JOHAN 2:4 - Ngawm Bible

⁴ Jesuh in, “Ka bawl tukmi imah hilh hih pahsun; ka hunkim ma laih,” ti hi.

JOHAN 2:4 Iomraidhean Croise

2 Samuel 16:10

Kumpipa in Abishai le a u Joab lakah, “Hite cu noh tuah sengdun kha ma hi. Pathian in, a hilh hangin a tamsia tale, Ita tamsia kam, tin akua him a tithei tuk?” tin ti hi.

2 Samuel 19:22

Mahnaven David in Abishai le a u Joab lakah, “Akua in, na ngaihsutnak dong kaw? Ka ca in buainak piatu in suak tum uh cim? Atu-in Israel kumpi cu keimah ing hi, tuni in Israel mi pa khat hei thah hi haw tukma,” ti hi.

1 KUMPI 17:18

A nu in Elijah lakah, “Pathian i mihing pa, ita ka humah hi tibang cu hengtik cim? Ka sualnakte Pathian theitikin, ka capa thitik tukin maw hilai ah na hun?” tin ti hi.

THUHILHTU 3:1

Ihempohin hun nei haw a, Leihum na hempoh ca in, hun khawthu um hi.

MATTHAI 15:28

Jesuh in, “Nang cu a nase zetmi upnak neitu numei ci. Na deihmi cu bawlsak hi tuk ci,” ti hi. Mahlai takin, a canu cu dam hi.

MATTHAI 8:29

Thakhat au haw in, “Pathian Capa, kohtei lakah i bawl tuk nge cim? A hunkim laih ngawlin keimuh bawlsia tukin maw na hun,” tin ti haw hi.

LUKA 2:49

Jesuh in, “Ita zei li uh cim? Ka pa i innah um ing tih thei ma uh cim?” tin don hi.

JOHAN 12:23

Jesuh in, “Mihing Capa cu minthannak ngengpi a ngahnak tuk hun heng zo hi.

JOHAN 13:1

Atu-in Kaltan Puainak tuk ni khat bek sam toh hi. Leihum zamsanin, Pa i lakah a hawh lehnak tuk hun heng zo tih thei hi. Hi leihum a ummi a mihingte khi it lelengin, amuhte a dawltawpnak tian it hi.

JOHAN 2:3

A sabittui haw a bo ten a nu in, Jesuh lakah, “Sabit tui neileh haw ma toh,” tin hilh hi.

JOHAN 20:13

Vanmi ten, “Ita kap li cim?” tin Mary cu dong hi. “Ka Topa akua nantim a latu, i lai ah koih haw nantim tih thei mang,” tin a kapthahin don hi.

JOHAN 20:15

Jesuh in, “Numei nu, ita kap li cim? Akua kaw na zei?” tin dong hi. Mahtin a otpihtu cu huan cingtubel tuk tin ngaisungin Mary in, “Sazapa, nangmah in, na la ahi tale na koihnak cu hilh poh inna, hawhin la tung,” ti hi.

JOHAN 7:30

Mahten amah cu man nuam haw naven kuamah in, a humah khut ha thei haw ma hi. Itahim titale a huncan kim ma laih hi.

JOHAN 7:6

Jesuh in, “Ka hun heng ma laih hi. Nohte cu man hilhial leleng uh ci.

JOHAN 7:8

Puainakah hawhta un hi. Kei cu hawh tuk mang. Ka huncan kim ma laih,” tin ti in,

JOHAN 8:20

Jesuh i thuhilhnak mun cu, Biakinn sung a, sumpi koihnak mun hi a, ama huncan a kim laih ngawl hangin kuamah in man haw ma hi.

2 KORIN 5:16

Atu-in mihing hihnak zo in kuamah in thuson lehma toh hung hi. Hun kha khatah Khrih cu mihing hihnak zo in, a thu son nave ung, atu-in sonleh ma toh ung hi.

DAAN PIAKLEHNAK 33:9

Nangmah saw belhnak mang haw, a nu le pa tei lakah: imah simsial ma ung ti haw hi. A u le nau thupi sa haw ngawlin, Amu cano hei thei nuam haw ma. Mahnaven na thu cu zui haw in, Na thutiam cu phazetno in cingkhawi haw hi.