JOHAN 17:8 - Ngawm Bible

⁸ Na piakmi na thu cu hilh ing a, amuh ten pom zo haw toh hi. Nangma lak pen a hungmi ing hi, tih thuman hei cu thei haw in, na tiikmi tih hei khi um haw hi.

JOHAN 17:8 Iomraidhean Croise

THUPAUCAP 1:23

Nun ka hilh laihin phano in ngai in, Ngaihsutnak pha pia tung a ka cihnak cu sem bok tung hi.

THUPAUCAP 1:3

Mah thupaucapin nundan thiamnak le diknak, cipzet le zazut zetin nun thiamnak hilh tuk hi.

THUPAUCAP 2:1

Ka capa, ka hilhmi thu hi cungin, deh tuk ka hilhmi thute na lungmu sungah vongin hi.

THUPAUCAP 4:10

Ka capa, ka hilh mi thu hi thupi zetin vong inna, na khansau tuk hi.

THUPAUCAP 8:10

Tangka sangin ngaihsutnak ka piakmi hi teng saw in, sui phabel sangin cihthiamnak teng saw in hi.

MATTHAI 13:11

Jesuh in amu lakah, “Vancung ngam thukuh theih theihnak cu nangmu lakah piak hi zo naven mipi tei lakah piak hi kha ma hi.

JOHAN 12:49

Hi thu hi thuman hi. Itahim titale keima thu in hilh mang hi. Keimah tiiktu pa i thupiaknak bangin hilh ing.

JOHAN 14:10

Kei cu ka Pa i sungah um ing a, ka Pa vang cu keima sungah umbok hi tih khi umma cim maw, Filip? Nohte ka hilhmi thu cu keima sung pen a tulmi kha ma hi, ka sung a ummi ka Pa i nadehnak hi.

JOHAN 15:15

Nohte cu sila tih hei in, samleh tukma toh ing. Itahim titale sila ten a bawipa i bawlmi thei kha awng haw ma hi. ‘Sila,’ ti ngawltohin, ngualcam, tin sam ing: itahim titale ka Pa i lak pen ka zakmi hempoh hilh khawng zo ing hi.

JOHAN 16:27

Itahim titale ka Pa amah hihimin nohte it hi. Noh ten keimah it in, keimah hi Pathian lak pen a hungmi hi tih na um uh hangin nohte it hi.

JOHAN 16:30

Nangmah in ihempoh thei khawng ci, kuamah i dotlih na kul ngawllam cu atu-in theiciang ung hi. Hi thu in nangmah cu Pathian lak pen a hungtu pa na hihlam um khotik hi,” tin ti haw hi.

JOHAN 17:14

Keimah cu hi leihum ita ka hih ngawl bang bokin, amuhte vang hi leihum ita hi bok haw ma hi, mah hangin na thu cu amuh tei lakah ka hilh ten leihum miten a huatnak cu na hi.

JOHAN 17:18

Hi leihumah na tiiksuk bangin amuhte vang tiik bok ing.

JOHAN 17:21

A venghawng haw in, pa khat a hih theihnak tukin ngen ing. Pa aw, nangmah cu keima sungah um ci a, kei vang nangma sungah ka um bang bokin amuh vang cu eimu sungah umbok haw hen. Nangmah in kei na tiik cu hi leihumin, a san theihnak haw tukin amuhte cu pumkhatin cang zal haw hen.

JOHAN 17:23

Leihumin nangma tiikmi ing tih a theihnak haw tukin le keimah na ih bangin amuh vang na ihlam a theih theihnak haw tukin, kei cu amu sungah umin, nang cu keima sungah um ci.

JOHAN 17:3

Mah kumkhua nunnak tihmi cu Pathian nangmah theih le na tiikmi Jesuh Khrih theih na hi.

JOHAN 3:17

Itahim titale Pathian in, a Capa a tiik ten leihum thukhentu tukin tiik ma hi. Leihum Nunpantu tukin tiik hi.

JOHAN 3:33

Mahnaven kua hei in, a thuhilhmi a pomtu cu mahti bangin a pom hangin Pathian cu dik hi tih khohtik hi.

JOHAN 6:68

Simon Peter in, “Topa a koi lakah kaw ka hawh cuang tuk uh? Nang cu kumkhua nunnak thuneitu hi toh sisi?

JOHAN 8:42

Jesuh in, “Pathian cu na pa ngangai uh ahi tale keimah it tuk uh ci. Itahim titale kei cu Pathian lak pen hungin, atu-in hilai ah um ing. Keima thu in hung cawm mang hi. Keimah tiiktu pa i thu tuah hung ing.

1 KORIN 11:23

Itahim titale nohte ka zilh sa lawnmi thuzilhnak hi Topa i lak pen ka ngahmi hi. Topa Jesuh in, a zuak tuk haw zanin cangho cu la in,

1 KORIN 15:1

U le naute aw, nohtei lakah ka phuanmi Thuthangpha khi tu in theilehtik nuam ing. Mah Thuthangpha cu na pom sa uhmi le na upnak uh kho zetin, a dinnak mun hi.

DAAN PIAKLEHNAK 18:18

Amuh lak pen nangmah bang profet cu a ot haw tukmi hilh tung a, ka thupiakmi hempoh mipi lakah hilh khawng haw tuk hi.

1 THESALON 2:13

Mahten Pathian nelah lungdamnak ka piak nuam uhmi thudang umlaih hi. Pathian i thu nangmu lakah ka henpih uhten mihing thu hi ngawlin Pathian i thu hi tih cu thei uh ci; mahtin na theih uhmi cu Pathian i thu tatak hi a, pom ngah zo uh ci. Itahim titale a sangtu nangmu sungah Pathian in nadek hi.

1 THESALON 4:1

A dawlbelin, ka u le ka naute aw, Pathian i deihdanin, na nun theihnak tuk uhin, itin nuntuk tih cu keimu lak pen cung zo toh uh ci. Mahtin na nun sesem theihnak tuk uhin, Topa Jesuh i minin sosuah ung hi.

1 JOHAN 4:14

Pa in, a Capa cu leihum nunpantu tukin hah hi, tihmi amutu le a hilhtu cu eimuhte hung hi.

MANGMUHNAK 1:1

Hi thu hi Jesuh Khrih i phuanmi hi: A hengpal tukmi nate, a sila tei lakah langtik tukin Pathian in, a lakah a phuanmi hi. Mahmi cu Khrih in, a vancungmi pa khat hahin, a sila Johan lakah a theihtikmi hi.