JOHAN 18:32 - Ngawm Bible

³² Jesuh in iti bang thihnak nantim ka thuak tuk tin, a sonsami awnkam a kimnak tukin hitih bangin a piannak na hi, hi.

JOHAN 18:32 Iomraidhean Croise

SAAM LABU 22:16

Uicote cu ka elah um haw hi. Mipha ngawl ten kei kilcih haw in, ka khut le ka kete sun let khawng haw hi.

MATTHAI 20:19

Mahnung ten Gentail tei khutah hengtik haw tuk hi. Gentail ten zawnsak haw tuk a, vaatin, thinglamteh humah khen haw tuk naven ni thum nungten tholeh tuk hi,” ti hi.

MATTHAI 26:2

“Na theih uh bangin tunung ni nih ten Kaltan Puai hi tuk a, Mihing Capa cu thinglamteh humah khet cih tukin piak hi tuk hi,” tin ti hi.

MARKA 10:33

Amah in, “Ngai hem un! Jerusalem khua ah heng tuk hung a, mahlai ah Mihing Capa cu thiampi upate le Daan zilhtu tei khutah piak hi tuk hi. Amuh ten that tukin thusoncat haw tuk a, mah nungten Gentail tei khutah hen hi tuk hi.

JOHAN 10:31

Mipi ten Jesuh sehnak tukin suang khul leleu haw hi.

JOHAN 10:33

Amuh ten, “Suang tuah ka seh nuamnakbel uh cu thilpha na bawl hangin hi kha ma hi. Pathian na siatson hangin hi. Nang cu mihing thawthong poh nave cin, nangmah le mah Pathian bangin sondun cop ci!” tin don haw hi.

JOHAN 13:18

“Nohtei thuson li kha mang hi. Ka tensami cu thei ing. ‘Ka an a eitu cu ka ngalin, na cangta hi tin, Lai Thiangtho sung thu a kim tukin sam hi.’

JOHAN 18:31

Pilat in amu lakah, “Mahti bang ahi tale pui unna, nangmudan bangin a thu na khen un,” ti hi. Amuh ten, “Kohten mithah theihnak thunei ma ung hi,” tin don haw hi.

JOHAN 21:19

Hiti bangin a tih ten Peter in itih bang thuak tuk a, iti bangin Pathian nelah sunloihnak pia tuk him tih khi Jesuh i theihtiknak hi. Jesuh in, “Ka nungzui in,” ti hi.

JOHAN 3:14

“Moses in phillawn pen ngolh humah daal ngul a khai bangin Mihing Capa vang khai hi bok tuk hi;

JOHAN 8:28

Mah hangin Jesuh in amuh tei lakah, “Mihing Capa na khaitoh uhten ‘Keimah cu Keimah ing hi’ tih thei tuk uh ci. Keima thuneihnak tuah imah bawl mang, Pa i hilhnak bangin thuson ka hihlam thei tuk uh ci.

NUNGZUITU 7:59

Suang tuah a seh lih haw laihin, Stefen in, Topa samin, “Topa, Jesuh, ka Hawvang la zazalin hi!” tin au hi.

GALATI 3:13

Mahnaven Khrih cu eimu ca in tamsiatmi a hih hangin Daan i henpihmi tamsiatnak pia in, tanleh zo hi. Itahim titale Lai Thiangtho in, “A kuakua hei hihen thing hum a takmi cu Pathian i tamsiatnak cotu hi,” ti hi.

DAAN PIAKLEHNAK 21:23

mahlaiah zan tianin umtik tuk kha ma hi. Mah sunin vui tuk uh ci, itahim titale thinghum a miluang khai cu Pathian tamsiat tawkmi hi. Topa na Pathian uh i a piak tukmi ngam na nawngkaitik ngawlnak tukin miluang cu vui un hi.