JOHAN 17:3 - Ngawm Bible

³ Mah kumkhua nunnak tihmi cu Pathian nangmah theih le na tiikmi Jesuh Khrih theih na hi.

JOHAN 17:3 Iomraidhean Croise

1 KHANGSIALNAK 28:9

Mahten nang, “Ka capa Solomon, na pai Pathian cu kihca inna, lungmu khenkhek ngawlin le a thuzui nuamnak lungmu tuah a na cu dek zalin hi. Amah a ngaihsutnak uh le a lungmu uh cu a venghawngin thei khawng hi. A lakah na hawh tale amah in pom tuk hi; mahnaven na nunghek tale kumkhua in nang cu zamsan tuk hi.

2 KHANGSIALNAK 15:3

Israel mite cu hun ngeipi sung Pathian tatak nei ngawl, zilhtu thiampi nei ngawl le daan nei ngawlin um haw hi.

SAAM LABU 9:10

Topa aw, nangmah a theitu ten nang cu muang haw tuk hi. Itahim titale na lak a hung mite cu, Nunghek awng ma ci,

THUPAUCAP 8:35

Keimah a mutu cu nunnak co haw tuk a, amu humah Topa a lungdam tuk hi.

ISAIAH 48:16

Nek unna, ka hilhmi thu hi ngai hem un! A pattungin nangmuh tei nelah, imah im ngawlin hilh ing. Ka hilhmi thu cu kim leleng,” ti hi. (Atu-in Cungnungbel Topa in huham pia in hah hi.)

ISAIAH 53:11

Haksatnak a thuak nungten lungdamnak tawk tuk; A thuaknak cu a thawnthong ma hi tih cu thei tuk hi. Amah cu a dik, a manmi keima nadektu a hih hangin ka lungdam ing. Mi tampi tei ca in dantatnak thuak tuk a, amuhte cu a sualnak haw ngaidam tung.

ISAIAH 61:1

Topa i hawvang cu ka lakah umin, a ngilnak tuah dimtik hi. Topa in keimah tengin, mi ca-ngah tei lakah thuthang pha hilh tukin, lungmu tamzante damtik tukin, ngalmatmi tei lakah luatnak thuthantu tukin, thawngta mitei lakah luatnak thu hilhtu tukin hah zo hi.

JEREMIAH 10:10

Mahnaven Topa, nang cu a dikmi Pathian hi ci. A nungmi Pathian hi ci. Kumkhua in kumpipa hei hi ci. Na thin a uk ten lei buppi hi hing khawng. Na thinuknak cu miphun ten thuak thei haw ma.

HOSEA 6:3

Topa cu thei tukin zuam nung. Amah cu oh tei nelah zinglam sial ten khuavak bangin hung tuk a, lei kawttiktu khuapi nguah bangin pelh ngawlin hung tuk ti haw hi.

MARKA 9:37

“Keima min hangin hitih bang naupangnote a cosang hempoh ten keimah vang cosang hi bok haw tuk hi. Keimah cosang hempoh ten keimah a tiiktu pa vang cosang haw tuk,” ti hi.

LUKA 9:48

mahten amuh tei lakah, “Keima minin hi naupang tun inn a hontu cu keimah tun inn hontu hi. Keimah tun inn a hontu cu keimahtiktu tun inn a hontu hi. Itahim titale nangmu sung pen mi nautabel khi a ngengbelmi hi,” ti hi.

JOHAN 10:36

Kei cu ka Pa i tenmi le leihumah a tiiksukmi ing. Mahti bang a hih hangin Pathian Capa ing hi, ka tih ten Pathian zawnsak ci, tin na tih theih uh?

JOHAN 11:42

Ka thu na ngaih leleng cu thei ing. Mahnaven hilai a um mipi ten nangma tiikmi ka hihnak a up theihnak haw tukin hi bangin ka otnak cu na hi.

JOHAN 14:26

Mahnaven Ka Pa in keima minin, a tiik tukmi Bawmtu, Hawvang Thiangtho in, nohte cu ihempoh hilh tuk hi. Nangmuh ka hilhmi thu hempoh cinglengtik tuk hi.

JOHAN 17:18

Hi leihumah na tiiksuk bangin amuhte vang tiik bok ing.

JOHAN 17:21

A venghawng haw in, pa khat a hih theihnak tukin ngen ing. Pa aw, nangmah cu keima sungah um ci a, kei vang nangma sungah ka um bang bokin amuh vang cu eimu sungah umbok haw hen. Nangmah in kei na tiik cu hi leihumin, a san theihnak haw tukin amuhte cu pumkhatin cang zal haw hen.

JOHAN 17:23

Leihumin nangma tiikmi ing tih a theihnak haw tukin le keimah na ih bangin amuh vang na ihlam a theih theihnak haw tukin, kei cu amu sungah umin, nang cu keima sungah um ci.

JOHAN 17:25

A dikcangmi Pa aw! Leihum ten nangmah thei haw ma naven kei in nangmah thei ing a, nangma tiikmi ka hihlam cu thei bok haw hi.

JOHAN 17:8

Na piakmi na thu cu hilh ing a, amuh ten pom zo haw toh hi. Nangma lak pen a hungmi ing hi, tih thuman hei cu thei haw in, na tiikmi tih hei khi um haw hi.

