JOHAN 19:17 - Ngawm Bible

¹⁷ Jesuh cu a thinglamteh pua thahin tulpih haw a, “Lu-nguh mun,” a tih haw mi Hebru awnin, “Golgotha,” ah hawhpih haw hi.

JOHAN 19:17 Iomraidhean Croise

PIANPATNAK 22:6

Abraham in, biakpiaknak tuk thingkang cu a capa puatik hi; meisah le naam keng thahin, a paca haw in hawh haw hi.

1 KUMPI 21:13

Mi suaksual pa nih ten mipi tei mai ah, “Hi pa hi Pathian le kumpi tamsetu hi,” tin sualnawn haw hi. Mahceng ten Naboth cu khuahialah hawhpihin, suang tuah sep hum haw hi.

THIAMPI NADEHNAK 24:14

“Hi pa hi na ngiahnak uh pen pualamah tulpih un. Pathian a tamsiat laih a theitu hempohin, a khial hihim hi tih langtiknakin, hi pa i lu humah a khut haw suang ten haw hen; mahten Israel mi venghawngin suang tuah sep hum haw hen hi.

MATTHAI 10:38

Kua hei hihen ama thinglamteh pua in, ka nung a zui ngawltu cu ka mihing hi tukin tak ma hi.

MATTHAI 16:24

Jesuh in, a nungzuitu tei lakah, “Kua hei hihen keimah a zui nuamtu cu ama deihnak zamin, ama haksatnak thinglamteh pua in zui hen.

MATTHAI 27:37

Sual a notnak haw nganin, a lu humah tak haw hi. “Hi pa hi Judah Kumpi Jesuh hi,” tin ngan haw hi.

MARKA 10:21

Mahmi pa cu Jesuh in itnak tuah zo cangcianin, “Thil pa khat sam laih ci. Hawhin, na neihmi hempoh zuak inna, na ngahmi cu mi ca-ngahte pia in hi. Mahti bangin na bawl tale vancungah mihau pa hi tuk ci, mahceng ten keimah zui in,” ti hi.

MARKA 15:26

A sual notnak haw lai cu, “Judah Kumpipa,” tihmi hi.

MARKA 15:32

Israel Kumpipa Khrih cu thinglamteh hum pen atu loli in, a tolhsuk mu le hung mahten sang tuk hung hi, tin pa khat le pa khat tidun li haw hi. Thinglamteh humah thahcih bokmi pa nih ten zawnsak bok haw hi.

MARKA 8:34

Jesuh in mi honpi le a nungzuitute samin, “Mihing pa khat pawpohin ka nung a zui nuam tale, ama deihnak zamsanin, ama haksatnak thinglamteh pua in zui hen.

LUKA 14:27

Akua hei hihen, ama thinglamteh pua in, ka nung a zui ngawltu cu ka nungzuitu hi thei kha tukma,” ti hi.

LUKA 23:26

Jesuh cu hawhpih pepel haw in, lampi ah Sairin mi Simon, amu khua lam pen Jerusalem lam hawh li tawk haw hi. Mahpa cu manin, thinglamteh puatikin Jesuh nung pen zuitik haw hi.

LUKA 23:33

“Lu nguh,” tihmi mun a hen haw ten thinglamteh humah Jesuh khencih haw hi. Misual pa nih vang khencih bok haw a, misual pa khat cu a vei lamah, pa khat cu a taklamah tak haw hi.

LUKA 23:38

A lu humah “Hi pa hi Judah kumpipa hi,” tin ngatmi lai khi tak cih haw hi.

LUKA 9:23

A venghawng haw i lakah, “Akua nabang hei hihen kei a zui nuamtu ten kei ing tihnak khi zamsanin, a nisialin ama haksatnak thinglamteh pua in zui haw tahen.

JOHAN 19:13

Mah awnkam cu Pilat in, a zak ten Jesuh cu pualamah tulpihin, “Suangphah inntual,” tihmi thukhentu i khunnakah khung hi. Mahlai mun cu Hebru awnin “Gabbatha” ti haw hi.

JOHAN 5:2

Jerusalem khua ah Tuu Kongka tihmi um a, mah Kongka elah tuiting pa khat um hi. Mah tuiting mawkah deubuk pa nga zakmi na um a, mah tuiting cu Hebru awnin Bethzatha tin ti haw hi.

NUNGZUITU 7:58

Khuapi sung pen kai tulin suang tuah sep haw. A septu ten, a van cu Saul a tih haw mi tangval pa kemtik haw hi.