JOHAN 18:11 - Ngawm Bible

¹¹ Jesuh in Peter i lakah, “Na ngalnam cu a kawng sungah thiat lehin hi; ka Pa i piakmi khuat cu a intuk ngawlin maw na ngaihsut?” tin ti hi.

JOHAN 18:11 Iomraidhean Croise

2 Samuel 16:10

Kumpipa in Abishai le a u Joab lakah, “Hite cu noh tuah sengdun kha ma hi. Pathian in, a hilh hangin a tamsia tale, Ita tamsia kam, tin akua him a tithei tuk?” tin ti hi.

SAAM LABU 75:8

Topa in, a khut sungah hai cawi hi, Mah hai cu a thinuknak sabittui tuah dim hi. Leih sukin, mipha ngawl hempoh ten in haw; Nungdawlbel a tangmi cak khat tian in haw hi.

EZEKIEL 23:31

Na unu i thu na zui hangin dantatnak khuathai na in tukin pia bok tung,” ti hi.

MATTHAI 20:22

Jesuh in, “Na nget uhmi hi i ngen kam ung tih thei ma uh ci. Ka in tukmi thuaknak khuathai hi in thei ni uh cim?” tin dong hi. A capa pa nih ten, “In thei tuk ung,” tin don haw hi.

MATTHAI 26:39

A khawla deuhah hawh a, lei ah bokin, “Ka pa a cangthei tuk bang ahi tale hi thuaknak khuathai pen luattikin hi! Mahnaven keima deihnak bang hi ngawlin, nangma deihnak bangin hi saw tahen,” tin thungen hi.

MATTHAI 26:42

Jesuh cu thungen hawh lehleu hi. “Ka pa hi thuaknak khuat pen luat theih ngawlin ka in, a kul tale nangma deihnak bangin hi tahen,” ti hi.

LUKA 12:30

Itahim titale Pathian thu zui ngawl tei ngaihsut lelengmi thu hi. Na pa uhin, na kul uh mite cu thei hi.

LUKA 22:42

“Pa aw na lung a kim tale thuaknak khuat hi khinsak zalin hi. Mahnaven keima deihnak bang hi ngawlin nangma deihnak bang hi tahen,” ti hi.

JOHAN 15:10

Ka Pa i thupiakte khi, zui in, ama itnak sungah ka um bangbok khin ka thukhamte na ngai uh tale ka itnak sungah umbok tuk uh ci.

JOHAN 17:24

Pa aw! Nangma piakmi ka sunloihnak hi amuh theihnak haw tukin nangmah in, amuhte cu ka khut sungah pia zo ci. Keima umnakah umbok tukin deih ing hi; itahim titale leipi a pian laihngawlin it zo ci.

JOHAN 18:36

Jesuh in, “Ka uknak ngam cu hi leihumah kha ma hi, hi leihumah ahi bang ahin, Judah thuneitu tei khutsungah heng tuk ngawlin ka nungzuitu ten do haw tuk hi. Ka uknak ngam cu hi leihumah kha ma,” ti hi.

JOHAN 20:17

Jesuh in Mary lakah, “Keimah zen hih pahsun! Itahim titale pa i lakah heng ma laih ing. Mahnaven ka unau tei lakah hilhta inna, a Pa haw ahi bokmi ka Pa, a Pathian haw ahi bokmi ka Pathian nelah hawh tung hi, tin hilhin,” ti hi.

2 KORIN 10:4

Ngaldonakin, a man uhmi cu leihum ngal hiamnam hi haw ma hi; a ngil zetmi Pathian i hiamnam hi saw a, ngalkhamnak kulhtian khohkhahzette siatsuahnakin, a man uhmi hiamnamte hi haw hi. Aman ngawlmi thu eldunnak cu siatsuah khawng hung hi.

2 KORIN 6:7

thutak ka phuan uhmi le Pathian huham a langmi in Pathian i nadektu ka hihnak uh langtik bok ung hi. Diknak cu ka ngal uhte nawtvawknakin le keimuh hupdunnakin ka man uhmi hiamnam hi.

HEBRU 12:2

A upnak uh a patnak pen a tawpnak tian a sihsan uhmi Jesuh khi tawp ngawlin zo leng poh nung. Mailam ten a co tuk uhmi lungdamnak khi a tuptahmi a hih hangin thinglamteh hum a, zahcaknak tuah thih tuk hei poi sa ngawl thuakin, atu-in Pathian khunnak taklamah khung hi.