JOHAN 21:12 - Ngawm Bible

¹² Jesuh in amu nelah, “Hung unna, zingeih ei un,” ti hi. Nungzuitu tei lak pen, “Nang akua kam,” tih a dong ngamtu kuamah um haw ma hi. Itahim titale Topa hi tih cu thei haw hi.

JOHAN 21:12 Iomraidhean Croise

MATTHAI 22:46

Jesuh i thudotmi cu kuamah in don thei haw ngawlin mah ni pepan kuamah in thu dongleh ngam haw ma toh hi.

MARKA 9:32

A nungzuitu ten a thuhilhte cu thei haw ma naven a sullam a dotleh haw tuk vang ngam haw ma hi.

LUKA 9:45

Mahnaven nungzuitu ten a son nuammi thei baan haw ma hi. A theihtheih haw ngawlnak tukin selmi thu a hih hangin a theih haw ngawl hangin thudot tuk hei ngam haw ma hi.

JOHAN 16:19

Jesuh in, amah thudong nuam haw tih a zak ten, “Imah can um ngawlin keimah muleh tukma toh uh ci. ‘Mahnung ten imah can ngei ngawlin keimah muleh tuk uh ci, ka tihmi thu khi maw nangmuh lala na son ham lih uh?’

JOHAN 21:11

Simon Peter cu hawmkuang sungah kaito in ngasa ngengzet a dimmi suuk cu tui mawkah dokto hi. Mah ngasa cu pum za le sawm nga le pa thum hi; mahtizahin tam naven suuk cu balkek ma hi.

JOHAN 21:15

Zingeih a eih ceng haw ten Jesuh in Simon Peter cu, “Johan capa Simon, midang tei keimah a ih haw sangin nangin kei itsaw cim?” tin dong hi. Simon in, “Topa, ka ihlam cu thei leng ci,” ti hi. Jesuh in, a lakah, “Ka tuute cingkhawi in,” ti hi.

JOHAN 4:27

Mahlai takin, Jesuh nungzuitute cu kikleh haw in, numei nu tuah a otpihdun lih amuh haw ten lamdangsa mahtak haw hi. Mahnaven kuamah in mah nu cu, “Ikaw na deih?” tin dong haw ma hi. Jesuh vang cu, “Ita hi nu otpih cim?” tin dong bok haw ma hi.

NUNGZUITU 10:41

Mi hempoh tei lakah hi ngawlin a thutheitu tukin a ten mitei lakah langtik hi.