JOHAN 21:15 - Ngawm Bible

¹⁵ Zingeih a eih ceng haw ten Jesuh in Simon Peter cu, “Johan capa Simon, midang tei keimah a ih haw sangin nangin kei itsaw cim?” tin dong hi. Simon in, “Topa, ka ihlam cu thei leng ci,” ti hi. Jesuh in, a lakah, “Ka tuute cingkhawi in,” ti hi.

JOHAN 21:15 Iomraidhean Croise

PIANPATNAK 33:13

Jakob in, “Naupangte hi va viang haw ma laih tih cu thei ci; tuu, khuite le dawnzet haw laih hi. Ni khatin khawlapi a hawl haw tale thi khawng haw tuk hi.

2 Samuel 7:20

Maw Pathian aw, nget tuk imah umma toh hi. Na salpa kei hi thei khawng ci.

2 KUMPI 20:3

“Maw, Topa, nangma muantakin le lungmu ka neihmi venghawng tuah na nadek ing a, na mai ah a pha mi bebek bawl ing tih cu thei khawng poh ci,” tin nasezet kap hi.

ISAIAH 40:11

Tuucing bangin a tuute cu cingkhawi tuk hi; tuuhonte cu hulawmin, a angsungah cawi tuk, a pi haw cu demhetno in hawhpih tuk hi.

JEREMIAH 23:4

A muhte cingkhawitu tukin hotu koih tung hi. Ka mite cu launak le lungapnak tuah umleh haw tukma toh, bawl vang bawlsialeh tukma toh ing. Keimah, Topa in, hilh zo ing,” ti hi.

JEREMIAH 3:15

Ka thu a zuitu hotute pia tung a, cihnak le theih theihnak tuah uk haw tuk hi.

EZEKIEL 34:23

Amuh cingtu tukin ka nadektu David bang kumpi pia tung a, cingkhawi tuk hi.

EZEKIEL 46:24

Mahpa in, “Hi anbukte hi biakinn nadektu ten mipi tei biakpiaknak a piakmi cik a huannak haw mun hi tuk,” ti hi.

MATTHAI 10:37

Kua hei hihen, keimah sangin a nu le pa a it saw tu cu ka nungzuitu tukin tak ma hi. Keimah sangin a canu hihen, a capa hihen, a it saw tu cu ka nungzuitu tukin tak ma hi.

MATTHAI 16:17

Jesuh in, “Bar Jonah i capa Simon mi bawngpha hi ci: Itahim titale hi thuman hi mihing lak pen na ngahmi hi ngawlin vancung a um ka Pa i theihtikmi hi.

MATTHAI 18:10

“Hitih bang naupangnote na zawnsak ngawlnak tukin ngalling un hi. Thungai in hilh ing. Amuhte cingkhawitu vancungmite cu vancung ka Pa i mai ah um leleng haw hi.

MATTHAI 26:33

Jesuh nelah Peter in, “Midang ten a taisan khawng haw hei in, kei in taisan tuk mang,” ti hi.

MATTHAI 26:35

Peter in, “Nangmah tuah thi langkhat tuk ka hi vangin nial viang tuk mang,” ti hi. Nungzuitu dangte vangin mahtih bangin ti tek haw hi.

MARKA 14:29

Peter in, “Midang ten a taisan khawng haw hei in, kei in taisan hihim tuk mang,” ti hi.

LUKA 12:32

“Tuuhonno aw, lau pahsuh un hi. Itahim titale noh tei lak a Vancung Uknak piak cu na Pa uh i lungdam mi hi.

LUKA 22:32

Mahnaven Simon, na muannak tham thong tuk ngawlin nangma ca tukin thungen ing. Mahten keima lam na hek kikleh ten na unau khi thapia in,” ti hi.

JOHAN 1:42

Mahten Simon cu Jesuh lakah hawhpih hi. Jesuh in amah cu zo in, “Na min cu Johan capa Simon hi ci; mahnaven Sefas tin sam hi tuk toh ci,” ti hi. Sefas tih cu Peter tih tuah bangve in, a sullam cu ‘suangpi’ tihnak hi.

JOHAN 13:37

Peter in, “Topa, atu-in ita zui thei tuk ngawl ing kaw?” Nangma ca in, a thi tukin a ngallingsa in um ing,” ti hi.

JOHAN 16:27

Itahim titale ka Pa amah hihimin nohte it hi. Noh ten keimah it in, keimah hi Pathian lak pen a hungmi hi tih na um uh hangin nohte it hi.

