JOHAN 20:17 - Ngawm Bible

¹⁷ Jesuh in Mary lakah, “Keimah zen hih pahsun! Itahim titale pa i lakah heng ma laih ing. Mahnaven ka unau tei lakah hilhta inna, a Pa haw ahi bokmi ka Pa, a Pathian haw ahi bokmi ka Pathian nelah hawh tung hi, tin hilhin,” ti hi.

JOHAN 20:17 Iomraidhean Croise

2 KUMPI 4:29

Elisha in, Gehazi lakah, “Manlangin! ka thiangkhut hi la inna, a tai in, tai in hi. Lampi ah kuamah otpih pahsun. A otpih haw hei donleh pahsun hi. A innah hawh vingveng inna, a capa i humah ka thiangkhut hi nga in hi,” ti hi.

2 KUMPI 7:9

amuh le muh, “Hi ti bangin a bawl uhmi hi pha kha tukma hi. Thuthangpha nei hung a, eimu ca bekin tih tuk kha ma hi. Zinglam tian a ngak uh tale mawh pua tatak tuk hung. Tu loli in hawh nung inna, kumpi khutnuai bawite hilh nung,” tin tidun haw hi.

SAAM LABU 22:22

Na bawlmi hempoh hi ka hinnam tei lakah hilh tung; A khawpdunnak haw pen nang thangphat tung.

SAAM LABU 43:4

Maw Pathian aw, na biaklandawhah hawh tung. Lungdamnak le thatuinak na piak hangin ka Pathian aw, phaidaak tumthahin nangmah thangphatnak lasa tung.

SAAM LABU 48:14

“Hi Pathian cu kumkhua pen kumkhua tian, a Pathian uh hi. Kumkhua in amah in pui tuk hi.”

SAAM LABU 68:18

Topa cu muallekah kai hi. A ngalmatmi tampi hawhpih hi. Ngalthotu tei lak pen laksawng tampi ngah hi. Topa Pathian cu mahlai ah um tuk hi.

SAAM LABU 89:26

Aman, ‘Nang cu ka pa le ka Pathian hi ci; Belhnak suangpi le pantu hi ci,’ tituk hi.

ISAIAH 41:10

Imah lau pahsun, na lakah um ing. Keimah cu na Pathian ing hi, imah in lautik pahsuh hen. Nangmah bawm tung a, ngiltik tung; Hup tung a, pan tung hi.

JEREMIAH 31:33

Israel tuah thutepnak ka bawlleh tukmi cu hitih bangin hituk hi. Ka daan cu a sungmu ngil hawah koih tung a, a lungmu sungah ngan tung. Kei hi, a Pathian haw hi tung a, amuhte cu ka mihing hi haw tuk hi.

JEREMIAH 32:38

Amuhte cu ka mihing hi haw tuk a, kei cu a Pathian haw hi tung.

EZEKIEL 36:28

na pu le pa tei lak a, ka piakmi ngam sungah um tuk uh ci. Noh cu ka mihing hi tuk uh ci a, kei cu na Pathian uh hi tung.

EZEKIEL 37:27

Amuh tuah um tung a; keimah cu a Pathian haw hi tung, amuh vang ka mihing hi haw tuk hi.

MATTHAI 12:50

Kua hei hihen vancungah a ummi ka Pa i deihnak bang a bawltu hempoh cu ka u le nau, ka celnu le ka nute haw hi,” tin don hi.

MATTHAI 25:40

Kumpipa in, ‘Thungai in hilh ing; hi ka unaupih a nautabel humah na bawl uhmi hi keima humah a bawl hi uh ci,’ tin tituk hi.

MATTHAI 28:7

Manlangin hawh unna, a nungzuitu tei lakah, ‘Thihnak pen tholeh zo hi, nangmu masuan Galilee ah hawh tuk a, mahlai ah mu tuk uh ci!’ tin hilhta un. Ka hilhmi hi phawkngil pahsuh un,” ti hi.

MARKA 12:26

Mithi thawhlehnak thu ah Moses i laibu sung a, hampa kang thu khi sial awng ma uh cim? Mahlai pen Pathian in Moses lakah, ‘Keimah cu Abraham i Pathian, Isaak i Pathian, Jakob i Pathian ing,’ ti hi.

MARKA 16:19

Topa Jesuh cu amu lakah thu a hilh ceng ten vancungah lak tohin um a, Pathian taklamah khung hi.

LUKA 10:4

Na hawh uhten tangka bawm, tawngphu, kedamte hei keng pahsuh un. Lampi ah na hawh uhten mi otpih tuk hei in ding hih pahsuh un hi.

JOHAN 13:1

Atu-in Kaltan Puainak tuk ni khat bek sam toh hi. Leihum zamsanin, Pa i lakah a hawh lehnak tuk hun heng zo tih thei hi. Hi leihum a ummi a mihingte khi it lelengin, amuhte a dawltawpnak tian it hi.

