JOHAN 17:25 - Ngawm Bible

²⁵ A dikcangmi Pa aw! Leihum ten nangmah thei haw ma naven kei in nangmah thei ing a, nangma tiikmi ka hihlam cu thei bok haw hi.

JOHAN 17:25 Iomraidhean Croise

ISAIAH 45:21

Na thu uh khentute cu pa khat le pa khat thuvaikum haw tahen. Thuneitute cu pa khat le pa khat thuvaikum haw tahen! Tanglaih cawngin hi thilte cang tuk laih hi, tin, a sontu cu akua kaw? A mihingte a pantu Pathian, Topa keimah hi ma ing maw? Pathian dang kuamah umma hi.

MATTHAI 11:27

“Ka Pa in, ka khut sungah ihempoh pia khawng zo hi. Pa sialngawl kuamah in, Capa cu thei haw ma hi; mahten Capa in thei bok haw hen tin, a ten mite sial ngawl, kuamah in Pa thei haw ma hi.

MATTHAI 16:16

Simon Peter in, “Nang cu a nungmi Pathian Capa Khrih hi ci,” ti hi.

LUKA 10:22

“Ka pa in, ihempoh ka lakah pia zo toh hi. Capa hi akua him tih cu Pa sialngawl kuamah in thei haw ma hi. Mahti bang bokin, Pa hi akua him tihvang Pa le Capa i phuan mitei lakah sial ngawl kuamah in thei zo haw ma,” ti hi.

JOHAN 1:18

Kuamah in, Pathian cu mu awng ma hi. A Pa in, a Capa neihcalam, a angsungah a umtiknakin langtik zo hi.

JOHAN 15:21

Mahnaven hi thute hempoh cu keima mihing na hih uh hangin nohtei humah bawl haw tuk hi. Itahim titale keimah a tiiktu Pa khi a theih haw ngawl hangin hi.

JOHAN 16:27

Itahim titale ka Pa amah hihimin nohte it hi. Noh ten keimah it in, keimah hi Pathian lak pen a hungmi hi tih na um uh hangin nohte it hi.

JOHAN 16:3

Ka Pa hei hihen, keimah hei hihen a theih haw ngawl hangin hitih bangin nohtei humah bawl haw tuk hi.

JOHAN 16:30

Nangmah in ihempoh thei khawng ci, kuamah i dotlih na kul ngawllam cu atu-in theiciang ung hi. Hi thu in nangmah cu Pathian lak pen a hungtu pa na hihlam um khotik hi,” tin ti haw hi.

JOHAN 17:11

Atu-in, na lakah hung tung a, kei cu leihumah umleh tukma toh naven amuhte cu leihumah um haw tuk laih hi. A thiangthomi ka Pa, nangmah le keimah pa khat a hih uh bangin leihumah a umlaih mite cu pa khat a hih theihnak tukin na piakmi na min i huham tuah humhimin hi.

JOHAN 17:18

Hi leihumah na tiiksuk bangin amuhte vang tiik bok ing.

JOHAN 17:21

A venghawng haw in, pa khat a hih theihnak tukin ngen ing. Pa aw, nangmah cu keima sungah um ci a, kei vang nangma sungah ka um bang bokin amuh vang cu eimu sungah umbok haw hen. Nangmah in kei na tiik cu hi leihumin, a san theihnak haw tukin amuhte cu pumkhatin cang zal haw hen.

JOHAN 17:23

Leihumin nangma tiikmi ing tih a theihnak haw tukin le keimah na ih bangin amuh vang na ihlam a theih theihnak haw tukin, kei cu amu sungah umin, nang cu keima sungah um ci.

JOHAN 17:3

Mah kumkhua nunnak tihmi cu Pathian nangmah theih le na tiikmi Jesuh Khrih theih na hi.

JOHAN 17:8

Na piakmi na thu cu hilh ing a, amuh ten pom zo haw toh hi. Nangma lak pen a hungmi ing hi, tih thuman hei cu thei haw in, na tiikmi tih hei khi um haw hi.

JOHAN 3:17

Itahim titale Pathian in, a Capa a tiik ten leihum thukhentu tukin tiik ma hi. Leihum Nunpantu tukin tiik hi.

