah pa khat bok sisi maw?” tin ti haw hi. Peter in, “Mah kha mang,” tin nial leleu hi.

JOHAN 21:17

Jesuh in, “Johan capa Simon, keimah it cim?” tin, a vei thumnak dong lehleu hi. Mahti bangin vei thum tian Jesuh in, “Keimah it cim?” tin, a dot hangin Peter cu a thasia in Jesuh i lakah, “Topa nangin ihempoh thei khawng ci. It ing hi tihvang cu thei khawng poh sisi,” ti hi. Jesuh in, “Ka tuute cingkhawi in hi.

NUNGZUITU 20:28

Mahti bang a hih hangin nangmuh le nangmuh cingkhawi thiam unna, Hawvang Thiangtho in, na khut sung uhah a koihmi tuuhon khi phano in cingkhawi un hi. Pathian in, a Capa i thihnak i hangin amata in, a bawlsami Pathian i pawlpi cingkemtu na hita un!

HEBRU 13:20

Biakpiaknak tukin a nun a piaknak hangin Tuucing ngengbel Topa Jesuh cu Pathian in thihnak pen tholehtik zo hi; mahten a thihnak hangin kumkhua thutiamnak cu khotik zo hi.

1 PETER 2:25

Lampaimi tuu bangin lampai zo uh ci; mahnaven atu-in nangmu hawvang khaltu le cingkhawitu Topa i lakah kihlehtikmi hi zo uh ci.

1 PETER 5:2

Pathian i piakmi tuuhon cingtu hi un; Phu thathahin, a cingtu hi ngawlin Pathian i itnak bangin, lungtho zetin cingtu hi un. Na nadeh uhten thaman ngah nuam hangin dek hi ngawlin itnak tatak tuah dek saw un hi.

MANGMUHNAK 7:17

Itahim titale kumpi khunnak laizang a ummi Tuuno cu amuhte cingtu na hi tuk a, nunnak piatu ciktui umnakah pui tuk hi. Mahten a hitui haw hempoh cu Pathian in huksak khawng tuk,” ti hi.