JOHAN 13:3

Pa in huham cangkim zetin pia zo hi tih cu Jesuh in theicop leng hi. Pathian lak pen hungin, Pathian nelah hawhleh tung hi tihvang cu thei hi.

JOHAN 14:2

Ka pa i inn sungah umnak tampi um hi. Mahlai ah nangmu umnak tuk mun bawlham tukin hawh tung. Mahtin ahi ngawl ahin nohtei lakah hilh tuk mang hi.

JOHAN 14:28

“Hawh hih tung a, nohtei lakah hungleh tung hi,” tin ka hilhmi thu za zo uh ci. Keimah na it ngangai uh tale ka Pa i lakah ka hawh tuk hi lungdamzet tuk uh ci. Itahim titale amah cu keimah sangin ngeng saw hi.

JOHAN 14:6

Jesuh in, “Kei cu lampi, thutak le nunnak ing. Keimah tawn ngawlin kuamah in ka Pa i lakah heng thei haw tukma hi.

JOHAN 16:28

Ka Pa i lak pen a hungmi tatak ing a, leihumah hung ing. Atu-in hi leihum pen tulin ka Pa i lakah hawh tung,” ti hi.

JOHAN 17:11

Atu-in, na lakah hung tung a, kei cu leihumah umleh tukma toh naven amuhte cu leihumah um haw tuk laih hi. A thiangthomi ka Pa, nangmah le keimah pa khat a hih uh bangin leihumah a umlaih mite cu pa khat a hih theihnak tukin na piakmi na min i huham tuah humhimin hi.

JOHAN 17:25

A dikcangmi Pa aw! Leihum ten nangmah thei haw ma naven kei in nangmah thei ing a, nangma tiikmi ka hihlam cu thei bok haw hi.

JOHAN 17:5

Pa aw! Leipi bawl laihngawl khin nangmah tuah ka neimi sunloihnak khi atu-in, na mitmuhah pia in hi.

JOHAN 20:27

Mahten Thomas i lakah, “Hilai ah na khutzung tuah zenin, ka khut zo inna, na khut tuah ka naak hi zenin hi. Umthei ngawlin um toh pahsun; um tohin,” ti hi.

JOHAN 7:33

Jesuh in, “Dawmlaih sung cu nangmu lakah um hih tung a, mah nungten keimah tiiktu pa i lakah hawh tung hi.

ROM Khua Khristian Tei Lakah Paul i Laikuat (Paul’s Letter to the Romans) 8:29

Pathian in, a tensa mite cu a Capa bang tukin a dangno in koih hi; mahten unau tampi lakah a Capa cu pa khatnak a hihnak tukin hi.

2 KORIN 6:18

Kei cu nangmuh tei Pa hi tung a, nohte cu ka capa le ka canute hi tuk uh ci,” tin, Ihempoh tithei Topa in ti hi, tin ti hi.

GALATI 3:26

Upnak hangin na venghawng uhin Pathian i cate hi uh ci a, Khrih Jesuh tuah pehdun zo uh ci.

HEBRU 11:16

A muh tei ngaihsutmi le a ngaih haw mi cu ngam pha deuh saw mi van cung ngam khi hi.

HEBRU 8:10

Topa in: “A heng tukmi hunah Israel mite tuah hi bangin thutiamnak bawl tung hi. Ka daan cu a ngaihsutnak hum hawah koih tung a, a lungmu sung hawah ngan tung hi, keimah cu a Pathian haw hi tung a, amuh cu ka mite hi haw tuk hi.

1 PETER 1:3

Topa Jesuh Khrih i pa le a Pathian cu thangphat nung. A hehpihnak hangin Jesuh Khrih cu thihnak pen tholehtik a, nunnak thak pia zo hi. Mah hangin ohte cu a nungmi muansannak tuah dimin,

1 JOHAN 3:2

Ka ihmite aw, atu-in Pathian cate hi zo hung hi; mahnaven iti bang tuk laih kam hung tih cu ciang ma laih hi. Khrih a hunsuk ten amah bang tuk hung hi tih cu thei hung hi. Itahim titale ama hihnak bang loli in mu tuk hung hi.

MANGMUHNAK 21:3

Kumpi khunnak pen aw ngingzet ka zakmi in, “Pathian umnak inn cu mihing lakah hi zo! Amah cu amu lakah um tuk a, amuhte cu ama mihing hi haw tuk hi. Pathian amah loli cu amu lakah um tuk a, a Pathian haw hi tuk hi.

MANGMUHNAK 21:7

Nehtu hempoh ten hihi co haw tuk hi. A Pathian haw hi tung a, amuhte cu ka casuante hi haw tuk hi.