JOHAN 21:12

Jesuh in amu nelah, “Hung unna, zingeih ei un,” ti hi. Nungzuitu tei lak pen, “Nang akua kam,” tih a dong ngamtu kuamah um haw ma hi. Itahim titale Topa hi tih cu thei haw hi.

JOHAN 21:7

Jesuh i ihbelmi a nungzuitu in Peter i lakah, “Topa pahcuh!” ti hi. Peter in, Topa hi tih a theih ten a vante a duhsa khawng hangin a angki cu nawhkhah mahtak silhin tui sungah dawksuk hi.

JOHAN 8:42

Jesuh in, “Pathian cu na pa ngangai uh ahi tale keimah it tuk uh ci. Itahim titale kei cu Pathian lak pen hungin, atu-in hilai ah um ing. Keima thu in hung cawm mang hi. Keimah tiiktu pa i thu tuah hung ing.

NUNGZUITU 20:28

Mahti bang a hih hangin nangmuh le nangmuh cingkhawi thiam unna, Hawvang Thiangtho in, na khut sung uhah a koihmi tuuhon khi phano in cingkhawi un hi. Pathian in, a Capa i thihnak i hangin amata in, a bawlsami Pathian i pawlpi cingkemtu na hita un!

NUNGZUITU 20:29

Keima hawh nungten a lauhuai cingne hang hengin tuuhonte hi zo thong haw tukma hi, tih thei ing.

ROM Khua Khristian Tei Lakah Paul i Laikuat (Paul’s Letter to the Romans) 14:1

Upnak lam pen a zawngkhalte khi komno in zo unna; ama bulpak upnak khi el li pahsuh un.

ROM Khua Khristian Tei Lakah Paul i Laikuat (Paul’s Letter to the Romans) 15:1

Upnakah ngilcangmi oh ten upnak nawmtam tei bawmngit khi puak bawm tuk hung hi. Eimu nopnak bek ngaisungtu hi tukma hung.

1 KORIN 8:11

Mahten, “Thei leng ing,” na tih hangin Khrih i nunnak a piak sanmi upnak lamah thanem mi na unau cu lalthongtik tuk hi.

GALATI 5:6

Itahim titale Khrih Jesuh tuah a pehzomdun uh tale vunceptalhnak hihen, tan ngawlnak hei hihen, dangdunnak umma hi. A thupimi cu itdunnak sung pen na a dektu upnak bek khi hi.

EFESA 4:14

Mahti bangten mizoltu tei thuzilhnak le lampeng tawn haw hen tin, a bawlcawm haw zolthu, tui cawkpi le huihsia in ilai banglai ah a soih vawkmi naupang bangleh tukma toh hung.

EFESA 6:24

A catngawlmi itnak tuah a Topa uh Jesuh a ittu na venghawng uh lakah Pathian hehpihnak cu kho zal tahen.

HEBRU 13:20

Biakpiaknak tukin a nun a piaknak hangin Tuucing ngengbel Topa Jesuh cu Pathian in thihnak pen tholehtik zo hi; mahten a thihnak hangin kumkhua thutiamnak cu khotik zo hi.

HEBRU 4:13

Pathian lak pen sel theihmi imah umma hi, Pathian i semsuahmi na hempoh cu ama mai pen hon khawngmi le phalhlet zingzengmi bangin lang haw hi. Ni kha khat ten a venghawng uhin ama mai ah phuangleh khawng pilpial tuk laih hung hi.

1 PETER 1:8

Amah cu mu awng ma nave uhcin it uh ci, mu ma nave uhcin um uh ci. Mah hangin kam hei son zawh ngawlmi a sunglawimi lungdamnak nei uh ci.

1 PETER 2:2

Nau hinsemno bang un; hawvang nawitui cu duhzet un; mah nawitui na in uh hangin khangin, nunpatnak ngah tuk uh ci.

1 PETER 2:25

Lampaimi tuu bangin lampai zo uh ci; mahnaven atu-in nangmu hawvang khaltu le cingkhawitu Topa i lakah kihlehtikmi hi zo uh ci.

1 JOHAN 4:19

Pathian a itnak uh cu amah in, a it masak hangin hi.

1 JOHAN 5:1

Kua hei hihen, Jesuh cu Khrih hi tin, a umtu cu Pathian ca hi. Kua hei hihen Pa a ittu in, a cate vang it hi.

MANGMUHNAK 2:23

Amah zuitute vang that khawng tung a, mahten pawlpi hempoh ten mihing tei ngaihsutnak hempoh le deihnakte thei khawngtu ka hihlam thei haw tuk hi. Akua abang vang na bawlnak uh bangkekin pia kikleh tung hi.