JOHAN 18:36 - Ngawm Bible

³⁶ Jesuh in, “Ka uknak ngam cu hi leihumah kha ma hi, hi leihumah ahi bang ahin, Judah thuneitu tei khutsungah heng tuk ngawlin ka nungzuitu ten do haw tuk hi. Ka uknak ngam cu hi leihumah kha ma,” ti hi.

JOHAN 18:36 Iomraidhean Croise

DANIEL 2:44

Mah ngamuktu bawi ten ngam a uk haw ten vancung a Pathian in, a bo awng ngawlmi uknak umtik tuk hi. Kuamah in mah uknak cu neh haw tukma hi; mahnaven uknak dang hempoh cu siatsuah khawng tuk a, kumkhua in kho tatuk hi.

DANIEL 7:14

miphun, hinnam le awn hempoh tuah a awnmi ten ama nadeh theihnak tukin a lakah thuneihnak, minthannak, upatnak le kumpi huham hempoh cu piakin um hi. A thuneihnak cu kumkhua kho in, a uknak cu bo awng tukma hi.

ZEKHARIAH 9:9

Lungdam un, Zion mite, na lung uh dam un! Jerusalem mite aw, lungdamin au leilui un! Na kumpipa uh a hun laihin, zo un! Ngalnehtu a hih uh hangin nehnak tuah hung hi, mahnaven mi niamkhiatnak tuah laak dawnno, laak cano hum khungin hung hi.

MATTHAI 26:53

Ka Pa i lakah bopnak ka ngen tale thakhatin vancungmi ngalkap hon sawm le hon nih hah thei tih thei ma uh cim?

LUKA 12:14

Jesuh in, “Unau pa aw, noh laklawh a thukhentu tukin le na lo le lam semsaktu tukin akua in ka humah thupia him?” tin don hi.

JOHAN 18:35

Pilat in, “Keima hi Judah mi hi tin maw na ngaihsut? Keima lakah a hentu hi na miphun le thiampi upate haw pah cuh! Na bawlmi thil cu ikaw?” tin dong hi.

JOHAN 6:15

Mi honpi ten Jesuh cu a nuam vang nuam ngawl vangin kumpi bawi dektik nuam haw hi. Mahnaven hi bangin a lungtup haw mi cu Jesuh in, a theih ten amah nguakcangin mualhumah hawhleh hi.

JOHAN 8:15

Noh ten mihingdan zui in thukhen uh ci. Kei in kuamah i humah thukhen mang hi.

ROM Khua Khristian Tei Lakah Paul i Laikuat (Paul’s Letter to the Romans) 14:17

Itahim titale Pathian Uknak cu ei le in hi saw ngawlin; Hawvang Thiangtho i piakmi dikcangnak, lemdaihnak le lungdamnakte hi saw hi.

1 TIMOTE 6:13

Ihempoh i nunnak a piatu Pathian le Pontius Pilat mai a, upnak ciang zetin a phuang theitu Khrih i mai ah thupia ing.