JOHAN 2:24 - Ngawm Bible

²⁴ Mahnaven, Jesuh in, a muhte cu muang ma hi, itahim titale mihing cu iti bang haw him tih a theih khawng hangin hi.

JOHAN 2:24 Iomraidhean Croise

1 KUMPI 8:39

a thungetnak cu hu ngai zalin hi. Na umnak vancung pen ngai inna, a sualnak cu ngaidamin, hu bawm zalin hi. Nangmah bekin mi hempoh tei lungmu cu thei ci. Mi pa khat hum tenah amu umdan bang tekin bawl inna,

1 KHANGSIALNAK 28:9

Mahten nang, “Ka capa Solomon, na pai Pathian cu kihca inna, lungmu khenkhek ngawlin le a thuzui nuamnak lungmu tuah a na cu dek zalin hi. Amah a ngaihsutnak uh le a lungmu uh cu a venghawngin thei khawng hi. A lakah na hawh tale amah in pom tuk hi; mahnaven na nunghek tale kumkhua in nang cu zamsan tuk hi.

1 KHANGSIALNAK 29:17

Mitei lungmute khingkhai in, lungmu tuang neitu humah na lungdam hi, tih thei ing. Lungmu tuangzet le lungmu tak tuah hi na hempoh pia ing hi, hilai ah a hung mite vangin lungdam thatuino in, na lakah pia haw hi, tih mu zo ing.

JEREMIAH 17:9

Mihing tei lungmu cu akua kaw a thei zo tuk? Thildang sangin mizol mangbel hi; Damtik tukin haksa zetin, a natnak na sia leita.

MATTHAI 9:4

Mahtin a ngaihsut haw cu Jesuh in thei in, “Itakaw hitih bang thilpha ngawl na ngaihsut lih uh?

MARKA 2:8

Jesuh in, a ngaihsutnak haw thei paihin, “Nohte ita hi tih bangin thu ngaisung uh nge cim?

JOHAN 1:42

Mahten Simon cu Jesuh lakah hawhpih hi. Jesuh in amah cu zo in, “Na min cu Johan capa Simon hi ci; mahnaven Sefas tin sam hi tuk toh ci,” ti hi. Sefas tih cu Peter tih tuah bangve in, a sullam cu ‘suangpi’ tihnak hi.

JOHAN 16:30

Nangmah in ihempoh thei khawng ci, kuamah i dotlih na kul ngawllam cu atu-in theiciang ung hi. Hi thu in nangmah cu Pathian lak pen a hungtu pa na hihlam um khotik hi,” tin ti haw hi.

JOHAN 21:17

Jesuh in, “Johan capa Simon, keimah it cim?” tin, a vei thumnak dong lehleu hi. Mahti bangin vei thum tian Jesuh in, “Keimah it cim?” tin, a dot hangin Peter cu a thasia in Jesuh i lakah, “Topa nangin ihempoh thei khawng ci. It ing hi tihvang cu thei khawng poh sisi,” ti hi. Jesuh in, “Ka tuute cingkhawi in hi.

JOHAN 4:16

Jesuh in, “Na pasal sam inna, hung lehin,” ti hi.

JOHAN 5:42

Mahnaven iti bang uh cim tih thei ing a, na lungmu sung uhah Pathian na ihnak uh umviang ma hi.

JOHAN 6:15

Mi honpi ten Jesuh cu a nuam vang nuam ngawl vangin kumpi bawi dektik nuam haw hi. Mahnaven hi bangin a lungtup haw mi cu Jesuh in, a theih ten amah nguakcangin mualhumah hawhleh hi.

JOHAN 6:64

Mahnaven mi khenkhat ten umma uh ci,” tin Jesuh in ti hi. Jesuh in, a pattung himpo in amah umngawltu um haw tuk a, akua in kei zuak tuk him tih thei ham leng hi.

NUNGZUITU 1:24

Mahten thungen haw in, “Topa, nangin mitei lungmu sung thei khawng ci; hi pa nih tei lak pen akua saw teng cim tih langtikin hi;

NUNGZUITU 15:8

Mahten mi hempoh tei ngaihsutnak a thei khawngtu Pathian in Gentail mite vangin a uptheih hawnak tukin eimu lak a Hawvang Thiangtho a piak bang bokin amu lakah vangin Hawvang Thiangtho a piaknak pen langtik bok hi.

DAAN PIAKLEHNAK 31:21

natsia a phunkim a hum hawah heng tuk hi. Hi la cu amuh ka panpih ngawlnak langtiktu in suak tuk hi; itahim titale a casuante vangin a sak leleng haw tukmi la hi. Tu hei in ka tepsa mi ngam a hen haw laih ngawl hei in, a lungmu haw cu ilai lam hek him tih cu thei zo ing.”

HEBRU 4:13

Pathian lak pen sel theihmi imah umma hi, Pathian i semsuahmi na hempoh cu ama mai pen hon khawngmi le phalhlet zingzengmi bangin lang haw hi. Ni kha khat ten a venghawng uhin ama mai ah phuangleh khawng pilpial tuk laih hung hi.

MANGMUHNAK 2:23

Amah zuitute vang that khawng tung a, mahten pawlpi hempoh ten mihing tei ngaihsutnak hempoh le deihnakte thei khawngtu ka hihlam thei haw tuk hi. Akua abang vang na bawlnak uh bangkekin pia kikleh tung hi.

1 SAMUEL 16:7

Mahnaven Topa in, a lakah, “Mi dingsau le mipiangzet ahi vangin zo nuam pahsun. Amah cu ka vawk zo mi hi, itahim titale mihing tei zohdanin zo mang. Mihing ten a pualam zo uh ci, kei in, a lungmu haw zo ing.”