JOHAN 3:17

Itahim titale Pathian in, a Capa a tiik ten leihum thukhentu tukin tiik ma hi. Leihum Nunpantu tukin tiik hi.

JOHAN 3:34

Pathian i tiikmi cu Pathian in, a Hawvang cangkimnak a piak hangin Pathian i thu cu phuang hi.

JOHAN 5:44

Pa khat le pa khat lak pen pahcoih tuk cu nuamzet uh ci. Mahnaven amah bek Pathian ummi lak pen pahcoihnak tuk hei tum ma uh ci. Mahtin ahi tale itin kaw kei na up theih tuk uh?

JOHAN 6:57

A nungmi Pa in keimah tiikin, ka nunnak hi amah hangin nung ing. Mahti bang bokin, keima taksa a eitu cu keimah hangin nungbok haw tuk hi.

JOHAN 7:29

Mahnaven kei cu thei ing. Itahim titale ama lak pen hung ing a, a tiiksuktu cu amah hi,” tin nging zetin au hi.

JOHAN 8:19

Amuh ten, “Na Pa cu ilai ah kaw a um?” tin dong haw hi. Jesuh in, “Keimah hei thei ma uh ci, ka Pa hei thei ma uh ci. Keimah na thei uh bang ahin ka Pa vang thei bok tuk nave uhcin,” tin don hi.

1 KORIN 15:34

Na lungmu uh khanglo unna, na sualnak uh cawl toh un. Mi khenkhat cu Pathian hei na theih uh ngawl hangin zakca haw hen tin ka tihmi hi.

1 KORIN 8:4

Milim biaknak an eih le eih ngawl thu ah hitin ngaisung ing, milim cu nunnak ngangai nei ma hi, na pa khat ai-in koihmi hi a; Pathian pa khat bek um tih thei hung hi.

2 KORIN 4:6

“Khuathimnak sung pen khuavaknak suak hen,” tin, a titu Pathian cu Khrih i mitmai hum a, Pathian i sunloihnak khi ka theih zawhnak tukin keimu lungmu sungah a vaknak piatu cu Pathian amah leleng hi.

FILIPI 3:10

Ka deihmi cu Khrih le a thawhlehnak i cahnak khi tep bokin le a thuaknak le a thihnakah vang telbokin,

FILIPI 3:8

Hi thil bek hei kha ma hi; thildang hempoh hei hi ihempoh sangin a sunglawi saw mi ka Topa Khrih Jesuh ka theihnak hangin sunnak tawp khawk, tin ngaisung ing.

1 THESALON 1:9

Na upnak thu uh a thei ngahtu hempoh ten nangmu lakah ka zin uhten itihzah khual pha uh cim tih le itih bangin milim zamsanin, Pathian lam hek uh cim tih le, a dikmi le a nungmi Pathian nadek tukin na zotnak thu uhte cu hilh haw in, a Capa vancung pen a hunnak tuk na ngahnak uh thute vang hilh haw hi.

2 THESALON 1:8

Pathian thei ngawlte le Topa Jesuh i Thuthangpha a um a sang nuam ngawl cu mei sungah khia in, bawlsia tuk hi.

HEBRU 3:1

Pathian i sambokmi Khristian unaupihte, eimu upnak ca in, Thiampi Sang hi tukin Pathian i tiikmi Jesuh i thu hi ngaisung hem un!

2 PETER 1:2

Pathian le Topa Jesuh Khrih na theihnak uh hangin hehpihnak le lemdaihnak cu cangkim zetin co zalta un hi.

2 PETER 1:3

A sunloihnak le a phatnak co bok tukin a samtu Khrih a theih theihnak uh hangin Pathian kihcaknak tuah a nun theihnak tukin a kul le sap uhmi hempoh cu Pathian ngilnak huhamin pia zo hi.

2 PETER 1:8

Hi phatnakte hi na kulzet uhmi hi a, cangkim zetin, na nei uh tale Topa Jesuh Khrih na theihnak uh hu le thawm hangin tha caktiktu le mualneitiktu hi haw tuk hi.

1 JOHAN 1:2

Hi nunnak cu muhtheihin, a cansuak ten oh ten mu hung hi. Mah hangin mah thu cu nangmuh tei lakah son ung a, Pa tuah a ummi kumkhua nunnak, keimu tei lakah a theihtikmi Thu khi nangmu lakah hilh ung hi.

1 JOHAN 1:3

Pa le a Capa Jesuh Khrih tuah pawlkomnak a neih uhmi sungah na tel theihnak tuk uhin ka muh uhmi le ka zak uhmi cu nangmuh tei lakah phuang ung hi.

1 JOHAN 2:23

Itahim titale Capa a nialtu cu Pa vang nial bok hi. A kuakua hei hihen Capa a umtu cu Pa vang um bok tuk hi.

1 JOHAN 4:6

Mahnaven ohte cu Pathian ta hung hi. Pathian a theitu hempohin eimu thu ngai haw hi. Pathian ta ahi ngawlmi in eimu thu ngai haw ma hi. Mahten a dikmi Hawvang le a dik ngawlmi hawvang deidatnak cu mu thei hung hi.

1 JOHAN 5:20

Pathian Capa hungsukin, ohtei nelah theihnak pia zo tih theih hung hi. Amah cu thuman tih thei hung a, ohte cu thuman sungah um hung hi. A Capa Jesuh Khrih sungah hei um hung hi. Himi hi kumkhua nunnak thuman hi.