JOHAN 6:19

Nungzuitute cu peng thum, peng li laih cu a hawmkuang hot li haw hi. Jesuh cu tuipi humah amu lam zuanin, a hung li khi amuh haw ten lau mahtak haw hi.

JOHAN 7:29

Mahnaven kei cu thei ing. Itahim titale ama lak pen hung ing a, a tiiksuktu cu amah hi,” tin nging zetin au hi.

JOHAN 8:19

Amuh ten, “Na Pa cu ilai ah kaw a um?” tin dong haw hi. Jesuh in, “Keimah hei thei ma uh ci, ka Pa hei thei ma uh ci. Keimah na thei uh bang ahin ka Pa vang thei bok tuk nave uhcin,” tin don hi.

JOHAN 8:55

Nohten amah cu thei awng ma uh ci. Mahnaven kei in thei ing. Thei mang ka ti ahin nangmuh bangin zolthu son hi bok tung hi. Mahnaven amah cu thei ngangai ing a, a thu vang mang ing.

NUNGZUITU 17:23

Itahim titale na khuapi sung uhte ka hawh ten Pathian na biaknak uhte ka zo ten biaklandawh pa khat humah, ‘Theih ngawlmi Pathian nelah,’ tin na ngat uh mu ing. Mahtin thei ngawl napi in, na biak uhmi Pathian cu atu nangmu lakah ka phuan lihmi hi.

NUNGZUITU 26:18

A mit haw haktik tuk ci a, khuathimnak sung pen khuavaknakah Satan huham sung pen Pathian i lakah kiklehtik tuk ci. Mahten keimah a upatnak haw i hangin a sualnak haw cu ngaihdam hi haw tuk a, Pathian i mihing tenmi sungah tel bok haw tuk,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 1:28

Hitih bang mihing ten Pathian thudik cu a lungmu sung hawah thei nuam ngai ngawlin lungmu nawngkainak sungah Pathian in hengtik hi. Mah hangin bawl tuk ngawl nate khi bawl haw hi.

ROM Khua Khristian Tei Lakah Paul i Laikuat (Paul’s Letter to the Romans) 3:11

A cipmi pa khat hei umma hi; Pathian biatu hei umma hi.

1 KORIN 1:21

Mihing ten amu cihnak tuah Pathian a theih ngawlnak haw tukin Pathian in ama cihnak tuah bawlhamsa zo hi. “Sil thu” hi tin, a ngaihsut haw mi Thuthangpha a umtute nunpan tukin Pathian i bawlmi hi.

1 KORIN 15:34

Na lungmu uh khanglo unna, na sualnak uh cawl toh un. Mi khenkhat cu Pathian hei na theih uh ngawl hangin zakca haw hen tin ka tihmi hi.

2 KORIN 4:4

Mahmi ten sang haw ma hi, itahim titale hi leihum i pathian sesuakin, a lungmu haw cu khuathim lakah a koih leleng hangin hi. Thuthangpha i vaknak Khrih i sunloihnak pen a hengmi vaknak cu mu haw ma hen tin mah pathian in lim leleng hi. Khrih cu Pathian tuah bangve loli hi.

2 THESALON 1:8

Pathian thei ngawlte le Topa Jesuh i Thuthangpha a um a sang nuam ngawl cu mei sungah khia in, bawlsia tuk hi.

HEBRU 8:11

Kuamah in, a unau le amu ngamsung a phunpih hihen, ‘Topa thei un,’ a tihdun haw kul tukma hi. Itahim titale upabel pen nautabel tianin, a venghawng haw in thei khawng haw tuk hi.

1 JOHAN 1:9

Mahnaven Pathian nelah a sualnak uh a phuang uh tale amah cu muantak le a dikmi a hih bangin a khelhnak uhte zah tuk a, a sualnak uh hempoh thiangtik tuk hi.

MANGMUHNAK 13:8

Thahnak thuaktu Tuuno i nunnak laibu sungah leipi pian laih ngawlin min khumsa mite sial ngawl, leihummi hempoh ten mahmi sahang cu bia haw tuk hi.

MANGMUHNAK 16:5

Tui humah thuneitu vancungmi in, “Hi na thu khennakte cu a dikmi hi; Maw a thiangthomi, atu a ummi le ni dang laih cawngin, a um zo mi, mailam huncan tianin, a um leleng tuk laihmi Pathian,